Шарина, Клавдия Ивановна

Клавдия Ивановна Шарина
Клавдия Ивановна Шарина
Шочмо кече	2 шорыкйол 1912
Шочмо вер	Усть-Урень[d], Карсун уезд[d], Симбирск губерний[d], Россий империй;
Колымо кече	5 вӱдшор 2002 (90 ий)
Колымо вер	Йошкар-Ола, Россий;
Эл	Россий империй → СССР
Профессий	шинчам эмлыше, тӱҥ врач
Шанче алан	офтальмологий
Паша вер	Марий АССР-ын Республикысе шинча эмлымверже
Образований	Озаҥ кугыжаныш медицине университет[d];
Званий
Награде да премий

Клáвдия Ивáновна Шáрина (2 шорыкйол 1912, Усть-Урень^[d], Симбирск губерний^[d] — 5 вӱдшор 2002, Йошкар-Ола) ― совет тазалыкаралтыш пашаеҥ, шинчам эмлыше, мер-политике пашаеҥ. Марий АССР Кӱшыл Кӱшыл Каҥаш Президиум председательын алмаштышыже (1955―1963). Марий АССР-ын Республикысе трахоматоз диспансерын / Республикысе шинча эмлымверын тӱҥ эмлызыже (1943―1945, 1958―1972). РСФСР-ын сулло эмлызыже (1965), Марий АССР-ын сулло эмлызыже (1952). КПСС йыжыҥъеҥ.

Илыш корныжо

1912 ий 2 январьыште кызытсе Ульяновск область Карсун районысо Усть-Урень ялыште шочын^[1]^[2].

1935 ийыште Озаҥысе медицине институтым (руш.) (мар. тунем пытарен. Марий АССР-ыш колтеныт: 1938 ий марте — Оршанкысе эмлымверын эмлызыже, 1938 ий гыч ― МАССР-ын Республикысе трахом диспансерыште / Республикысе шинча эмлымверыште: ординатор, 1943―1945 да 1958―1972 ийлаште ― тӱҥ эмлызе^[1]^[2]. Кугу Ачамланде сар жапыште да сар деч вара Марий республикыште шарлыше трахомым чарыме пашашке кугу надырым пыштен^[3].

1955―1963 ийлаште Марий АССР Кӱшыл Каҥашын 2 созывысе депутатшылан сайлалтын, Марий АССР Кӱшыл Каҥаш Президиум председательын алмаштышыже лийын^[1]^[2]^[3].

Тазалыкаралтыш аланыште шуко ий тыршен пашам ыштымыжлан 1952 ийыште «Марий АССР-ын сулло эмлызыже», 1965 ийыште ― «РСФСР-ын сулло эмлызыже» чаплӱм дене палемдалтын^[1]^[2].

2002 ий 5 апрельыште Йошкар-Олаште колен^[1]^[2].

Чаплӱм ден суаптар-влак

«Чап Тамга» орден (1961)^[1]^[2];
«Пашаште ойыртемалтмылан» медаль (1951)^[1]^[2];
«Чапле пашалан. Владимир Ильич Ленинын шочмыжлан 100 ияш темме лӱмеш» медаль;
Марий АССР Кӱшыл Каҥаш Президиумын Чаптаныкше (1963, 1972)^[1]^[2];
РСФСР-ын сулло эмлызыже (1965)^[1]^[2];
Марий АССР-ын сулло эмлызыже (1952)^[1]^[2];
«Тазалыкаралтышын отличникше» оҥ тамга^[3].

Шарнымаш

Шинчам эмлыше К. И. Шариналан кумдан палыме калык поэт, СССР Кугыжаныш премийын лауреатше Миклай Казаковын почеламутшо пӧлеклалтын (1955).

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2017, с. 494.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Энциклопедия Республики Марий Эл, 2009, с. 820.
↑ ¹ ² ³ К 80-летию высшего законодательного органа республики Руководители Верховного Совета четвертого созыва (неопр.). yoshkarola.bezformata.com. Тергыме кече: 23 теле 2025.

Литератур

Александров Н. А., Мочалов С. Г. Развитие здравоохранения в Марийской АССР. ― Йошкар-Ола: Марийское книжное издательство, 1980. — 216 с.: ил.
Шарина Клавдия Ивановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 400. — 2032 экз. — ISBN 5-87898-357-0.
Шарина Клавдия Ивановна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 820. — 872 с. — 3505 экз. — ISBN 978-5-94950-049-1.
Краснов П. В. Шарина Клавдия Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 494. — 606 с. — 1500 экз. — ISBN 978-5-905314-35-3.

Кылвер-влак

К 80-летию высшего законодательного органа республики Руководители Верховного Совета четвёртого созыва.

[_d89ac4506f00e8ff-1] ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2017, с. 494.

[_a10626b7b8c887b2-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Энциклопедия Республики Марий Эл, 2009, с. 820.

[:0-3] ¹ ² ³ К 80-летию высшего законодательного органа республики Руководители Верховного Совета четвертого созыва (неопр.). yoshkarola.bezformata.com. Тергыме кече: 23 теле 2025.

[1]

[2]

[3]