Тихонов, Владимир Алексеевич

Владимир Алексеевич Тихонов
Владимир Алексеевич Тихонов
Шолыплӱм-влак	Мордвин В. А., ; Старцев Влад.
Шочмо кече	21 ӱярня (2 вӱдшор) 1857
Шочмо вер	Озаҥ, Россий империй;
Колымо кече	13 (26) ага 1914 (57 ий)
Колымо вер	Санкт-Петербург, Россий империй;
Гражданстве (подданстве)	Россий империй;
Паша сомыл	прозаик, драматург
Произведений йылме	руш
Премий	Грибоедовын премийже

Владимир Алексеевич Тихонов (21 ӱярня [2 вӱдшор] 1857, Озаҥ — 13 [26] ага 1914, Санкт-Петербург) — руш серызе, драматург, актёр.

Илыш корно

1857 ий 21 мартыште (2 апрельыште) Озаҥыште поян откупщикын ешыштыже (кудыжо варажым йорлыш савырнен) шочын; А. Луговой (А. А. Тихонов) беллетристын шольыжо^[1]^[2]. Йоча пагытшым Чарлаште эртарен. 1866 ий гыч 1-ше Озаҥ гимназийыште тунемын, кок ий гыч Ф. И. Крейман лӱмеш Москосо гимназийыш куснен. Тудым 1874 ийыште тунем пытарен. Сарзе службыш шкевуя (вольноопределяющийся семын) пурен, Озаҥысе пехотный юнкер училищыште тунемын, 1876 ийыште портупей-юнкер семын лукмо. Прапорщик званий дене кавказ действующий армий составыште 1877—1878 ийласе руш-турок сарыште лийын, а 1879 ийыште отставкыш лектын. Тифлисыште илен, тушто театрыште модын, а 1880 ийыште изажын полшымыж дене Озаҥыш куснен.

Профессионал актёр («Театр шарнымаш-влакым» коден), приказчик, коммивояжёр лийын. 1878 ий гыч савыкталташ тӱҥалын («Сутки на очереди» — тифлисысе «Обзор» газетыште савыктыме очерк).

1882 ий гыч Петербургышто илен, шкенжым тӱрыснек сылнымут да журналист пашалан пӧлеклан. Тыгай периодике савыктыш-влак дене пашам ыштен — «Новое время», «Россия», «Всемирная иллюстрация», «Неделя», «Исторический вестник», «Русская мысль», «Вестник Европы»; 1891 гыч 1894 ий марте «Север» журналын редакторжылан тыршен, Чехов дене лишыл лийыныт, Антон Павлович нерген икмыняр шарнымашым коден^[3]. 1880—1890-ше ийласе руш интеллигенцийын консервативный йырвелжын представительже семын выступатлен. 1911 ийыште «Синий журнал» лаштыклаште «Три буквы» коллективный романыште участвоватлен.

1914 ийыште шодо пуалме дене колен. Литераторские мостки кумдыкышто (Санкт-Петербургысо Волков шӱгарлаш пура) тоеныт^[4].

Усталык

Серызын «Через край» комедийжым (1881, 1885 ийыште савыктыме) Александринский театр (руш.) (мар. 1884 ийыште шынден да репертуарыштыже 20 ий утла кучен. Тихонов «Новое время» да «Россия» газетлаште «Мордвин В. А.» да «Старцев Влад.» шолыплӱм-влак дене фельетон да ойлымаш-влакым вераҥден.

«Комедии» (СПб., 1888) книгаш чумырымо драме произведений-влак кокла гыч Грибоедовын премийжым (руш.) (мар. налше «Байбак» да «Козырь» эн кугу чапым налыныт.

Серызын произведенийже-влакын темышт еш да ушнымаш (брак) проблеме дене кылдалтыныт, илышын ваштарешлыкше-влак (противоречий) пиалдыме йӧратымаш («Пустоцвет», СПб, 1899), ушкалымаш («Дело семейное») негызеш лекше конфликт-влак дене кылдалтыныт.

Тудын кумылжым самырык годсо шарнымашыже-влак нӧлтеныт: Озаҥ гыч Чарлаш корно дене кайымаш, Элнет эҥер воктене коштмаш, чодыра даче ден почто станцийлаш миен коштмаш — ачажын пӧртшӧ нерген шокшо шарнымаш-влак тудын сылнымут поянлыкыштыже ончыкталтыныт^[3].

Библиографий

Комедии. СПб., 1888.
Военные и путевые очерки и рассказы. СПб., 1892 и 1898.
В наши дни. СПб., 1892 и 1898.
Разбитые кумиры. СПб., 1898.
Пустоцвет (В деревне), роман. СПб., 1899.
Полное собрание сочинений, изд. А. А. Каспари, СПБ, 1914 (в приложении к журн. «Родина»)

Еш

Икымше пелашыже (1879 ий гыч) — Мария Доминиковна Барщевская. Ушыжым йомдарен, да Тихонов тудын дене тӧртык почеш ойырлен кертын огыл.
Кокымшо пелашыже — Анна Ивановна Успенская, туныктышо. Тудын кужу жап кочывӱдым йӱмыж деч ноен, да 1894 ийыште кок ӱдыржӧ дене ойырлен каен.
Кумшо пелашыже — Екатерина Владимировна Зенгер, литератор (К. Барвинок шолыплӱм дене).

Палемдымаш

↑ Тихонов В. // Краткая литературная энциклопедия. Т. 7. — 1972 (текст) (неопр.). feb-web.ru. Тергыме кече: 27 ӱярня 2026.
↑ Тихонов, Алексей Алексеевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
↑ ¹ ² Братья Тихоновы, Алексей Алексеевич (печатавшийся под псевдонимом Луговой) и Владимир Алексеевич, — известные русские писатели чеховской эпохи (руш.). Некоммерческий информационный историко-просветительский проект. Тергыме кече: 26 ӱярня 2026.
↑ Кобак А. В., Пирютко Ю. М. Исторические кладбища Санкт-Петербурга. — М.: Центрполиграф, 2009. — С. 436.

Литератур

И. Е. Гитович, С. М. Гучков, Ю. А. Рыкунина. Тихонов Владимир Алексеевич // Русские писатели, 1800—1917 : Биографический словарь / гл. ред. Б. Ф. Егоров. — М. : Большая российская энциклопедия ; СПб. : Нестор-История, 2019. — Т. 6 : С—Ч. — С. 219-221. — 656 с. — (Сер. биогр. словарей: Русские писатели. 11—20 вв.). — 1000 экз. — ISBN 5-85270-011-8. — ISBN 978-5-4469-1616-0 (т. 6).
Автобиография в сборнике «Первые литературные шаги», собрал Ф. Ф. Фидлер [М., 1911].
Мезьер А. В., Русская словесность с XI по XIX ст. включ., ч. II, СПБ, 1902.
С. В. Тихонов, Владимир Алексеевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
Тихонов Владимир Алексеевич (1857—1914) // Литературная энциклопедия: В 11 т. — [М.], 1929—1939. Т. 11. — М.: Худож. лит., 1939. — Стб. 275—276.
Акшиков А. Г. Тихонов Владимир Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 360. — 2032 экз. — ISBN 5-87898-357-0.
Тихонов Владимир Алексеевич // История Марийского края в лицах (XIV — начало XX веков). — Йошкар-Ола: МарНИИЯЛИ, 2012. — С. 264—268. — 392 с. — 1000 экз. — ISBN 978-5-94950-060-6.
Акшиков А. Г. Тихонов Владимир Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 440. — 606 с. — 1500 экз. — ISBN 978-5-905314-35-3.
Стариков, С. В. Русские писатели Алексей Луговой и Владимир Тихонов : историко-литературные очерки о знаменитых царевококшайцах. — Йошкар-Ола: СТРИНГ, 2022. — 404 с.

[1] Тихонов В. // Краткая литературная энциклопедия. Т. 7. — 1972 (текст) (неопр.). feb-web.ru. Тергыме кече: 27 ӱярня 2026.

[2] Тихонов, Алексей Алексеевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

[:0-3] ¹ ² Братья Тихоновы, Алексей Алексеевич (печатавшийся под псевдонимом Луговой) и Владимир Алексеевич, — известные русские писатели чеховской эпохи (руш.). Некоммерческий информационный историко-просветительский проект. Тергыме кече: 26 ӱярня 2026.

[4] Кобак А. В., Пирютко Ю. М. Исторические кладбища Санкт-Петербурга. — М.: Центрполиграф, 2009. — С. 436.

[1]

[2]

[3]

[4]