10 идым

←
→
Идым
← →Идым
	2026 ий

10 идым (10 сентябрь) — григориан кечышот почеш идалыкын 253-шо (кужемдыме ийлаште — 254-ше) кечыже. Идалык пытыме марте 112 кече кодеш.

Йошкар-Олаште ☀️ Кече 5 шагатат 11 минутлан лектеш, 18 шагатат 25 минутлан шинчеш. Кечын кужытшо 🕒 13 шагатат 13 минут.
🌘 Шоҥго тылзе (27.84 тылзе кече).

Пайрем да шарныктарыше кече-влак

ООН — Шкем шке пытарыме деч утарыме тӱнямбал кече (руш. Всемирный день предотвращения самоубийств).
Тӱрлӧ чиян пеледыш аршашын кечыже (руш. День разноцветных букетов).
Каваным чумырышо Анна ден Савва (руш. Анна и Савва Скирдники).

Лӱмгече

Анна, Арсений, Анатолий, Вениамин, Григорий, Денис, Николай.

Эртынчык-влак

Тугак ончо: Категорий:Идым тылзын 10 кечысе событий-влак

1721-ше ийыште Россий ден Швеций коклаште Ништадтский вашкелшыкым пеҥгыдемдыме. Тидын дене 21 ий шуйнышо Йӱдвел сарым мучашлыме.
1756-шо ийыште Елизавета кугыжан кӱштыкшӧ почеш Санкт-Петербург олаште Руш академический театрым чоҥымо нерген кӱштыкым луктын, жап эртыме семын тиде театр А. С. Пушкин лӱмеш театр лӱмым налын.
1839-ше ийыште Москваште Христос Утарыше лӱмеш черкым негызлыме.

Шочыныт

Тугак ончо: Категорий:Идым тылзын 10 кечынже шочшо-влак

1891 — Андрей Карпович Эшкинин, марий серызе, журналист, мер пашаеҥ. Тудын лÿмжым Йошкар-Олан ик уремже нумалеш.
1927 — Геннадий Дмитриевич Пряников, МАССР-ын сулло туныктышыжо. Шернур кундем Мустай ялыште шочын. 1954—1965-ше ийлаште Морко кыдалаш школын завучшылан да икмыняр жап вуйлатышыжлан тыршен. Умбакыже Йошкар-Оласе 1 №-ан школ-интернатышке куснен да 24 ий тудым вуйлатен. Суапле пашажлан Йошкар Знамя Паша орден да чап танык дене палемдалтын.
1931 — Иван Захаров, курыкмарий серызе, поэт.
1938 — Борис Дмитриевич Горбунов, Марий Элысе ялозанлыкын сулло пашаеҥже, паша герой. Тиде уста пашазе 33 ий шочмо Курыкмарий кундемысе Мосолов лӱмеш колхозым вуйлатен. Борис Дмитриевич 10 ий Совет Ушем кӱшыл погынын депутатше лийын. Ятыр премий да чап танык дене палемдалтын.
1962 — Олег Елизарович Кузьминых, артист, Марий Элын калык артистше, Россий Федерацийын сулло артистше. ГИТИС-ым тунем лекмек, Марий кугыжаныш драмтеатрыште пашам ышташ тӱҥалын, кызытат тудо ончаш толшо калыкым шке мастарлыкше дене куандара. Марий Элысе кугыжаныш премийын лауреатше.
1971 — Олег Анатольевич Богомолов, сӱретче. Йошкар-Олан шочшыжо ты олаштак художественный училищым тунем пытарен, вара Россий Федерацийысе художественный фондысо марий мастерскойышто шуаралтын. «На берегу пруда», «Калужница цветёт», «Заросший пруд» сӱрет-влакын авторжо. Йошкар-Олаште Олег Богомоловын шке ончержат эртен. «Марий кундем» пейзаж серийжылан Олык Ипай лӱмеш кугыжаныш премий дене палемдалтын.
1981 — Эльвира Викторовна Куклина, поэтесса, журналист, Республикысе Калык усталык рӱдерын вуйлатышыже. Куженер кундем Агытансолаште шочын. Ятыр ий «Кугарня» газет редакцийыште пашам ыштен. Мер пашаштат чолгалыкым ончыкта. Олык Ипай лӱмеш кугыжаныш премийын лауреатше.

Коленыт

Тугак ончо: Категорий:Идым тылзын 10 кечынже колышо-влак

1918 ий — Сергей Петрович Данилов, совет революций да сарзе пашаеҥ, совет кучемын чолга еҥже. Чарла уездысе Чрезвычайный Комиссийын икымше председательже. I тӱнямбал сарын участникше. 1917 ий гыч РСДРП(б)-ын йыжыҥъеҥже.
1972 — Павел Тихонович Никонов, руш совет сарзе. Икымше тӱнямбал сарын да Российысе граждан сарын салтакше. 3 Георгий ыресын кавалерже.

Калык пале

Пызле шуко шочеш гын, вес кеҥеж йӱран лиеш.
Леве да кукшо игече шога гын, теле вараш толшаш.
Аннан да Саван кечышт. Тиде кечын ожно кылтам скирдыш чумыреныт. Тидын лӱмеш кугу пайремым эртареныт, кугу яллаште гын ярминка лийын.