Григорьев, Георгий Иванович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Григорьев.
Георгий Иванович Григорьев
Георгий Иванович Григорьев.jpg
Шочмо кече 1916 ий 29 теле(1916-12-29)
Шочмо вер Озаҥ, СССР
Колымо кече 2010 ий 17 сӱрем(2010-07-17) (93 ий)
Колымо вер Йошкар-Ола, Россий
Эл  Россий империй →  СССР →  Россий
Профессий тӱҥ врач, пӧлка вуйлатыше, депутат
Шанче алан офтальмологий
Паша вер Марий АССР тазалыкаралтыш министерстве
Марий АССР Республикысе офтальмологий эмлымвер
Званий
Подполковник
Награде да премий РСФСР-ын сулло врачше — 1960
Орден Трудового Красного Знамени — 1966 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Георгий Иванович Григорьев (29 теле 1916, Озаҥ, Россий империй — 17 сӱрем 2010, Йошкар-Ола, Марий Эл Республик, Россий) ― совет кугыжаныш да тазалыкаралтыш пашаеҥ. СССР Кӱшыл Каҥашын 6-шо созывысе депутатше (1962―1966). Марий Элыште шинчаэмлыше службым негызлыше, Марий АССР тазалыкаралтыш министерствын тӱҥ шинчаэмлышыже (1951―1977). РСФСР-ын сулло эмлызыже (1960), медицине шанче кандидат (1971). Кугу Ачамланде сарын салтакше.

Илыш корно

1916 ий теле тылзын 29-ше кечынже Озаҥыште амалкалче кресаньыкын ешыштыже шочын[1][2].

1941 ийыште Озаҥ медицине институтым  (руш.) (мар. тунем пытарен[1][2].

1941 ий сӱрем тылзын Пашазе-Кресаньык Йошкар Армийыш налме. Кугу Ачамланде сарын салтакше: Юлгундем сарзе йырвелын авиаций пӧлкалаштыже эмлыме да администратор олмылаште служиен, медицине службо капитан. 1946 ий пургыж тылзын службым мучашлен, медицине службо подполковник марте шуын[1][2][3].

1950 ий гыч ― Марий АССР-ыште: Марий Турек эмлымверын тӱҥ эмлызыже, 1951―1977 ийлаште ― Тазалыкаралтыш министерствын тӱҥ шинчаэмлышыже, 1977―1989 ийлаште ― Марий АССР Республикысе офтальмологий эмлымверын пӧлкам вуйлатышыже. 1953―1980 ийлаште ― Марий АССР офтальмолог-влак ушемын председательже. Марий республикыште трахом ваштареш кучедалме шотышто системым виктарен колтышо, тудын тыршымыж дене 1961 ийлан ты осал чер дене тӱшкан черланымым чарен кертме, 1968 ийлан ― тӱрыснек да пеҥгыдын пытарыме. Куйбышев медицине институтышто  (руш.) (мар. «Марий АССР-ыште трахомым тӱрыснек да ӱшанлын пытарыме корно ден йӧн-влак» теме дене диссертацийым сайын арален, 1971 ийыште медицине шанче кандидат лийын[4]. Тыгак Марий АССР Республикысе офтальмологий эмлымверым чоҥаш темлыше да чолга пашаеҥже семын палыме[1][2].

Трахомым чарен сеҥыме нерген икмыняр книган авторжо улеш, мутлан, «Марий АССР-ыште трахом дене кредалмашын виктарыме паша да йӧн-влак» (1961) да молат[5].

1962―1966 ийлаште СССР Кӱшыл Каҥашын 6-шо созывысе депутатшылан сайлалтын.

Тазалыкаралтыш аланысе суаплан 1960 ийыште тудлан «РСФСР-ын сулло эмлызыже» чаплӱмым пуымо. Октябрь Революций, Пашан Йошкар Тистыже орден-влак, медаль-влак да Марий АССР Кӱшыл Каҥаш Вуйверын Чаптаныкше дене суапландарыме[1][2].

2010 ий сӱрем тылзын 17-ше кечынже Йошкар-Олаште колен[6].

Паша чаплӱм да суаптар

  • РСФСР-ын сулло эмлызыже (1960)[1][2]
  • Марий АССР-ын сулло эмлызыже (1957)[1][2]
  • Пашан Йошкар Тистыже орден (1966)[1][2]
  • «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)
  • Марий АССР Кӱшыл Каҥаш Вуйверын Чаптаныкше (1976)[1][2]

Шарнымаш

  • 2011 ий гыч РСФСР-ын да Марий АССР-ын сулло эмлызыже Г. И. Григорьевын лӱмжым Марий Эл Республикысе шинчаэмлыше (офтальмологий) эмлымверлан пуымо[7][8].
  • 2012 ий идым тылзын Республикысе офтальмологий эмлымверын оралте пырдыжеш тудым шарныме лӱмеш мемориал оҥам вераҥдыме. Оҥаште возымо: «Тыште пӧлкам вуйлатыше Георгий Иванович Григорьев пашам ыштен: офтальмологий службым устан негызлыше, эмлымверым чоҥаш темлыше, РСФСР-ын да МАССР-ын сулло эмлызыже, медицине шанче кандидат, МАССР тазалыкаралтыш министерствын тӱҥ шинчаэмлышыже»[9][10].

Палемдымаш

  1. ↑ 1 2 3 4 5 6 7 8 9 Мочаев, 2007, с. 97.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 321.
  3. ↑ Григорьев Георгий Иванович :: Память народа. pamyat-naroda.ru. Тергыме кече: 3 пургыж 2026.
  4. ↑ Георгий Иванович Григорьев. Пути и средства полной и устойчивой ликвидации трахомы в Марийской АССР: Автореферат дис. на соискание ученой степени кандидата медицинских наук. (757). — Куйбышев: б. и., 1971.
  5. ↑ Организационные формы и методы борьбы с трахомой в Марийской АССР - книга 1961 года.
  6. ↑ Мочаев, 2017, с. 111.
  7. ↑ Мочаев, 2017, с. 109.
  8. ↑ ГБУ РМЭ "РОБ Им. Г.И. Григорьева" - информация об организации. edu2you.ru. Тергыме кече: 3 пургыж 2026.
  9. ↑ Больница с «именем» (руш.). mari-el.gov.ru. Тергыме кече: 3 пургыж 2026.
  10. ↑ Памятная доска Г.И. Григорьеву, Йошкар-Ола — 2ГИС (руш.). 2gis.ru. Тергыме кече: 3 пургыж 2026.

Литератур

  • Александров Н. А., Мочалов С. Г. Развитие здравоохранения в Марийской АССР. ― Йошкар-Ола: Марийское книжное издательство, 1980. ― 216 с.: ил.
  • Мочаев В. А. Григорьев Георгий Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 97. — 2032 экз. — ISBN 5-87898-357-0.
  • Григорьев Георгий Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 321. — 872 с. — 3505 экз. — ISBN 978-5-94950-049-1.
  • Соловьёва И. Ю., Мочаев В. А. Григорьев Георгий Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 111. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Григорьев,_Георгий_Иванович&oldid=1233586" гыч налме