Заболотнов, Пётр Павлович

Пётр Павлович Заболотнов
Шочмо кече	29 теле 1858(1858-12-29)
Шочмо вер	Покросола, Чыкма уезд, Озаҥ губерний, Россий империй
Колымо кече	27 шыжа 1935(1935-10-27) (76 ий)
Колымо вер	Саратов, Саратов край[d], РСФСР, СССР
Эл	Россий империй, РСФСР (1917—1922),  СССР
Шанче алан	медицин
Паша вер	Озаҥысе университет, Николаевский университет
Образований	Императорысо Озаҥысе университет[d]
Шанче степень	медицине доктор (1900)
Палыме	Николай императорысо университетын ректоржо

Пётр Павлович Заболотнов (29 теле 1858, Покросола, Чыкма уезд, Озаҥ губерний, Россий империй — 27 шыжа 1935, Саратов, Саратов край^[d], РСФСР, СССР) — руш эмлызе да шанчызе-патолог, профессор да Император Николаевский университетын ректоржо.

Илыш корно

1858 ий 29 декабрьыште Озаҥ губернийысе Чыкма уездын Похросола селаштыже (кызыт Чувашийын Шундыр районжо) шочын.

1884 ийыште Император Озаҥ университетын медицине факультетшым тунем пытарен. Дипломым налмеке, индеш ий жапыште (1884—1893) Шовакшэҥер уездын Исмелево да Беловолжский медицине участок-влакыштыже земский эмлызылан пашам ыштен.

1894 ий гыч Император Озаҥ университетыш шанче-педагогик пашаш куснен. Патологий анатомий кафедрыште приват-доцент да прозектор должность-влакым налын шоген. Шинчымашым саемдаш манын, йот элыш командировкыш колтымо, тушто Тюбинген да Лейпциг университетлаште стажировкым эртен. 1900 ийыште медицине доктор степеньлан диссертацийым арален.

1909 ийыште П. П. Заболотновым Саратовыште лач почылтшо Император Николаевский университетыш ӱжыныт, тушто тудо патологий анатомий кафедрым вуйлатен. 1910 ийыште Саратовыште чума эпидемийым пытарымаште участвоватлен.

1913 ийыште университетын ректоржылан сайлалтын. Тудын вуйлатыме жапше Икымше тӱнямбал сарын да революций-влакын неле ийлашт дене ик жапыш логалын. Ректор постым 1918 ий марте налын шоген, тидын деч вара кафедра профессор семын туныктымо да шанче пашаш тӱткышым ойырен.

1935 ий 27 октябрьыште Саратовыште колен.

Паша-влак

П. П. Заболотновын шанче интересше-влак нерв клеткын патологийжым, инфекций чер-влакым (тиф, дифтерит) да онкоморфологийым авалтеныт. Тудо верге рак-влакын патологий анатомийыштым да организмдын иммунологий реакцийыштым шымлымашке кугу надырым пыштен.

Заболотновын тӱҥ пашаже-влак:

• «К вопросу о множественной локализации многокамерного эхинококка» («Шуко камеран эхинококкын шуко локализацийже йодышлан») («Император Озаҥ университет пеленсе Эмлызе-влак ушемын дневникше», 1899);
• «Bacterium coli commune, как возбудитель воспаления легкого в случае ущемления грыжи» («Bacterium coli commune, грыжа кыстыралтме годым додын пуалмыжым лукшо семын») (туштак, 1898);
• «К патологии нервной клетки при брюшном тифе и дифтерите» («Брюшной тиф да дифтерит годым нерв клеткын патологийже шотышто») (Озаҥ, 1900, диссертаций);
• «Zur Lehre von den Nierengeschwulsten suprarenalen Ursprungs» (Zieglers Beitr., 1907, т. XLI);
• «Sur l’existence d’un fixateur dans l’organisme de l’animal jouissant de l’immunite naturelle» («Ann. Pasteur», 1904, XVIII).

Суап-влак

• Чебоксар земствын сулло эмлызыже 1890 ийыште;
• Медицине доктор (1900).

Палемдымаш

Литератур

• Алексеев, Г. А. Заболотнов Петр Павлович // Выдающиеся медики Чувашии. — энцикл.. — Чебоксары, 2013. — С. 76.
• Алексеев, Г. А. Заболотнов Петр Павлович // Чувашская медицинская энциклопедия. — Чебоксары, 1997. — Т. I : А-М. — С. 199.;
• Алексеев, Г. А. Заболотнов Петр Павлович // Краткая чувашская энциклопедия. — Чебоксары, 2001. — С. 165.;
• Заболотнов Пётр Павлович // Татарская энциклопедия / Гл. ред. М. Х. Хасанов. — Казань: Институт Татарской Энциклопедии, 2005. — Т. 2. — С. 399. — 656 с.;
• ААлексеев, Г. А. Заболотнов Петр Павлович // Чувашская энциклопедия. — Чебоксары, 2008. — Т. 2 : Ж-Л. — С. 29.;
• Семенов, В. Ректоры СГУ // Волга : журнал. — 1998. — № 2—3. — С. 12—54..

Кылвер-влак

• Заболотнов Петр Павлович
• Памятные даты истории Саратовского государственного медицинского университета
• Ҫулталӑк кӗнеки=Книга года