15 шорыкйол

←
→
Шорыкйол
← →Шорыкйол
	2026 ий

15 шорыкйол (15 январь) — григориан кечышот почеш идалыкын 15-ше кечыже. Идалык пытыме марте 350 (кужемдыме ийлаште — 351) кече кодеш.

Йошкар-Олаште ☀️ Кече 8 шагатат 4 минутлан лектеш, 15 шагатат 32 минутлан шинчеш. Кечын кужытшо 🕒 7 шагатат 27 минут.
🌘 Шоҥго тылзе (26.08 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 15 кечысе пайрем-влак

Россий — Россий Федерацийын Следствий комитетшым ыштыме кече (руш. День образования Следственного комитета Российской Федерации).
Россий — Россий Федерацийысе Сарзе-теҥыз флотын Тӱҥ штабшын кечыже (руш. День Главного штаба Военно-морского флота Российской Федерации).
Россий — Телым эртараш кодшо кайык-влакын кечышт (руш. День зимующих птиц в России).
Египет, Иорданий — Пушеҥгым шындыме кече (руш. День посадки деревьев).
Хорватий — Тӱнямбалне шотлаш тӱҥалме кече (руш. День международного признания).
Тӱнямбалысе шаурма кече (руш. Всемирный день шаурмы).
Фигурный мунчалтымаш кече (руш. День фигурного катания).

Лӱмгече

Католик лӱм-влак: Макарий, Павел; Ита.
Православий лӱм-влак: Аммон, Василий, Егор, Домн, Закхей, Зорсис, Кузьма, Марк, Модест, Пётр, Серафим, Сергей, Сидор, Сильвестр, Феоген, Феопемпт, Феопист; Ульяна, Федотья.

Эртынчык-влак

Тугак ончо: Категорий:Шорыкйол тылзын 15 кечысе событий-влак

2001 — Википедийын www.wikipedia.org сайтше почылтын.

Шочыныт

Тугак ончо: Категорий:Шорыкйол тылзын 15 кечынже шочшо-влак

1918 — Миклай Казаков, серызе, почеламутчо, кусарыше, журналист, редактор, СССР Серызе-влак ушемын йыжъеҥже (1939), Марий АССР-ын Калык почеламутчыжо (1960), III степенян Сталин премийын лауреатше (1951), 1941–1945 ийласе Кугу Ачамланде сарын участникше.
1920 — Анисия Фёдоровна Беспалова, агроном, совет кугыжаныш да политике пашаеҥ. ВКП(б)-ын йыжыҥъеҥже.
1922 — Пётр Ильич Бельский, Кугу Ачамланде сарын салтакше, Чап орденын тичмаш кавалерже.
1924 — Геннадий Иванович Киселёв, совет чодыра озанлык специалист. Марий АССР-ысе Шернур чодыра озанлыкын директоржо (1951—1976). РСФСР-ын сулло чодыразыже (1966). Марий Элысе Шернур посёлкын чапланыше гражданинже (1999). Кугу Ачамланде сарын салтакше.
1930 — Валентин Косоротов, марий серызе, туныктышо, кусарыше, Олык Ипай лӱмеш Марий комсомол премийын лауреатше (1972).
1938 — Альберт Александрович Пекпаев, шымлызе да туныктышо, биологий наука кандитат, доцент, Марий Эл Республик наукын сулло пашаеҥже.
1972 — Екатерина Яковлевна Власова (Яндыганова), марий шанчызе, туныктышо, экономике шанче кандидат (2002), экономике шанче доктор (2008), профессор.
1980 — Владимир Геннадьевич Малков, россий футболист, вратарь.

Коленыт

Тугак ончо: Категорий:Шорыкйол тылзын 15 кечынже колышо-влак

1861 — Спиридон Михайлович Михайлов, Чуваш мланде гыч лекше икымше серызе, этнограф да историк, 1850-ше ийлаште шанче-сылнымут тӱшкаште мер пагалымашым сулен.
1943 — Тимирай Кубакаевич Кубакаев, Кечывалвел-Касвел фронтын 1-ше гвардиян армийын 44-ше гвардий стрелок-влак дивизийын 130-шо гвардиян стрелок-влак полкысо автоматчик взводын командирже, гвардийын изирак сержантше, Совет Ушемын Талешкыже.
1976 — Нина Владимировна Макарова, совет композитор, пианистке, РСФСР-ын сулло сымыктыш пашаеҥже (1975). Юрино селаште (кызыт Марий Эл Республикыште), шочын.
2008 — Аркадий Васинкин, марий серызе, шанчызе, йылмызе, туныктышо, литературовед, литератур критик, филологий шанче кандидат, Россий Серызе-влак ушемын йыжъеҥже (колымыжо деч вара) (2008).

Калык пале

Каваште у тылзе гын, эрласе кече мардежан лиеш.
Шӱдыр-влак вудакан койыт — лывыртышлан, чот кояш тӱҥалыт гын, йӱштӧ толшашлан.