18 шорыкйол

←
→
Шорыкйол
← →Шорыкйол
	2026 ий

18 шорыкйол (18 январь) — григориан кечышот почеш идалыкын 18-ше кечыже. Идалык пытыме марте 347 (кужемдыме ийлаште — 348) кече кодеш.

Йошкар-Олаште ☀️ Кече 7 шагатат 59 минутлан лектеш, 15 шагатат 37 минутлан шинчеш. Кечын кужытшо 🕒 7 шагатат 37 минут.
🌘 Шоҥго тылзе (29.08 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 18 кечысе пайрем-влак

— Тӱнямбалысе лум кече (руш. Всемирный день снега) — шорыкйол тылзын 3-шо рушарнян палемдалтеш.
— Лумъеҥын тӱнямбал кечыже (руш. Всемирный день снеговика).
Россий — Российыште йоча телевиденийын шочмо кечыже (руш. Дeнь рoждeния дeтcкoгo телевидения в Ρoccии).
Россий — Россий ВВС-ын Тӱҥ командованийжын кечыже (руш. День Главного командования ВВС России).
Умылтарыман мутер кече (руш. День толкового словаря).
Кофем йӧратышын кечыже (руш. День кофейного гурмана).
Крешене кас (руш. Крещенский сочельник).
Тӱнямбалысе юмыйӱла кече (руш. Всемирный день религии) — шорыкйол тылзын 3-шо рушарнян палемдалтеш.

Лӱмгече

Католик лӱм-влак: Волузиан, Маргарита, Приска.
Православий лӱм-влак: Аполлинария, Григорий, Евгения, Иосиф, Лукиан, Матфей, Мина, Михей, Роман, Саис, Сергей, Симеон, Синесий, Синклитикия, Татьяна, Феоид, Феона, Феопемпт, Фома, Фостирий.

Эртынчык-влак

Тугак ончо: Категорий:Шорыкйол тылзын 18 кечысе событий-влак

Шочыныт

Тугак ончо: Категорий:Шорыкйол тылзын 18 кечынже шочшо-влак

1918 — Зоя Константиновна Варгина, 1961—1966 ийлаште Молдова ССР-ысе Министр-влак Каҥаш пеленысе Чодыра озанлык да пӱртӱсым аралыме тӱҥ виктемын начальникше, 1966—1975 ийлаште — Молдова ССР-ысе Министр-влак Каҥашын Чодыра озанлык кугыжаныш комитетын председательже. Тудо жаплан чодыра озанлык аланыште вуйлатыше, республикысе виктерын йыжыҥъеҥже лийше ик ӱдырамаш гына.
1931 — Лидия Ивановна Кнутова, совет торгайыме пашан еҥже. Марий АССР-ысе Волжск оласе торгын директоржо (1977—1992). РСФСР торгаймашын сулло пашаеҥже (1989). Марий Элысе Волжск олан Чапланыше гражданинже (2010). Октябрь Революций орденын кавалерже (1985).
1939 — Анатолий Александрович Зенкин, совет да российысе кугыжаныш пашаеҥ. Марий АССР-ын тӱвыра министрже (1974—1982). Марий Эл Республикысе Кӱшыл Каҥаш Председательын икымше алмаштышыже (1990—1993). Россий Федерацийын Федерал Погын пеленысе Федераций Каҥашын йыжыҥъеҥже (1994—1996).
1956 — Евгений Николаев, руш серызе, журналист, Россий журналист-влак ушемын йыжыҥъеҥже (1983).
1968 — Татьяна Анатольевна Наталици (Амельченко), марий йылмызе, шанчызе, туныктышо, филологий шанче кандидат (1996).

Коленыт

Тугак ончо: Категорий:Шорыкйол тылзын 18 кечынже колышо-влак

1855 — Андрей Михайлович Шёгрен, российысе йылмызе, историк, этнограф, путешественник, финно-угроведенийлан негызым пыштыше.
1967 — Александр Николаевич Теренин, совет физик-химик, СССР АН-ын академикше (1939; йыжъеҥ-корреспондент 1932 ий гыч). Социалист Пашан Талешкыже, Сталин премийын лауреатше.
2002 — Елена Еремеевна Кочергина, йытыным кӱршӧ, Марий АССР Параньга районысо Палантай лӱмеш колхозышто Марий Турек МТС-ын звеньевойжо. Социалистический Паша Герой (07.03.1960).
2023 — Николай Николаевич Досталь, совет ден россий режиссёр, сценарист да киноактёр.

Калык пале

Крещений кастене ӱдыр лум вӱд дене чывылалтеш гын, пӧръеҥ-влакым шкеж дек савыраш тӱҥалеш.