19 шорыкйол

←
→
Шорыкйол
← →Шорыкйол
	2026 ий

19 шорыкйол (19 январь) — григориан кечышот почеш идалыкын 19-ше кечыже. Идалык пытыме марте 346 (кужемдыме ийлаште — 347) кече кодеш.

Йошкар-Олаште ☀️ Кече 7 шагатат 58 минутлан лектеш, 15 шагатат 38 минутлан шинчеш. Кечын кужытшо 🕒 7 шагатат 40 минут.
🌑 У тылзе (0.55 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 19 кечысе пайрем-влак

— Чыла чонан деке ныжылге лийме кече (руш. День нежности ко всем существам).
Россий — Патологоанатомын кечыже (руш. День патологоанатома).
Россий — Ульяновск областьын шочмо кечыже (руш. День рождения Ульяновской области).
Россий — Колышо моряк ден колызо-влакым шарныме кече (руш. День памяти погибших моряков и рыбаков).
Белоруссий — Утарыше службо пашаеҥ-влакын кечышт (руш. День работников службы спасения).
Исландий — Пелашын кечыже (руш. День супруга).
США — Калыкле попкорн кече (руш. Национальный день попкорна).
США — Мартин Лютер Кингын кечыже (руш. День Мартина Лютера Кинга) — шорыкйол тылзын 3-шо шочмын палемдалтеш.
Господьым Тынеш Пуртымаш (руш. Крещение Господне).

Лӱмгече

Католик лӱм-влак: Аввакум, Авдифакс, Вульфстан, Генрих, Кнуд, Марин (Марис), Марта, Понтиан.
Православий лӱм-влак: Иван, Феофан.

Эртынчык-влак

Тугак ончо: Категорий:Шорыкйол тылзын 19 кечысе событий-влак

Шочыныт

Тугак ончо: Категорий:Шорыкйол тылзын 19 кечынже шочшо-влак

1856 — Иван Николаевич Смирнов, российысе эртыкым шымлыше да этнограф, Император Озаҥ университетыcе тӱнямбал эртык кафедрын ординар профессоржо.
1860 — Леонид Иванович Яшнов, чодырам ончышо, Российыште чодырам ончен-куштымаште тунемме пашам вӱдышӧ.
1914 — Арсений Мурзай, курыкмарий серызе, туныктышо, 1941–1945 ийласе Кугу Ачамланде сарын участникше.
1916 — Михаил Иванович Доронин, совет сарзе вуйлатыше, партий да комсомол пашаеҥ. ВЛКСМ Татар обкомын икымше секретарьже (1940―1942). Кугу Ачамланде сар жапыште ― 1-ше Украин фронтын 5-ше гвардий армийын политпӧлка инспекторжо. Карпат пелен сар йырвелысе политвиктем начальникын алмаштышыже (1962―1975). Генерал-майор (1968). 1940 ий гыч ВКП(б)-н йыжыҥъеҥже.
1936 — Юрий Ильич Бакулин, совет да российысе шанчызе-геолог, геологий-минералогий шанче доктор, профессор. Дальневосточный мландысе геологий виктемын (1974—1983), Дальневосточный минерал поянлыкым шымлыше институтын (1986—2000) директоржо. Тихий океанысе кугыжаныш университетын профессоржо (2008—2015). Ленин премийын лауреатше (1964). Россий пӱртӱс шанче академийын, Минерал поянлык тӱнямбал академийын, Курык шанче академийын академикше, Российысе минералогий ушемын чын йыжъеҥже.
1957 — Александр Спиридонович Швед, совет да российысе тенор, театр артист. Э. Сапаев лӱмеш Марий опер да балет театрын солистше (1985—2012). Марий Эл Республикын сулло артистше (1998). Марий Эл Республикын калык артистше (2007).

Коленыт

Тугак ончо: Категорий:Шорыкйол тылзын 19 кечынже колышо-влак

2009 — Станислав Юрьевич Маркелов, российысе адвокат, правам аралыше, права вуйланымаш институтын президентше, «Тӱшкан ыштымаш» институтын пашаеҥже, шола активист да антифашист.

Калык пале

Кече кунар пыланрак — тунар кеҥеж волгыдырак да кечанрак лиеш.