Жибрик, Нина Иосифовна

Нина Иосифовна Жибрик
Шочмо кече	1933 ий 21 ӱярня(1933-03-21)
Шочмо вер	Беларусь ССР, Минск вел, Малые Новоселки ял
Колымо кече	2012 ий 26 теле(2012-12-26) (79 ий)
Колымо вер	Волжск
Гражданлык	СССР  Россий
Паша сомыл	серызе, почеламутчо

Нина Иосифовна Жибрик (21 ӱярня 1933, Малые Новосёлки^[d] — 26 теле 2012, Волжск, Марий Эл Республик) — руш серызе, почеламутчо, СССР серызе-влак ушемын йыжъеҥже (1983).

Илыш корныжо

Нина Жибрик 1933 ий 21 мартыште Беларусь Республикын Минск кундемысе кызытсе Малые Новоселки ялысе кресаньык ешеш шочын. Тудын йоча пагытше Кугу Ачамланде сар ийлаште эртен. Фашистын руалтен налме мландыште чыла нелылыкшым чытен лектын. Икымше классыш 12 ияш каен. Школым тунем пытарымеке, Белорус кугыжаныш университетын биологий факультетышкыже заочно тунемаш пурен, 1956 ийыште Озаҥ университетыш куснен, но тунеммым мучашлен огыл. 1957 ийыште ешыж дене пырля Марий республикын Волжск олашкыже куснен. «Заря» чодыра заводышто пашазылан да лаборанткылан, планлыше пӧлкан пашаеҥжылан тыршен. 1965 ийыште, Марий кагаз техникумым тунем пытарымеке, Кагаз йӧнозанлыкын Пӱтынь ушемысе шанче-ыштен лукшо ушемын Марий филиалыштыже пашам ыштен, вара «Волжская правда» район газет редакцийыш куснен, «Марийский бумажник» шуко тиражан савыктышым редактироватлен.

Почеламутым 15 ияш возаш тӱҥалын. Поэзий дебютшо 1956 ийыште лийын. Вара тудын серымыже-влак «Волжская правда», «Молодой коммунист», «Марийская правда» газетлаште, марла — «Ончыко» журналыште савыкталташ тӱҥалыныт, тӱшка сборниклашке пурталтыныт. 1967 ийыште тудын «Радуга» икымше поэзий сборникше лектын, тудым сылнымут тӱня да лудшо-влак шокшын вашлийыныт. «Волгыдо кечыйол дене — шонанпыл деке» — тыге М. Мухачевын «Марийская правда» газетын лаштыклаштыже рецензийже лӱмдалтын, тушто автор пеҥгыдын увертарен, сылнымутыш поэтессе толын. Вара у книга-влак лектыныт — «Теплые ладони подорожника», «Лесная криница», «Вересковая поляна» да молат.

Поэтессе йоча-влакланат возен. Самырык лудшо-влаклан эше 1978 ийыштак «Танец сыроежек» книгам пӧлеклен. Тудо икмыняр поэмын авторжо. 1974 ийыште, осалланыше еҥым кучымо годым колышо Леонид Орловын илышыжлан да лӱддымӧ подвигшылан пӧлеклалтше, «Орленок» поэмыже, «Юность комсомольская» республикысе конкурсышто ВЛКСМ Марий обкомжын икымше премийже дене палемдалтын.

СССР серызе-влак ушемыш Нина Жибрикым 1983 ийыште пуртымо. 2012 ий 27 декабрьыште колен.

Тӱҥ произведенийже-влак

• Радуга: стихи. Йошкар-Ола, 1967. 84 с.
• Теплые ладони подорожника: стихи. Йошкар-Ола, 1975. 64 с.
• Танец сыроежек: стихи. Йошкар-Ола, 1978. 16 с.
• Лесная криница: лирика. Йошкар-Ола, 1983. 96 с.
• Вересковая поляна: стихи. Йошкар-Ола, 1987.
• Азбука в стихах: стихи Йошкар-Ола, 1999. 20 с.
• Первый снег: стихи. Йошкар-Ола, 1999. 16 с.
• Грибной дождик: стихи. Йошкар-Ола, 1999. 12 с.
• Россия моя березовая…: стихи // Ончыко. 2003. № 3. С. 74—77.
• Речушка-чернушка: стихи // Русское слово Марий Эл. Йошкар- Ола, 2004. С. 158—159.

Марлаш кусарыме произведенийже-влак

• Юл воктене кас : почеламут / пер. С.Николаева // Ончыко. 1960. № 5. С. 21.
• Самырык ава: почеламут / пер. В.Колумба // Ончыко. 1962. № 6. С. 54.
• Йошкар клевер: поэма гыч // Ончыко. 1977. № 1 С. 78—79.

Суаптар

• Марий обком ВЛКСМ-ын икымше премийже (1974);
• СССР серызе-влак ушемын йыжъеҥже (1983).

Палемдымаш

Литератур

• Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 234—235.
• Степанов М. Поэтесса Нина Жибрик // Марий коммуна. 1967. 14 сент.
• Оленев В. Талант плюс труд // Мол. коммунист. 1970. 22 авг.
• Осипов В. О красоте земли // Мар. правда. 1987. 8 марта.
• «Все, что думается, на бумагу ложится…» // Передовик. 2003. 21 марта.
• Смирнов Г. «Каждая травинка достойна добрых слов…» // Ончыко. 2003. № 3. С.72—73.
• Писатели Республики Марий Эл : автобиобиблиогр. сборник. Йошкар-Ола, 2004. С. 27.
• МБЭ. Йошкар-Ола, 2007. С. 127.