25 шорыкйол

←
→
Шорыкйол
← →Шорыкйол
	2026 ий

25 шорыкйол (25 январь) — григориан кечышот почеш идалыкын 25-ше кечыже. Идалык пытыме марте 340 (кужемдыме ийлаште — 341) кече кодеш.

Йошкар-Олаште ☀️ Кече 7 шагатат 47 минутлан лектеш, 15 шагатат 49 минутлан шинчеш. Кечын кужытшо 🕒 8 шагатат 2 минут.
🌓 Икымше чырык (6.55 тылзе кече).

Пайрем да шарныктарыше кече-влак

Тугак ончо: Категорий:Шорыкйол тылзын 25 кечысе пайрем-влак

Россий — Россий Федерацийын Сарзе-Теҥыз Флотысо штурманын кечыже (руш. День штурмана Военно-Морского Флота Российской Федерации).
Россий — РФ Сарзе вийын Тӱҥ штабшын кечыже (руш. День Генерального штаба Вооруженных сил РФ).
Россий — Тачана кече (руш. Татьянин день).
Беларусь — Шанче кече (руш. День науки).
Таджикистан — Социал пашаеҥын кечыже (руш. День социального работника).
Шотландий — Бернс йӱд (руш. Ночь Бернса).
Кечым интернет деч посна эртарыме тӱнямбал кече (руш. Международный день без интернета) — шорыкйол тылзын пытартыш рушарнян палемдалтеш.
Коваште черан-влаклан полшымо тӱнямбал кече (руш. Всемирный день помощи больным проказой) — шорыкйол тылзын пытартыш рушарнян палемдалтеш.

Лӱмгече

Католик лӱм: Дуйнвен.
Православий лӱм-влак: Галактион, Апраксия, Илья, Макар, Мартиниан, Мертий, Пётр, Савва, Силуан, Татьяна.

Эртынчык-влак

Тугак ончо: Категорий:Шорыкйол тылзын 25 кечысе событий-влак

Шочыныт

Тугак ончо: Категорий:Шорыкйол тылзын 25 кечынже шочшо-влак

1884 — Иринарх Владимирович Аханщиков, руш совет туныктышо. Чыкма оласе 2-шо №-ан тӱҥалтыш школын вуйлатышыже, туныктышыжо (1918—1937, 1941—1952). РСФСР школын сулло туныктышыжо (1951). Ленин орденын кавалерже (1949).
1915 — Николай Семёнович Шавердин, марий совет журналист, кусарыше, партий пашаеҥ. «Марий коммуна» республикысе газетын тӱҥ редакторжо (1954—1955), КПСС Марий обкомын печать, радио да телевидений секторын вуйлатышыже (1963—1975). Марий АССР-ын тӱвыран сулло пашаеҥже (1975). 1943 ий гыч ВКП(б)-ын йыжъеҥже. Марий АССР Кӱшыл Каҥашын 4-ше созывысе депутатше (1951—1955). Кугу Ачамланде сарын участникше.
1920 — Мария Михайловна Михайлова, марий совет театр актрисе. М. Шкетан лӱмеш Марий драме театрын вӱдышӧ актрисыже-влак кокла гыч иктыже (1941—1986). РСФСР-ын сулло артисткыже (1976), Марий АССР-ын калык артисткыже (1969). Марий АССР Кугыжаныш премийын лауреатше (1977).
1940 — Лидия Фёдоровна Ковалёва, совет да россий опер да концерт мурызо, семым туныктышо. РСФСР-ын сулло артисткыже (1982). Марий АССР-ын сулло артисткыже (1970). Марий АССР Кугыжаныш премийын лауреатше (1970).
1946 — Анатолий Васильевич Смирнов, Марий Эл Республикын Кугыжаныш Погынжын председательже. Россий Федерацийын сулло эмлызыже. Медицине шанче кандидат.

Коленыт

Тугак ончо: Категорий:Шорыкйол тылзын 25 кечынже колышо-влак

1984 — Алексей Фёдорович Гвоздев, Совет Армийын кугурак лейтенантше, Кугу Ачамланде сарын салтакше, Совет Ушемын Талешкыже (1945).
1994 — Леонард Павлович Петропавловский, совет сарзе пашаеҥ. Кум гана Ачамланде сар орден да кок гана Йошкар Шӱдыр орден дене суапландаралтын.

Калык пале

Лум лумеш гын, кеҥеж йӱран лийшаш.