Артюшов, Анатолий Андрианович
| Анатолий Андрианович Артюшов | |
|---|---|
 | |
| Шочмо кече | 6 шорыкйол 1932 |
| Шочмо вер | |
| Колымо кече | 2 шорыкйол 2019 (86 ий) |
| Колымо вер | |
| Гражданлык | |
| Паша сомыл | юрист, судья, преподаватель |
| Награде да премий |
|
Анатолий Андрианович Артюшов (6 шорыкйол 1932, Картук, Йоласал ял шотан илем[d] — 2 шорыкйол 2019, Йошкар-Ола) ― совет юрист, судья. Марий АССР/Марий Элысе Кӱшыл суд председательын алмаштышыже (1971—1994). Пӱтынь российысе судья-влакын I―II погыныштышт лийын (1991, 1993), Россий Федерацийысе судья-влак каҥашын йыжъеҥже. РСФСР-ын сулло юристше (1991), Марий АССР-ын сулло юристше (1985).
Илыш корныжо
1932 ий 6 шорыкйолышто кызытсе Марий Элысе Курыкмарий вел Картук ялеш шочын[1][2][3].
1954 ийыште Саратовысе юридический институтым тунем пытарен[1][2].
Институтым тунем пытарымеке, 1954―1957 ийлаште прокуратурын следовательжылан, 1957―1960 ийлаште ― Марий АССР-ысе Провой вел 1-ше кумдыкын калык судьяжлан, 1960―1961 ийлаште ― калык судьялан, 1961―1965 ийлаште ― МАССР-ысе Провой район калык судын председательжылан, 1965―1971 ийлаште ― уэш тиде судын калык судьяжлан пашам ыштен[1][2]. Судья олмышто пашам ыштыме жапыште шкенжым ӱшанле пашаеҥ, ушан специалист да квалифициян судья семын ончыктен.
1971―1994 ийлаште ― коллегийын йыжъеҥже, Марий АССР / Марий Элысе Кӱшыл суд председательын икымше алмаштышыже[1][2][3]. Тудлан икымше квалификаций классан судья лӱмпалым пуымо, 1994 ий 3 октябрьыште почётан канышыш лектын.
1996―1998 ийлаште ― Марий кугыжаныш университетыште юридический факультетын доцентше[1][2].
Судын да республикысе суд ушемын мер илышыштыже чолган тыршен: 1991 да 1993 ийлаште I да II пӱтынь российысе судья-влак погынышто лийын, Россий Федерацийысе судья-влак каҥашын йыжъеҥжылан сайлалтын[4].
1991 ийыште тудлан «РСФСР-ын сулло юристше» чаплӱмым пуымо. Медаль-влак, Марий АССР Кӱшыл Каҥаш Президиумын Чаптаныкше, Марий АССР-ысе Кӱшыл судын да Марий Эл Республикысе судья-влак каҥашын Чапкагазше-влак дене палемдалтын[1][2].
«Записки советского судьи» / «Совет судьян возымыжо» (2019) книган авторжо[5].
2019 ий 2 шорыкйолышто Йошкар-Олаште илыш гыч каен[6].
Чаплӱм да суаптар-влак
- РСФСР-ын сулло юристше (24 декабрь 1991) ― [1][2] ― тӧртыкым пеҥгыдемдымаште суаплан да шуко ияш ӱшанле пашалан[7][8];
- Марий АССР-ын сулло юристше (1985)[1][2];
- «Владимир Ильич Ленинын шочмыжлан 100 ий темме лӱмеш» медаль (1970);
- «Пашан ветеранже» медаль;
- Марий АССР Кӱшыл Каҥаш президиумын Чаптаныкше (1982)[1][2].
Палемдымаш
- ↑ 1 2 3 4 5 6 7 8 9 Мочаев, 2017, с. 34.
- ↑ 1 2 3 4 5 6 7 8 9 Энциклопедия Республики Марий Эл, 2009, с. 231.
- ↑ 1 2 Картуково. rodnaya-vyatka.ru. Тергыме кече: 31 шыжа 2025.
- ↑ Составы Советов судей РФ. web.archive.org (29 шыжа 2016). Тергыме кече: 31 шыжа 2025.
- ↑ Записки советского судьи - Артюшов Анатолий Андрианович. — 2019.
- ↑ Коллектив Верховного Суда Республики Марий Эл., Анатолий Андрианович Артюшов / 2 января 2019 года ушел из жизни заместитель Председателя Верховного Суда Республики Марий Эл в отставке, <https://www.marpravda.ru/spetsproekty-mp/vechnaya-pamyat/anatoliy-andrianovich-artyushov/>.
- ↑ О присвоении почетного звания "Заслуженный юрист РСФСР". pravo.gov.ru. Тергыме кече: 27 шыжа 2025.
- ↑ Указ Президента РСФСР от 24.12.1991 N 227-н. rulaws.ru. Тергыме кече: 31 шыжа 2025.
Литератур
- Давыдов А. С. Итоги пройденных лет // Марийский юридический вестник. ― 2002. ― Вып. 2. ― С. 8―10.
- Краснов П. В. Артюшов Анатолий Андрианович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 32. — 2032 экз. — ISBN 5-87898-357-0.
- Артюшов Анатолий Андрианович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 231. — 872 с. — 3505 экз. — ISBN 978-5-94950-049-1.
- Краснов П. В., Иваков А. В. Артюшов Анатолий Андрианович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 34. — 606 с. — 1500 экз. — ISBN 978-5-905314-35-3.
- Шорыкйол тылзын 6 кечынже шочшо-влак
- 1932 ийыште шочшо-влак
- Курыкмарий районышто шочшо-влак
- Шорыкйол тылзын 2 кечынже колышо-влак
- 2019 ийыште колышо-влак
- Йошкар-Олаште колышо-влак
- Алфавит почеш персоналий-влак
- Алфавит почеш судья-влак
- Российысе судья-влак
- СССР-ысе судья-влак
- РСФСР-ын сулло юристше-влак
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- «Пашан ветеранже» медаль дене суапландаралтше-влак
- Марий педагогике институтын туныктышыжо-влак
- Марий Элысе юрист-влак
- Марий АССР-ын сулло юристше-влак
- Саратовысе кугыжаныш юридический академийым тунем лекше-влак