Вайнштейн, Григорий Соломонович
| Григорий Соломонович Вайнштейн | |
|---|---|
 | |
| Шочмо лӱм | руш. Гирш Соломонович Вайнштейн |
| Шочмо кече | 2 вӱдшор 1925 |
| Шочмо вер | |
| Колымо кече | 18 шорыкйол 2016 (90 ий) |
| Колымо вер | |
| Эл | |
| Образований | |
| Шанче степень | юридический шанче кандидат[d] |
| Награде ден премий-влак |
   |
Григорий Соломонович Вайнштейн (2 вӱдшор 1925, Бобруйск[d] — 18 шорыкйол 2016, Йошкар-Ола) — юрист, историй-шанчызе[1], историй шанче кандидат (1971), Марий кугыжаныш университетысе юридический факультетын икымше туныктышо-влак кокла гыч иктыже[2]. Кугу Ачамланде сарын салтакше[3].
Илыш корныжо
Григорий Соломонович Вайнштейн 1925 ийыште Белорус ССР-ысе Могилёв вел Бобруйск олаште шочын. Тиде олаште тудын йоча да школ пагытше эртен. 1941 ий июньышто тудын ешыжым Чистополь олаш эвакуироватленыт. Тушеч Григорий Вайнштейнын ачажым иканаште фронтыш колтеныт, а шкеже Чистополь оласе судным ачалыше заводыш пашаш пурен. 1943 ий майыште армийыш налыныт[4].
Сар деч вара Ленинградысе юридический институтым (1951), Н. К. Крупская лӱмеш Марий кугыжаныш педагогике институтын (Марий кугыжаныш педагогике институт) историй факультетшым (1964) тунем лектын[3].
Марий Политехнике институтышто КПСС-ын историйже кафедрын доцентше да Марий кугыжаныш университетын юридический факультетыштыже кугыжаныш да права теорий ден историй кафедрын доцентше лийын (1993—2006)[3]. 2016 ий 18 январьыште Йошкар-Олаште колен[5].
Фронтышто служитлымаш
Кугу Ачамланде сарын кайыме икымше ийыштыже Г. С. Вайнштейн Арзамас мотострелок училищым тунем лектын. 1944 ий июньышто изирак лейтенант чаплӱмым да офицер чиемым пуымеке, чоҥышо специальностьшо улмо амал дене фронтыш колтышашлык шапаш радамыш логалын.
1944 ий октябрьыште Белорус фронтыш колтеныт, тушто Неман эҥер воктен кредалмаште лийын. Поснак совет салтак-влакын немыч-фашист вийлан контрнаступленийыш вончаш йӧным пуыдымо кредалмаште ойыртемалтын. Тиде кредалмаш годым Г. С. Вайнштейнын вачышкыже пуля логалын да сусырген.
1945 ий январьыште Одер эҥер гоч совет салтак-влакын наступленийыш кайымышт годым Вайнштейн сар трибунал кышкарыште юридический пашан икымше опытым налын: сарзе уставым пудыртен, шотдымын шкем лӱйкалыше салтак-влак шотышто пашам ончен. Трибуналын пунчалже почеш тудын лукмо колымаш приговор шукталтде кодын да штраф батальонлаште служымаш дене вашталтеныт.
1945 ий 13 февральыште Григорий Соломонович Вайнштейнын кидше осколко дене сусырген, тиддеч вара тудо фронтыш пӧртылын кертын огыл.
Шанче паша
Кугыжаныш да права историй, тыгак нотариат аланыште шанче шымлымашым эртарен. 85 шанче да тунемме-методике пашан авторжо[3].
Кандидат диссертацийжын темыже: «Социалист тӧртыклыкым пеҥгыдемдыме да мер илышым аралыме шотышто Марий областьысе партий организацийын пашаже».
Суаптар-влак
- I степенян Ачамланде сар орден[4];
- II степенян Ачамланде сар орден[4];
- «1941—1945 ийласе Кугу Ачамланде сарыште Германийым сеҥымылан» медаль[4];
- Уло союзысо «Знание» ушемын Чап тамгаже (1986)[3].
Палемдымаш
- ↑ Ветеран, дважды орденоносец, Григорий Вайнштейн, МарГУ. (руш.). Тергыме кече: 4 сӱрем 2025.
- ↑ Первые преподаватели и сотрудники. newspaper.marsu.ru. Тергыме кече: 4 сӱрем 2025.
- ↑ 1 2 3 4 5 Вайнштейн Григорий Соломонович, <http://www.marihistory.ru/2011-01-01-20-07-03/7139-vajnshtejn-grigorij-solomonovich.html>. Тергыме: 4 сӱрем 2025.
- ↑ 1 2 3 4 Вайнштейн Гирш Соломонович.
- ↑ Вайнштейн Григорий Соломонович, <http://marihistory.ru/2011-01-01-20-07-03/7139-vajnshtejn-grigorij-solomonovich.html>. Тергыме: 4 сӱрем 2025.
- Вӱдшор тылзын 2 кечынже шочшо-влак
- 1925 ийыште шочшо-влак
- Бобруйскышто шочшо-влак
- Шорыкйол тылзын 18 кечынже колышо-влак
- 2016 ийыште колышо-влак
- Йошкар-Олаште колышо-влак
- Марий кугыжаныш педагогике институтым тунем пытарыше-влак
- I степенян Ачамланде сар орден дене суапландаралтше-влак
- II степенян Ачамланде сар орден дене суапландаралтше-влак
- «1941–1945 ийласе Кугу Ачамланде сарыште Германийым сеҥымылан» медаль дене суапландаралтше-влак
- Алфавит почеш персоналий-влак
- Алфавит почеш шанчыеҥ-влак