Алёшкин, Анатолий Александрович

Анатолий Александрович Алёшкин
Анатолий Александрович Алёшкин
Шочмо кече	2 идым 1921
Шочмо вер	Михайловка[d], Александровский губерний[d], Украин ССР[d];
Колымо кече	19 сӱрем 1993 (71 ий)
Колымо вер	Санкт-Петербург, Россий;
Пурымаш	СССР
Войскан родшо	СССР-ын стратегий кӱлешлыкан ракет войскаже-влак
Службо жап	1938—1977
Званий
Командоватлен	39-ше гвардейский ракетный дивизий, 14-ше ракетный дивизий
Кредалмаш/сар	Кугу Ачамланде сар
Отставкыште	1977

Анатолий Александрович Алёшкин (2 идым 1921, Михайловка^[d], Александровский губерний^[d], Украин ССР^[d] — 19 сӱрем 1993, Санкт-Петербург, Россий) — совет сарзывуй, артиллерий генерал-майор. Тюменьысе ракетный бригадын (1964―1967), Новосибирскысе ракетный дивизийын (1967―1969), 14-ше Киев-Житомир 3-шо степенян Кутузов орденан ракетный дивизийын командирже — Йошкар-Оласе гарнизонын начальникше (1969―1971). Ленин орденын да кум гана I степенян Ачамланде сар орденын кавалерже^[1].

Илыш корно

1921 ий 2 сентябрьыште РСФСР Таврий губерний Мелитополь уездысе Михайловка посёлкышто шочын^[2].

1938 ий сентябрьыште Йошкар Армийыш (руш.) (мар. налме. Красин лӱмеш 1-ше Москосо артиллерий училищым (1940), Ленинградысе кӱшыл офицер Йошкар Тисте школым (1949), Сарзе артиллерий академийын командный факультетшым (1956) тунем пытарен^[1].

1941 ий июнь гыч 1945 ий март марте Кечывалвел-Касвел, Йӱдвел-Касвел да Прибалтийский фронтлаште Кугу Ачамланде сарын участникше. Взвод командир гыч тӱҥалын 68-ше армийын 70-ше гвардейский миномёт полкшын 330-шо гвардейский посна миномёт дивизионжын да 19-ше танковый корпусын 348-ше гвардейский посна миномёт дивизионжын командирже марте корным эртен, гвардий майор^[3].

1946 ий декабрь гыч — посна гвардейский миномёт дивизионын командирже. 1956 ий сентябрь гыч — Сарзе артиллерий академийын курс начальникше.

1960 ий август гыч — РВСН-ыште (руш.) (мар.: Алейскысе ракетный дивизий командирын алмаштышыже, Тюменьысе ракетный бригадын (1964—1967), 39-ше гвардейский ракетный дивизийын (1967 ий апрель — 1969 ий март) командирже, генерал-майор (1968). 1969 ий март гыч 1971 ий июнь марте — 14-ше Киев-Житомир III степенян Кутузов орденан ракетный дивизийын командирже, Йошкар-Оласе гарнизонын начальникше. 1971 ий июнь гыч 1977 ий февраль марте — РВСН-ын Переславль-Залесский тунемме рӱдержын начальникше. 1977 ийыште ийготыш шумыжлан кӧра паша гыч луктын колтымо^[1].

Санкт-Петербургышто Кечывалвел шӱгарлаште тоеныт^[1].

Суаптар-влак

Ленин орден (1969 — СССР Правительствын спецзаданийжым шуктымылан);
Йошкар Шӱдыр орден (1943 ий 30 апрель, 1954);
I степенян Ачамланде сар орден (1944 ий 10 февраль, 1944 ий 1 сентябрь, 1985 ий 6 апрель);
II степенян Ачамланде сар орден (1944);
Александр Невский орден (СССР) (1944 ий 16 ноябрь);
«1941-1945 ийласе Кугу Ачамланде сарыште Германийым сеҥымылан» медаль (1945 ий 9 май);
«Владимир Ильич Ленинын шочмыжлан 100 ий темме лӱмеш» медаль (1970);
Паша Йошкар Тисте орден (1975, эше икте).

Палемдымаш

↑ ¹ ² ³ ⁴ Кто есть кто в РВСН. Алёшкин Анатолий Александрович (неопр.). rvsn.ruzhany.info. Тергыме кече: 23 ӱярня 2026.
↑ Мочаев
↑ Алешкин Анатолий Александрович (неопр.). pamyat-naroda.ru. Тергыме кече: 23 ӱярня 2026.

Литератур

Колесников А. Ю. Алёшкин Анатолий Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 23. — 2032 экз. — ISBN 5-87898-357-0.;
Носов В. Т., Резник А. В. Стратеги. Командиры ракетных дивизий. — ЦИПК, 2009.;
Колесников А. Ю. Алёшкин Анатолий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 22. — 606 с. — 1500 экз. — ISBN 978-5-905314-35-3..

Кылвер-влак

[rvsn-1] ¹ ² ³ ⁴ Кто есть кто в РВСН. Алёшкин Анатолий Александрович (неопр.). rvsn.ruzhany.info. Тергыме кече: 23 ӱярня 2026.

[mochaev-2] Мочаев

[pamyat-3] Алешкин Анатолий Александрович (неопр.). pamyat-naroda.ru. Тергыме кече: 23 ӱярня 2026.

[1]

[2]

[3]