6 шорыкйол

← → Шорыкйол
Шч Кш Вр Из Кг Шм Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

6 шорыкйол (6 январь) — григориан кечышот почеш идалыкын 6-шо кечыже. Идалык пытыме марте 359 (кужемдыме ийлаште — 360) кече кодеш.

Йошкар-Олаште ☀️ Кече 8 шагатат 16 минутлан лектеш, 15 шагатат 20 минутлан шинчеш. Кечын кужытшо 🕒 7 шагатат 4 минут.
🌖 Катыкем толшо тылзе (17.08 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 6 кечысе пайрем-влак

• Сарыште тулыкеш кодшо йоча-влакын тӱнямбал кечышт (руш. Международный день детей — сирот войны).
• Хурмам йӧратыше-влакын кечышт (руш. День любителей хурмы).
• Ӧндалалтме кече (руш. День объятий).
•  Ямайке — Марун-влакын кечышт (руш. День марунов).
• Рошто ожсыгече (руш. Рождественский сочельник).

Лӱмгече

• Православий лӱм-влак: Агата да Агафа (Агафья), Антиох, Афродисий, Ахаик, Ахмед (Ахмет), Витимион, Евгения, Евсузий, Иакинф, Иннокентий, Клавдия, Николай, Прот, Сергей.

Эртынчык-влак

Тугак ончо: Категорий:Шорыкйол тылзын 6 кечысе событий-влак

Шочыныт

Тугак ончо: Категорий:Шорыкйол тылзын 6 кечынже шочшо-влак

• 1932 — Анатолий Андрианович Артюшов, совет юрист, судья. Россий Федерацийысе судья-влак каҥашын йыжъеҥже. РСФСР-ын сулло юристше (1991), Марий АССР-ын сулло юристше (1985).
• 1933 — Аркадий Букетов-Сайн, марий серызе, почеламутчо, журналист, туныктышо, кусарыше, РСФСР Журналист-влак ушемын йыжъеҥже (1982), МССР-ын сулло журналистше (1991).
• 1941 — Геннадий Харитонович Заболотских, совет да российысе йоча хирург, тазалык аралтыш пашам виктарыше. РСФСР-ын сулло врачше (1980).
• 1942 — Георгий Валерианович Тайгильдин, совет да российысе сӱретче-график, живописец, туныктышо, Российысе сӱретче-влак ушемын йыжыҥъеҥже.
• 1951 — Георгий Пирогов, руш серызе, почеламутчо, журналист, Россий Журналист-влак ушемын йыжъеҥже.
• 1970 — Татьяна Пчёлкина, марий серызе, почеламутчо, журналист, Марий Эл Республикысе Олык Ипай лӱмеш Кугыжаныш самырыктукым премийын лауреатше (2002), Россий Серызе-влак ушемынын йыжъеҥже (2012), Тӱнямбал Серызе-влак ушемын йыжъеҥже (2013), Марий Эл Республикысе тӱвыран сулло пашаеҥже (2019).
• 1993 — Иван Сергеевич Демаков, российысе волейболист, покшел блокирующий, тӱнямбал классан спорт мастер.

Коленыт

Тугак ончо: Категорий:Шорыкйол тылзын 6 кечынже колышо-влак

• 1972 — Мичурин-Ятман, марий серызе, почеламутчо, кусарыше, туныктышо, СССР Серызе-влак ушемын йыжъеҥже (1934).
• 1993 — Алексей Тимофеев (Алексей Васильевич Тимофеев), марий серызе, журналист Марий АССР-ысе тӱвыран сулло пашаеҥже (1979), РСФСР-ысе тӱвыран сулло пашаеҥже (1983).
• 1996 — Семён Григорьевич Лукаев, совет партий да администраций пашаеҥ. Марий АССР Кӱшыл Каҥашын V (1959—1963) да VI (1963—1967) созывласе депутатше.
• 2008 — Анна Ивановна Пегашева, Социалистический Пашан Талешкыже (1971), Свердловск кундемысе Арти вел «Дружба» совхозышто кургым ончен куштышо тӱшкам вуйлатыше, Арти ола округын Чапланыше айдемыже.

Калык пале

• Йӱд каваште Млечный путь коеш — кеҥеж шокшо лиеш.

Палемдымаш