Кузьминых, Олег Елизарович
| Олег Елизарович Кузьминых | |
|---|---|
 | |
| Шочмо кече | 10 идым 1962 (63 ий) |
| Шочмо вер | |
| Гражданлык | |
| Тунеммаш | |
| Профессий | актёр, педагог |
| Награде | |
Олег Елизарович Кузьминых (шоч. 10 идым 1962, Чашкаял (У Торъял кундем), Марий Автоном Совет Социализм Республик) — совет да российысе актёр. Марий Эл Республикын калык артистше, Россий Федерацийын сулло артистше. Марий Эл Республикын М. Шкетан лӱмеш кугыжаныш премийжын лауреатше.
Биографий
1962 ий 10 сентябрьыште гыч Марий АССР-ын У Торъял кундемыште Чашкасола ялеш шочын. Вич йоча гыч изиракше лийын. Школ ийлаште драмкружокыш коштын. Шке туныктышыжын ойжо почеш ГИТИС-ын калыкле студий радамыш логалаш колыштмашке ушнен[1].
1980 ий гыч Олег Кузьминых РСФСР калык артистше Павел Хомскийын курсыштыжо актёр пӧлкаште тунемын[2][1].
1985 ийыште, тунем пытарымек, Совет армийыште[2] танк войскаштыже служиен[1].
Марий Элыш пӧртылмек, М. Шкетан лӱмеш Марий калыкле драме театрын актёржо лийын. Икымше тӱҥ рольжым «Кукушка» спектакльыште 1989 ийыште модын[1].
2002 ий 1 сентябрь гыч, 2001 ий октябрь марте, «Марий Эл» ГТРК-ште диктор лийын[2].
Олег Кузьминых «Чоныштем илет» (руш. «С тобой и без тебя») марла сериалыште войзалтын, тудын режиссёржо — республикыште кумдан палыме сымыктыш пашаеҥ Олег Иркабаев лийын. Кузьминых киношто профессор Константин Ямаевичын тӱҥ рольжым модын. Съёмкышто лиймыж нерген тудо тыге каласкален:
Кунам режиссёр Олег Иркабаев мыйым войзалташ ӱжӧ, мый чот шонкалаш тӱҥальым. Икымше, сериалым кузе ыштымым мемнан кокла гыч иктат умылен кертын огыл. Ме чыланат театр актёр лийынна. Иркабаеват — театр режиссёр. Кокымшо, тӱҥ паша гыч мемнам иктат колтен огыл. Тидлан кӱлын пырляштараш, каныш кечылаште войзалташ. Туге гынат азарт да уым пален налме шӱлыш сеҥен. Камер ончылно пашам ышташ пеш неле ыле. Тудо изи ондалчыкым ок проститле, сандене ятыр дубльым ышташ верештын. Чылажак шонымо семын лектын огыл. Кызыт, 20 ий эртымек, йӧршын вес семын модам ыле. Но тиде опыт мыланем кӱлын[1].
Олег Кузьминыхат тыгак актёр мастарлык курсым вӱда.[2]
Шке илыш
Олег Кузьминых ешан, шочшыжо да уныкаже-влак улыт[1].
Награде
- Россий Федерацийын сулло артистше (2010)[3];
- Марий Эл Республикын калык артистше (1999);
- Марий Эл Республикын М. Шкетан лӱмеш кугыжаныш премийжын лауреатше (2007)[4];
- «Марий Эл ончылно суаплан» орденын медальже[5].
Ойырен налме спектакль ден роль-влак
- «Шарнет, Элиса? / Помнишь, Элиса?» (К. Коршунов) — Арсений (1986)
- «Акпатыр» (С. Чавайн) — Эвай (1987)
- «Латкокымшо йӱд / Двенадцатая ночь» (В. Шекспир) — Сэр Тоби (1987)
- «Ачийжат-авийжат!.. / Эх, родители!..» (М. Шкетан) — Сану (1988)
- «Савик» (Н. Игнатьев) — Небейменят (1989)
- «Тулык ава / Кукушка» (Л. Яндаков) — Толя (1989)
- «Кугэрге / Старший сын» (А. Вампилов) — Бусыгин (1990)
- «Сонарзе ден суксо / Таланты и поклонники» (А. Островский) — Мелузов (1990)
- «Тÿрлемÿдыр / Кружевница» (М. Рыбаков) — Зосим (1991)
- «Шӧртньӧ сӱан / Золотая свадьба» (В. Горохов) — Миклай (1992)
- «Каче пазар / Женитьба» (Н. Гоголь) — Кочкарев (1994)
- «Пусаксолаште томаша / Переполох в Пусаксоле» (Л. Яндаков) — Ондрий (1994)
- «Чоя Скапен / Плутни Скапена» (Мольер) — Октав (1995)
- «Ой, луй модеш… / Ой, куница играет…» (А. Пудин) — Ньога (1996)
- финский эпос «Калевала» — Рассказчик (1997)
- «Туларте мыйым, шеремет!… / Брак по объявлению» (Г. Каюм) — Ярасим (1998)
- «Поргем ӱмбалне ӱжара / Заря над пропастью» (Ю. Байгуза) — Эрай (1998)
- «Ачийжат-авийжат!.. / Эх, родители!..» (М. Шкетан) — Осып (1998)
- «Порсын лӱҥгалтыш / Шёлковые качели» (Ю. Байгуза) — Икте (1999)
- «Оръеҥ мелна / Свадебные блины» (А. Волков) — Кудрявцев Артем (1999)
- «Пӧръеҥ пиал/ Мужское счастье» (Бернард Шоу) — Трактирщик (2000)
- «Ош кече йымалне / Под солнцем светлым» (В. Абукаев-Эмгак) — Янгелде (2002)
- «Чодыра / Лес» (А. Островский) — Карп (2003)
- «Салика» (С. Николаев) — Сармаев (2004)
- «Пысман корем / Овраг» (З. Долгова) — Микивыр (2005)
- «Каче-влак / Женихи» (А. Волков) — Вӧдыр Йыван (2005)
- «Молан вашлийым тыйым?.. / Свадьба с приданым» (Н. Дьяконов) — Сталин (2006)
- «Кожла кокласе омо / Сон в летнюю ночь» (В. Шекспир) — Осман (2006)
- «Мÿкш отар / Пасека» (С. Чавайн) — Корий (2007)
- «Кугезе муро / Песня предков» (В. Регеж-Горохов) — Элтемыр (2011)
- «Ойырледа? Огына ойырло!/ Развод по-марийски» (М. Илибаева) — Арсий (2012)
- «Йӧным мушо йӧрым кочкеш/ На всякого мудреца довольно простоты» (А. Островский) — Крутицкий (2013)
- «Йӧратымаш да кӧгӧрчен-влак / Любовь и голуби» (В. Гуркин) — Митя (2016)
- «Осал чоялык да йöратымаш / Коварство и любовь» (Ф. Шиллер) — Миллер (2016)
- «Югорно / Песнь о вещем пути» (А. Спиридонов, А. Мокеев) — Орчама (2018)
- «Маринавт-влак але Теве кушто илышет / Маринавты или Вот где жизнь» (З. Долгова) — Льыр-Льыр (2021)
- «Тергыше / Ревизор» (Н. Гоголь) — Артемий Филиппович Земляника (2022)
- «Ой, Мичу!.. Ох, Зина!..» (А. Мокеев) — Йыван (2022)
- «Шӱдыран тат / Звёздный час по местному времени» (Н. Гор) — Филипп Макарыч (2022)[4]
Палемдымаш
- ↑ 1 2 3 4 5 6 Марина Оленева (03.09.2018), Народный артист Республики Марий Эл и заслуженный артист России Олег Кузьминых о первой любви, розовом фламинго и главной роли в известном телесериале, <https://www.marpravda.ru/news/religiya/narodnyy-artist-respubliki-mariy-el-i-zasluzhennyy-artist-rossii-oleg-kuzminykh-o-pervoy-lyubvi-rozo/>. Тергыме: 17 идым 2024.
- ↑ 1 2 3 4 Олег Кузьминых. Кино-Театр.Ру. Тергыме кече: 17 идым 2024.
- ↑ Указ Президента Российской Федерации от 11.08.2010 г. № 999, <http://www.kremlin.ru/acts/bank/31622>. Тергыме: 4 шыжа 2025.
- ↑ 1 2 Кузьминых Олег Елизарович, <https://shketan.ru/workers/kuzminyh-oleg-elizarovich/>. Тергыме: 17 идым 2024.
- ↑ Кидшер (2025-02-24), Награждённые медалью ордена «За заслуги перед Марий Эл», <https://kidsher.ru/ru/dossier/46311/>. Тергыме: 4 шыжа 2025.