Филимонов, Михаил Родионович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Филимонов.
Михаил Родионович Филимонов
Филимонов, Михаил Родионович.jpg
Шочмо кече 25 сӱрем 1911(1911-07-25)
Шочмо вер
Колымо кече 2 пеледыш 1990(1990-06-02) (78 ий)
Колымо вер
Эл
Паша сомыл
книгагудызо
Награде да премий

Honored Cultural Worker of the RSFSR.jpg

Михаил Родионович Филимонов (25 сӱрем 1911, Ельсуково, Марий Турек район — 2 пеледыш 1990, Томск) ― совет книгагудо пашаеҥ. СССР ийлаште Касвел Сибирьыште книгам да лудмашым чапландарыше. Томск кугыжаныш университетысе шанче книгагудын директоржо (1955—1974). РСФСР тӱвыран сулло пашаеҥже (1969). Кугу Ачамланде сарыште лийын. 1932 ий гыч ВКП(б)-н йыжъеҥже.

Илыш корныжо

1911 ий сӱрем тылзын 25-ше кечынже кызытсе Марий Эл Марий-Турек районысо Ельсуково ялысе[1] кресаньык ешеш шочын.

Шочмо ялысе школым тунем пытарен. 1931 ий гыч — верысе сельсоветын секретарьже. 1932 ийыште ВКП(б)-ш налме[2].

1933—1936 ийлаште Красный Армий чекыште служитлен[2].

1940 ийыште Н. К. Крупская лӱмеш Ленинград коммунист политике-сотемдарыше институтын  (руш.) (мар. книгагудо пӧлкажым визытанлан тунем пытарен[3][4].

Тиде ийынак Томскыш колтымо: 1941 ийыште фронтыш налме марте — Томск книгагудо техникумын директоржо[2].

1941 ий пеледыш тылзын шке кумылын фронтыш каен. Кугу Ачамланде сарыште: Касвел фронтысо  (руш.) (мар. командир-влакым ямдылыме курсым тунем пытарен, гвардийын кугурак лейтенантше. Вара Йошкар Армийын Политике виктемжын шапашышкыже колтымо, 1941 ий кылме тылзын увер деч посна йомшылан шотлалтын. 1942 ий шыжа тылзын Касвел фронтын 344-ше лӱйкалыше дивизийыште  (руш.) (мар. политике ужаш шотышто ротын командиржын алмаштышыжлан шогалтыме[5]. 1943 ий кылме тылзе гыч 1945 ий вӱдшор тылзе марте Касвел да Кокымшо Белорус фронт-влакын  (руш.) (мар. тӱрлӧ ушнымашлаштыже лӱйкалыше ротым вуйлатен. 1945 ий вӱдшор—ага тылзын — 252-шо гвардий лӱйкалыше полкысо ротын командирже, вара тиде полкысо клуб начальникын пашажым шуктен. Кум гана сусырген. 1946 ий пеледыш тылзын армий гыч демобилизоватлыме. I степенян Ачамланде сар, Йошкар Шӱдыр орден-влак да медаль-влак дене суапландарыме[2][5][6].

1946 ий гыч — Томск кугыжаныш университетын шанче книгагудо  (руш.) (мар. директоржын алмаштышыже, 1955—1974 ийлаште — директоржо[7]. 1974—1985 ийлаште — Томск кугыжаныш университетын шанче книгагудын шанче-методике полкан тӱҥ книгагудо еҥже[3]. Книгагудын у оралтыжым чоҥымашке (1967—1979) кугу надырым пыштен, книгагудын фондшым пойдарыме, тудын аралыме, кучылтмо, ситарыме верч шуко ыштен[2][5][8].

1969 ийыште тудлан «РСФСР тӱвыран сулло пашаеҥже» чаплӱмым пуымо. Медаль-влак дене палемдыме[2].

1990 ий пеледыш тылзын 2-шо кечынже Томскышто колен, туштак тоеныт[3].

Книгагудо пашаже

Книга, книгагудо паша да библиографий историй шотышто 70 наре шанче да методике пашам савыктен, нунын коклаште: «Томск университетын савыктышлаштыже шанчыеҥ-влакын пашашт (1959—1978)»[9], «Томск областьын пӱртӱсшӧ нерген литератур указатель»[10], «Кӱлешан книгам да статьям кузе муаш»[11]. «Касвел-Сибирьысе вузысо книгагудо-влак. Паша опыт» сборникын лукташ темлыше да редколлегийын йыжъеҥже лийын[2][5][12].

Кок изданий дене лекше шкешотан пашам ыштен — «Сибирьын книга поянлыкше»[3][13]. Томск университетысе шанче книгагудым почмылан 100 ий темме лӱмеш". Книган кокымшо савыктышыже 1990 ийыште Томск университетын шанче паша-влак конкурсыштыжо университетын историйжым чапландарыше эн сай паша семын премий дене палемдалтын[2][5].

1955—1975 ийлаште — Томск кугыжаныш университетын  (руш.) (мар. Шанче каҥашын йыжъеҥже, 1960—1976 ийлаште — СССР кӱшыл да кыдалаш шинчымаш министерстве  (руш.) (мар. пеленсе Рӱдӧ шанче-методике книгагудо комиссий пленумын да президиумын йыжъеҥже[5].

Книгам да лудмашым чапландарыше семынат палыме: 1974—1985 ийлаште Томск оласе книгам йӧратыше-влак организацийын председательже лийын, 1969—1979 ийлаште — Касвел Сибирь вузысо книгагудо-влакын методике каҥашыжым вуйлатыше[2][5][14].

Чаплӱм-влак да суаптар-влак

Пашаште

Сар пашаште

Палемдымаш

  1. ↑ Ельсуково (Красный Ключ) | Родная Вятка. rodnaya-vyatka.ru. Тергыме кече: 4 шорыкйол 2026.
  2. ↑ 1 2 3 4 5 6 7 8 9 10 Михаил Родионович Филимонов. www.gkskti.ru. Тергыме кече: 4 шорыкйол 2026.
  3. ↑ 1 2 3 4 5 Мочаев, 2017, с. 463.
  4. ↑ Библиотекари. kraeved.lib.tomsk.ru. Тергыме кече: 4 шорыкйол 2026.
  5. ↑ 1 2 3 4 5 6 7 8 9 10 11 Филимонов Михаил Родионович. С первых дней и до Победы. kraeved.lib.tomsk.ru. Тергыме кече: 4 шорыкйол 2026.
  6. ↑ 1 2 3 4 Филимонов Михаил Родионович :: Память народа. pamyat-naroda.ru. Тергыме кече: 4 шорыкйол 2026.
  7. ↑ Фронтовая биография библиотекаря Филимонова | Научная библиотека Томского государственного университета (руш.). www.lib.tsu.ru. Тергыме кече: 4 шорыкйол 2026.
  8. ↑ Главное дело жизни (руш.). vufind.lib.tsu.ru. Тергыме кече: 20 шорыкйол 2026.
  9. ↑ Философские и исторические науки. Ч. 1. — Томск: Изд-во Томского ун-та, 1988. — 286 с.
  10. ↑ Природные биологические ресурсы Томской области и перспективы их использования / Томский гос. ун-т им. В. В. Куйбышева. - Томск : Изд. Томского ун-та, 1966. - 264 с. с илл. и карт.; 2 л. илл. (неопр.). e-catalog.nlb.by (1966). Тергыме кече: 4 шорыкйол 2026.
  11. ↑ Как найти нужную книгу или статью : памятка студенту / М.Р. Филимонов, Д.П. Маслов. — 1962.
  12. ↑ Вып. 15 / Т. П. Путятина. — Томск: Изд-во Том. ун-та, 1987. — 46 с. — (Вузовские библиотеки Западно-Сибирской зоны : Опыт работы : [Сб. ст.]).
  13. ↑ Михаил Родионович Филимонов, Л. И. Боженко. Книжная сокровищница Сибири: К 100-летию со дня открытия Науч. б-ки Том. ун-та. — 2-е изд., доп. — Томск: Изд-во Том. ун-та, 1988. — 194 с.
  14. ↑ Региональное методическое объединение библиотек вузов Западной Сибири - презентация онлайн. ppt-online.org. Тергыме кече: 4 шорыкйол 2026.
  15. ↑ Филимонов Михаил Родионович :: Память народа. pamyat-naroda.ru. Тергыме кече: 4 шорыкйол 2026.

Литератур

  • Майданюк Э. Хороших людей возле книг всегда много // Томский вестник. — 1996. — 25 мая.
  • Майданюк, Э. К. Томские библиотеки и библиотекари в годы войны // Панорама библиотечной жизни Томской области: сборник. — Томск, 2005. — Томские библиотеки и библиотекари в годы Великой Отечественной войны. — С. 6—10.
  • Колесников А. Ю. Филимонов Михаил Родионович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 377. — 2032 экз. — ISBN 5-87898-357-0.
  • Майданюк Э. К. Волшебный мир книги / Э. Майданюк // Нефтяной меридиан. — 2010. — № 4. — С. 15—17.
  • Ветераны Великой Отечественной войны Томского государственного университета в биографиях и воспоминаниях // Университет — моя судьба. — Томск, 2011. — С. 5—31.
  • Ефанов Л. Д. Память об ушедших // Университет — моя судьба. — Томск, 2011. — С. 32—40.
  • Филимонов Михаил Родионович: к 100-летию со дня рождения / Томский гос. ун-т, Науч. б-ка. — Томск: Изд-во Томского ун-та, 2012. — 74 с., [1] л. портр.: ил., цв. ил., портр., факс.; 21 см. — (Серия книг о сотрудниках Научной библиотеки Томского государственного университета «Наши предшественники и коллеги»); ISBN 978-5-7511-2073-3.
  • Колесников А. Ю. Филимонов Михаил Родионович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 463. — 606 с. — 1500 экз. — ISBN 978-5-905314-35-3.
  • Майданюк Э. Книжные люди // Сибирская старина. — 2018. — № 31. — С. 28—30.

Кылвер-влак

"https://mhr.ruwiki.ru/w/index.php?title=Филимонов,_Михаил_Родионович&oldid=1231789" гыч налме