5 шорыкйол

← → Шорыкйол
Шч Кш Вр Из Кг Шм Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

5 шорыкйол (5 январь) — григориан кечышот почеш идалыкын 5-ше кечыже. Идалык пытыме марте 360 (кужемдыме ийлаште — 361) кече кодеш.

Йошкар-Олаште ☀️ Кече 8 шагатат 17 минутлан лектеш, 15 шагатат 19 минутлан шинчеш. Кечын кужытшо 🕒 7 шагатат 2 минут.
🌕 Тичмаш тылзе (16.08 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 5 кечысе пайрем-влак

•  ООН — Бойскаутын тӱнямбал кечыже (руш. Международный день бойскаута).
•  ООН — Кочмым эскерыме тӱнямбал кече (руш. Международный разгрузочный день).
• Сербий Республик,  Сербий,  Черногорий — Туциндан (руш. Туциндан).
•  Индий — Гуру Гобинд Сингхын шочмо кечыже (руш. День рождения гуру Гобинда Сингха).
•  Беларусь — Социал аралтыш пашаеҥ-влакын кечышт (руш. День работников социальной защиты).
•  США — Кайык кече (руш. День птиц).
• Федулын кечыже — (руш. Федулов день).

Лӱмгече

• Католик лӱм-влак: Иван, Симеон, Телесфор.
• Православий лӱм-влак: Агафопус, Василид, Василий, Геласий, Давид, Еварест, Евникиан, Евпор, Зотик, Иван, Макарий, Наум, Нифонт, Павел, Помпий, Сатурнин (Саторнин), Феодул, Феоктист.

Эртынчык-влак

Тугак ончо: Категорий:Шорыкйол тылзын 5 кечысе событий-влак

• 1728 — Гаванысе университет ыштылтын.

Шочыныт

Тугак ончо: Категорий:Шорыкйол тылзын 5 кечынже шочшо-влак

• 1885 — Пётр Трофимович Кочетов, совет революций, партий-совет пашаеҥ. Марий областьысе тоштерын (кызыт — Марий Эл Республикысе Т. Евсеев лӱмеш калыкле тоштер) вуйлатышыже (1931—1935).
• 1928 — Вениамин Георгиевич Ефремов, совет ялозанлык пашаеҥ. «Кайык йӧнозанлык» Марий трестын икымше председательже (1967—1988). РСФСР ялозанлыкын сулло пашаеҥже (1985). КПСС йыжъеҥ.
• 1936 — Валентин Семёнович Губин, совет да россий партий да мер пашаеҥ. КПСС Марий обкомысо икымше секретарьын полышкалышыже, пашам виктарыше (1976—1980, 1988—1991).
• 1959 — Вячеслав Абукаев-Эмгак, марий серызе, почеламутчо, прозаик, драматург, кусарыше, журналист, сылнымут критик да театр пашаеҥ. 1991 ий гыч СССР серызе-влак ушемын йыжъеҥже.
• 1974 — Андрей Васильев, Марий Эл Республикын сулло артистше (2020), «Майатул» VII финн-угор калык театр-влакын тӱнямбал фестивальын лауреатше (2008), Йыван Кырла лӱмеш калыкле театр премийын лауреатше (2007). Марий самырык театрын актёржо.
• 1975 — Сергей Карпов, артист, радиовӱдышӧ, мыскараче, амалкалче, мер пашаеҥ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2006).
• 1993 — Светлана Анатольевна Скулкина, М. Шкетан лӱмеш марий кугыжаныш драме театрын актрисыже.

Коленыт

Тугак ончо: Категорий:Шорыкйол тылзын 5 кечынже колышо-влак

• 1965 — Яков Элексейн, марий серызе, кусарыше, туныктышо, СССР Серызе-влак ушемын йыжъеҥже (1957).
• 1969 — Анатолий Андреевич Утросин, совет сарзе вуйлатыше. Кугу Ачамланде сар жапыште ― 2-шо формированийын 211-ше лӱйкалыше дивизийын 894-ше лӱйкалыше полкын лӱйкалыше батальонын командирже. Кутузов орденын 14-ше Киев-Житомир ракете дивизийын командирже ― Йошкар-Оласе гарнизонын начальникше (1963―1969). Генерал-майор (1965). 1941 ий гыч ВКП(б)-ын йыжыҥъеҥже.

Калык пале

• Пырыс шокшо верым кычалеш гын, тале йӱштӧ толеш.

Палемдымаш