Петропавловский, Леонард Павлович

Леонард Павлович Петропавловский
Шочмо кече	1 идым 1924(1924-09-01)
Шочмо вер	Чыкма, Марий автоном область, РСФСР, СССР
Колымо кече	25 шорыкйол 1994(1994-01-25) (69 ий)
Колымо вер	Йошкар-Ола, Марий Эл Республик, Россий
Пурымаш	СССР →  Россий
Войскан родшо	артиллерий
Службо жап	1941—1953
Званий
Командоватлен	1-ше Белорус да 1-ше Украин фронтласе 55-ше лӱйкалыше дивизийыште 111-ше лӱйкалыше полкын тул, топографий взводшо ден
Кредалмаш/сар	Кугу Ачамланде сар
Награде да премий

Леона́рд Па́влович Петропа́вловский (1 идым 1924, Чыкма, Марий автоном область, РСФСР, СССР — 25 шорыкйол 1994, Йошкар-Ола, Марий Эл Республик, Россий) — совет сарзе пашаеҥ. Кугу Ачамланде сар жапыште — 1-ше Белорус да 1-ше Украин фронтласе 55-ше лӱйкалыше дивизийыште 111-ше лӱйкалыше полкын тул, топографий взводын командирже; 28-ше армий артиллерийын командующийжын П. Петропавловскийын адъютантше, гвардий старший лейтенант (1942—1945). Кум Ачамланде сар орденын да кок Йошкар Шӱдыр орденын кавалерже. ВКП(б)-ын йыжыҥъеҥже (1947—1952).

Илыш корныжо

1924 ий 1 сентябрьыште кызытсе Марий Элын Чыкма олаштыже шочын.

1941 ийыште Нарва оласе кыдалаш школын 9 классым тунем пытарымеке, Марий АССР-ысе Звенигово олаш эвакуироватлыме.

1941 ий декабрь тылзын РККА-ш налалтын. Кугу Ачамланде сарын салтакше: 1942 ий гыч — 1-ше Белорус да 1-ше Украин фронтласе 55-ше лӱйкалыше дивизийын 111-ше лӱйкалыше полкысо тул, топографий взводын командирже, 1944 ийыште Кӱшыл офицер артиллерий школым тунем пытарымеке — 28-ше армийысе артиллерий командующий П. Петропавловскийын адъютантше, гвардий старший лейтенант. I да II степенян Ачамланде сар орден-влак, Йошкар Шӱдыр орден (кок гана) да медаль-влак дене суапландаралтын.

1947 ийыште ВКП(б)-ыш пурен, но 1952 ийыште йоҥылыш ошкыллан кӧра, партий гыч лукмо. 1953 ий ноябрь тылзын офицер чап судын пунчалже почеш капитан лӱмпале дене шапашыш колтымо.

1956 ийыште Йошкар-Олаш куснен: 7 №-ан кыдалаш школын туныктышыжо, 1959 ий гыч — «Электроавтоматика» заводын мастерже, 1961—1963 ийлаште — Пӱтынь российысе сокыр-влак ушемын тунемме-ыштен лукшо цехым вуйлатыше. 1985 ийыште II степенян Ачамланде сар орден дене суапландаралтын.

1994 ий 25 январьыште Йошкар-Олаште колен.

Сарзе суаптар-влак

• I степенян Ачамланде сар орден (03.02.1945);
• II степенян Ачамланде сар орден (19.08.1944, 06.04.1985);
• Йошкар Шӱдыр орден (04.03.1944, 04.06.1945);
• «1941—1945 ийласе Кугу Ачамланде сарыште Германийым сеҥымылан» медаль (09.05.1945);
• «Кёнигсбергым налмылан» медаль (09.06.1945);
• «Берлиным налмылан» медаль (09.06.1945);
• «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970).

Палемдымаш

Литератур

• Колесников А. Ю., Мочаев В. А. Петропавловский Леонард Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 337. — 606 с. — 1500 экз. — ISBN 978-5-905314-35-3.