Смирнов, Анатолий Васильевич
| Анатолий Васильевич Смирнов | |
|---|---|
.jpg) | |
|
| |
 4 Марий Эл Республикысе Кугыжаныш Погынын председательже (VII созыв)
 |
|
| 2019 ий 2 октябрь | |
| Губернатор | Юрий Викторович Зайцев |
| Ончычсо пашаеҥ | Юрий Александрович Минаков |
|
|
|
| Шочын |
1946 ий 25 шорыкйол (80 ий) Трубитчино Сызрань район Куйбышев область |
| Партий | Икоян Россий |
| Шинчымаш | Куйбышев медицине институт Москосо почылтшо социал университет |
| Шанче степень | медицине шанче кандидат |
| Профессий | эмлызе |
| Награде |
 |
Анатолий Васильевич Смирнов (шоч. 25 шорыкйол 1946, Трубетчино[d], Самара область) — Марий Эл Республикысе Кугыжаныш Погынын председательже[1]. Россий Федерацийын сулло эмлызыже. Марий Эл Республик Кугыжаныш Погынын II, III, IV, V да VI созывласе, Йошкар-Ола оласе Завод район калык депутат-влакын Канашын XIX созывысе, Йошкар-Ола калык депутат-влак Каҥашын XXI созывысе, Йошкар-Ола оласе Погынын I, II да III созывласе депутатше. Медицине наука кандидат.
Илыш корныжо
Анатолий Смирнов 1946 ий шорыкйол тылзын 25-ше кечынже Куйбышев кундемысе Сызрань вел Трубетчино ялыште шочын.
1971 ийыште «Эмлыме паша» моштымаш дене Куйбышев медицине институтым тунемын. 2006 ийыште «Юриспруденций» специальность дене Москосо почылтшо социал университетым тунем пытарен[2].
1963—1964 ийлаште — Куйбышев кундемысе Куйбышев лӱмеш совхозын пашаеҥже.
1964—1965 ийлаште — Сызрань оласе Нефтьым обрабатылыше заводын сигнал кыл монтёржо.
1971—1973 ийлаште — Йошкар-Оласе эмлымверын верысе терапевт-эмлызыже.
1973—1977 ийлаште — Йошкар-Ола оласе 4 №-ан поликлиникын терапий пӧлкажым вуйлатыше.
1977—1980 ийлаште — Йошкар-Оласе эмлымверын тӱҥ эмлызыжын алмаштышыже.
1980—1986 ийлаште — Йошкар-Ола оласе 4 №-ан поликлиникын тӱҥ эмлызыже.
1986—2019 ийлаште — Марий Эл Республикын «Сар ветеран-влакын Республикысе клинике госпитальыштышт» ГБУ-н тӱҥ эмлызыже.
2019 ий шыжа тылзын 2-шо кечынже марий парламентын икымше сессийыштыже председательлан сайлалтын. Тудын кандидатурыж верч почмо йӱклымаште 36 депутат йӱклен[2].
Суаптар да чаплӱм-влак
- «Шочмо Эл ончылно суаплан» II степенян орденын медальже;
- Россий Федераций Федерал Погынын Федераций Каҥашыжын да Кугыжаныш Думын чаптаныкше-влак;
- Россий Федерацийысе Федераций Каҥашын «Парламентаризмым вияҥдымаште суаплан» чап тамга;
- Россий Федераций Федерал Погынысо Федераций Каҥаш Председательын таумутшо;
- Марий Эл Республикын Чаптаныкше;
- «Марий Эл ончылно суаплан» I степенян орден;
- «Марий Эл ончылно суаплан» II степенян орден;
- «Марий Эл ончылно суаплан» орденын медальже;
- Марий Эл Республик Виктерын да Марий Эл Республик Кугыжаныш Погынын Чаптаныкше-влак;
- Марий Эл Республик Кугыжаныш Погынын ойыртем тамгаже — «Марий Эл тӧртыкым вияҥдымашке посна надырлан» медаль;
- Н. И. Пирогов лӱмеш оҥпале;
- Сар, паша, Саргуралан Вий да правам аралыше органласе ветеран-влакын пӱтынь российысе мер организацийын Чап палыже;
- «Сар да сар службо ветеран-влакын пӱтынь российысе мер толкынлан 50 ий» шарнымашан лӱмгече медаль;
- Локал сар да сар вашшогымашысе ветеран-влакын «Сарысе иза-шольылык» пӱтынь российысе мер толкынын «Сарысе чолгалыклан» медаль;
- «СССР Саргуралан Вийлан 70 ий» медаль;
- «Шнуй равноапостол Владимир оньыжан колымыжлан 1000 ий темме» лӱмгече медаль
- СССР тазалыкаралтышын отличникше;
- Россий Федерацийын сулло эмлызыже;
- Марий Эл Республикын сулло эмлызыже;
- Марий Эл Республик Кугыжаныш премийын лауреатше.
Палдемдымаш
- ↑ Структура (руш.). Совет Федерации Федерального Собрания Российской Федерации. Тергыме кече: 13 шорыкйол 2026.
- ↑ 1 2 Спикером Госсобрания Марий Эл стал заслуженный врач РФ Анатолий Смирнов (руш.). Рамблер/новости. Тергыме кече: 13 шорыкйол 2026.