9 шорыкйол
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
9 шорыкйол (9 январь) — григориан кечышот почеш идалыкын 9-ше кечыже. Идалык пытыме марте 356 (кужемдыме ийлаште — 357) кече кодеш.
Йошкар-Олаште ☀️ Кече 8 шагатат 12 минутлан лектеш, 15 шагатат 24 минутлан шинчеш. Кечын кужытшо 🕒 7 шагатат 11 минут.
🌖 Катыкем толшо тылзе (20.08 тылзе кече).
Пайрем да шарныктарыше кече-влак
Тугак ончо: Категорий:Шорыкйол тылзын 9 кечысе пайрем-влак
— Хореограф-влакын тӱнямбал кечышт (руш. Международный день хореографов).
Россий — Кагаз окса лекме кече (руш. День появления бумажных денег).
США — Южышто ийын коштмо калыкле кече (руш. Национальный день воздухоплавания).
Сербий Республик — Республикын кечыже (руш. День Республики).
Панама — Орланыше-влакын калыкле кечышт (руш. Национальный день мучеников)[1].
Лӱмгече
- Католик лӱм: Адриан.
- Православий лӱм-влак: Антонина, Елена, Иосиф, Давид, Степан, Тихон, Ферапонт, Фёдор, Яков.
Эртынчык-влак
Тугак ончо: Категорий:Шорыкйол тылзын 9 кечысе событий-влак
- 2007 — икымше iPhone лектын.
Шочыныт
Тугак ончо: Категорий:Шорыкйол тылзын 9 кечынже шочшо-влак
- 1920 — Георгий Александрович Пономарёв, совет да россий сарзе эмлыше. Кугу Ачамланде сарын да совет-япон сарын участникше (1944―1945).
- 1952 — Богданов, Валерий Петрович, футболист, Марий Элын сулло тренерже. Самара олаште шочын. Но ынде ятыр ий Йошкар-Оласе спорт ушемлаште пашам ышта. 2005-ше ийыште йоча спорт школышто футбол дене тренерлан тыршаш тӱҥалын.
- 1955 — Валерий Якимов, марий серызе, почеламутчо, журналист, драматург, Россий Серызе-влак ушемын йыжъеҥже (1999).
- 1967 — Эльвира Семёновна Лиси́цына, артистка. Куженер кундем Йорош ялыште шочын. Марий еҥлан тудо «Чоныштем илет» икымше марий сериалыште устан модшо семын палыме. Тыгак Эльвира Семёновна курчак театрыште устан модеш, Марий Элын калык артисткыже лӱмым нумалеш.
- 1971 — Александр Всеволодович Горбунов, россий кугыжаныш пашаеҥ. 2025 ий 30 июль гыч — Марий Эл Республикысе чоҥышо, архитектур да тӱшкан илымывер озанлык шотышто министр.
Коленыт
Тугак ончо: Категорий:Шорыкйол тылзын 9 кечынже колышо-влак
- 1993 — Надежда Прокопьевна Кузнецова-Дружинина, марий совет куштызо да балетмейстер. «Марий Эл» мурышо да куштышо кугыжаныш ансамбльын солисткыже (1951―1974), «Марий памаш» калык ойпого-этнографий ансамбльын тӱҥ балетмейстерже (1974―1993). РСФСР-ын сулло артисткыже (1970). Марий АССР-ын калык артисткыже (1960). Марий АССР кугыжаныш премийын лауреатше (1982).
- 2001 — Василий Константинович Токтаров, совет сарзе пашаеҥ. Кугу Ачамланде сар ийлаште — миномётчик, химий аралтыш пӧлкан командирже, 2-шо Белорус фронтысо гварий 342-шо неле шкекоштшо артиллерий полкын шкекоштшо саргуралын командирже, гвардийын кугурак лейтенантше. 5 Ачамланде сар орденын кавалерже. ВКП(б) йыжъеҥ (1943—1955).
- 2005 — Фёдор Иванович Гордеев, марий йылмызе, филологий шанче кандидат (1961), профессор (1992), Марий АССР-ысе шанчын сулло пашаеҥже (1989).
Калык пале
- Эр гычак киса-шамыч йӱкланат гын, йӱдым чот йӱштым вучыман.
- Лум кугу пырче дене лумеш – йӱран да ночко игечылан.
Палемдымаш
- ↑ 9 января: этот день в календаре, 2021-01-08, <https://sputnik-ossetia.ru/20210108/9-yanvarya-kakoy-segodnya-prazdnik-v-Rossii-i-mire--sobytiya-iz-kalendarya-9875469.html>. Тергыме: 9 шорыкйол 2026.