Тойдемар, Павел Степанович
| Павел Степанович Тойдемар | |
|---|---|
| Павел Тойдемар | |
 | |
| Шочмо кече | 1889 ий 14 пеледыш |
| Шочмо вер | Россий империй, Озаҥ губерний, Чарла уезд, Кожлаер ял |
| Колымо кече | 1958 ий 18 вӱдшор (68 ий) |
| Колымо вер | Йошкар-Ола ола |
| Гражданлык |
 Россий империй СССР |
| Паша сомыл | мурызо |
| Награде да премий |
Йошкар Шӱдыр орден (1945), Марий АССР-ын сулло артистше (1944), Марий АССР-ын Калык артистше (1949), Марий АССР Президиум Верховный Советын Чапкагазше (1942, 1944, 1948, 1957) |
Павел Тойдемар (Павел Степанович Тойдемар (Стекольников)) (14 пеледыш 1899, Морко кундем — 18 вӱдшор 1958, Красноуфимск[d]) — икымше профессионал марий мурызо, Марий АССР-ын Калык артистше (1949).
Илыш корныжо
Павел Тойдемар 1889 ийын пеледыш тылзын 14-ше кечынже Озаҥ губерний Чарла уезд Кожлаер ялыште шочын. 1919 ийыште армийыш каен. Кӱсле да шиялтышым пелен налын. Армий деч вара Марий театрыште пашам ыштен. 1927 ийыште Марий Кужер телефильмыште рольым модын. Тудын рольжо - самырык рвезе, кӱслезе. 1930 ийыште Москосо Шыжа революций лӱмеш музык училищыш тунемаш пурен. Вара тушечын Новосибирск олашке пашам ышташ куснен. 1940 ийыште Йошкар-Олаш пӧртылын. 1958 ий марте Марий филармонийыште пашам ыштен, кӱслезе ансамблем вуйлатен. Ӱзгар ансамблын шот-радамым кучаш икымше гана 1920 ийыште А. Мамуткин да Н. Смирнов дене пырля тыршен. Шкеже шӱвыр дене шоктен, Мамуткин - скрипке дене да Смирнов музекан дене.
Награде да чап лӱм-влак
[1] Йошкар Шӱдыр орден (1945).- Марий АССР Президиум Верховный Советын Чапкагазше-влак (1942, 1944, 1948, 1957).
- Марий АССР-ын сулло артистше (1944).
- Марий АССР-ын Калык артистше (1949).
