Винцковский, Константин Максимович

Константин Максимович Винцковский
Константин Максимович Винцковский
Шочмо кече	26 теле 1896
Шочмо вер	Пески[d], Волковыск уезд[d], Гродно губерний[d], Россий империй;
Колымо кече	6 теле 1963 (66 ий)
Колымо вер	Йошкар-Ола, Марий Автоном Совет Социализм Республик, РСФСР[d], СССР;
Эл	Россий империй → СССР
Профессий	тӱҥ врач, эвакуаций госпитальын начальникше
Шанче алан	дерматологий, венерологий
Паша вер	Марий АССР-ын Тазалык аралтыш министерствыже; Марий АССР-ын Республикысе коваште-венерологий диспансерже
Образований	Озаҥысе университет[d];
Званий

Константи́н Макси́мович Винцкóвский (26 теле 1896, Пески^[d], Волковыск уезд^[d], Гродно губерний^[d], Россий империй — 6 теле 1963, Йошкар-Ола, Марий Автоном Совет Социализм Республик, РСФСР^[d], СССР) ― совет тазалык аралтыш пашаеҥ, врач-дерматолог, врач-венеролог. Марий АССР-ыште дерматовенерологий службылан негызым пыштыше, Марий АССР-ын Республикысе коваште-венерологий диспансерын тӱҥ врачше (1929—1941, 1948—1963). Марий АССР-ын тазалык аралтыш министрже (1946—1948). РСФСР-ын сулло врачше (1958). Ленин орденын кавалерже (1953). Российысе Граждан сар ден Кугу Ачамланде сар-влакын участникше. 1940 ий гыч ВКП(б)-ын йыжыҥъеҥже.

Илыш корныжо

1896 ий 26 декабрьыште кызытсе Белоруссийын Гродно областьысе Мосты район Пески ялыште йорло кресаньык ден тарзын (прислуга) ешыштышт шочын^[1]^[2].

1915 ийыште Руш император армийыш налыныт, тушто 1916 ийыште фельдшер школым тунем пытарен^[1]^[2].

Российысе Граждан сарын участникше, 1921 ий марте Йошкар Армийыште служитлен^[1]^[2]^[3].

1928 ийыште Озаҥ университетын (руш.) (мар. медицине факультетшым («Кожвенеролог» специальность дене) тунем пытарен, вара 1 ий аспирантурышто тунемын^[1]^[2].

1929 ийыште Йошкар-Олаш толын: Марий АССР-ын Республикысе коваште-венерологий диспансерын тӱҥ врачше, тыгодымак 1932 ий гыч — фельдшер-акушер школын туныктышыжо^[1]^[2].

1940 ийыште ВКП(б)-ш пурен. 1941―1945 ийлаште — Марий АССР-ысе Звенигово район Кожласола селасе 3071 №-ан эвакуаций госпитальын начальникше, 2-шо ранган сарзе врач, медицине службын майоржо^[1]^[2]^[3]^[4].

1946—1948 ийлаште — Марий АССР-ын тазалык аралтыш министрже^[1]^[2].

1948 ий гыч — уэш Марий АССР-ын Республикысе коваште-венерологий диспансерын тӱҥ врачше. Тудын лӱмжӧ дене Марий АССР-ыште дерматовенерологий службын вияҥмыже кылдалтын^[1]^[2].

Сар деч вара Йошкар-Оласе ола Каҥашын депутатшылан сайлалтын^[5].

Тазалык аралтыш аланыште суаплан 1958 ийыште тудлан «РСФСР-ын сулло врачше» чаплӱмым пуэныт. Ленин орден, медаль-влак да Марий АССР Кӱшыл Каҥаш Президиумын Чаптаныкше денем(кок гана) суапландаралтын^[1]^[2].

Неле да шуко жап шуйнышо чер деч вара 1963 ий 6 декабрьыште Йошкар-Олаште илыш дене чеверласен^[1]^[2].

Чаплӱм ден суаптар-влак

РСФСР-ын сулло врачше (руш.) (мар. (1958)^[1]^[2];
Марий АССР-ын сулло врачше (руш.) (мар. (1953)^[5];
Ленин орден (1953)^[1]^[2];
Йошкар Шӱдыр орден (1945)^[1]^[2]^[4];
Марий АССР Кӱшыл Каҥаш Президиумын Чаптаныкше (1941, 1951)^[1]^[2].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Мочаев, 2017, с. 84.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Энциклопедия Республики Марий Эл, 2009, с. 277.
↑ ¹ ² Объединение "Отечество" Республики Татарстан (неопр.). otechestvort.ru. Тергыме кече: 11 пургыж 2026.
↑ ¹ ² Винцковский Константин Максимович :: Память народа (неопр.). pamyat-naroda.ru. Тергыме кече: 11 пургыж 2026.
↑ ¹ ² Винцковский Константин Максимович (руш.). Марийская история в лицах. Тергыме кече: 11 пургыж 2026.

Литератур

Александров Н. А., Мочалов С. Г. Развитие здравоохранения в Марийской АССР. ― Йошкар-Ола: Марийское книжное издательство, 1980. ― 216 с.: ил.
Военные врачи-участники Великой Отечественной войны 1941―1945 гг.: Краткий биографический справочник / Военно-медицинский музей; [И. И. Бечик и др.]; Под общей редакцией И. М. Чижа. Ч. 1. ― СПб.: ВММ, 1995.
Мочаев В. А. Винцковский Константин Максимович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 74. — 2032 экз. — ISBN 5-87898-357-0.
Винцковский Константин Максимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 277. — 872 с. — 3505 экз. — ISBN 978-5-94950-049-1.
Мочаев В. А. Винцковский Константин Максимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 84. — 606 с. — 1500 экз. — ISBN 978-5-905314-35-3.

Кылвер-влак

Марийская история в лицах. Винцковский Константин Максимович.

[_8acc064055001520-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Мочаев, 2017, с. 84.

[_a0f1a3b7b8b6ffe8-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Энциклопедия Республики Марий Эл, 2009, с. 277.

[:0-3] ¹ ² Объединение "Отечество" Республики Татарстан (неопр.). otechestvort.ru. Тергыме кече: 11 пургыж 2026.

[:1-4] ¹ ² Винцковский Константин Максимович :: Память народа (неопр.). pamyat-naroda.ru. Тергыме кече: 11 пургыж 2026.

[:2-5] ¹ ² Винцковский Константин Максимович (руш.). Марийская история в лицах. Тергыме кече: 11 пургыж 2026.

[1]

[2]

[3]

[4]

[5]