24 шыжа

←
→
Шыжа
← →Шыжа
	2026 ий

24 шыжа (24 октябрь) — григориан кечышот почеш идалыкын 297-ше (кужемдыме ийлаште — 298-ше) кечыже. Идалык пытыме марте 68 кече кодеш.

Йошкар-Олаште ☀️ Кече 6 шагатат 55 минутлан лектеш, 16 шагатат 41 минутлан шинчеш. Кечын кужытшо 🕒 9 шагатат 46 минут.
🌔 Ешаралт толшо тылзе (12.78 тылзе кече).

Пайрем да шарныктарыше кече-влак

ООН — Ушнышо Калык-влак Организацийын кечыже (руш. День Организации Объединённых Наций).
ООН — Полиомиелит дене кучедалмашын тӱнямбал кечыже (руш. Всемирный день борьбы с полиомиелитом).
ООН — Вияҥме нерген уверын тӱнямбал кечыже (руш. Всемирный день информации о развитии).
Россий — Лӱмын ыштыме часть ден соединений-влакын кечышт (руш. День подразделений специального назначения).
Бурятий — Бурят йылмын кечыже (руш. День бурятского языка) — шыжа тылзын 4-ше кугарнян палемдалтеш.
Кагаз деч посна кодмо тӱнямбал кече (руш. Международный день без бумаги).
Бильярдым йӧратышын пайремже (руш. Праздник любителя бильярда).
Канитель Филипп (руш. Филиппова канитель).
Шокшо носким йӧратыме кече (руш. День любви к теплым носкам).
Психын кечыже (руш. День психа).
Музыркан тӱнямбал кечыже (руш. Всемирный день рубца).
Кочкыш кече (руш. День еды).

Лӱмгече

Зинаида, Феофан, Филипп.

Эртынчык-влак

Тугак ончо: Категорий:Шыжа тылзын 24 кечысе событий-влак

1897 — Российыште икымше футбол матч эртен.
1935 — Кремль башньын вуйыштыжо Йошкар шӱдырым вераҥдыме.
1939 — нейлон чулка-влакым ужалымашке луктыныт.

Шочыныт

Тугак ончо: Категорий:Шыжа тылзын 24 кечынже шочшо-влак

1899 — Павел Никандрович Петропавловский, СССР артиллерийын генерал-майоржо.
1955 — Василий Алексеевич Янцев, Марий Элысе ялозанлыкын сулло пашаеҥже. Ойырен налме профессийже дене шинчымашым Марий кугыжаныш университетын ялозанлык факультетыштыже поген. Паша корныжо Мичурин лӱмеш колхозышто тӱҥалын. 1980-ше ий гыч «Великополье» ялозанлык ушемын вуйлатышыже лийын. Кундемысе погынын депутатше сомылымат шуктен.
1945 — Татьяна Владимировна Попова, Марий Элысе шанчын сулло пашаеҥже. Шочмо верже – Морко. Паша корныжо Марий кугыжаныш университет дене кылдалтын. Тӱҥ шотышто тудо химийым келгынрак шымлен: химий кафедрын вуйлатышыжат лийын. Химий шанче кандидат, профессор.
1954 — Аркадий Витальевич Яндулов, администраций да мер пашаеҥ. Марий Турек кундемысе Мари-Возармаш ялыште шочын-кушкын. Паша корныжо кундемысе администраций дене кылдалтын. Мер пашаштат моткоч кугу пагалымашым сулен.
1956 — Вячеслав Юрьевич Желваков, совет да российысе сӱретче, график, Россий сылнысымыктыш академийын академикше (2006). Россий Федерацийын калык сӱретчыже (2007). Акварель да чатка сымыктыш академийын ректоржо Сергей Андриякын сомылжым жаплан шуктышо (2024 ий гыч).
1988 — Александр Волков, Российысе варналтше стильын кредалшыже. Чот нелытан категорийыште Bellator-ын ончычсо чемпионжо. Чот нелытан категорийыште M-1 Challenge-ын чемпионжо.

Коленыт

Тугак ончо: Категорий:Шыжа тылзын 24 кечынже колышо-влак

1999 — Ида Ивановна Крылова, совет марий калык мурызо, тошто марий мурым погышо да шке семын мастарын мурышо, туныктышо, мер пашаеҥ.

Калык пале

Лум ночко мландыш возеш да шулен огеш пыте — шошо эр толеш.
Йӱр эрвел мардеж почеш йӱреш — кужу уда игечылан, йӱдйымал мардеж почеш — йӱштылан.
Тӱтыра вола гын, левыктышаш.
Филиппын кечыже. Тиде кечын корно чот лавыран лиеш, маныныт. Туге гынат, вакшыш пырчым йоҥышташ наҥгаеныт. Ты кечын вочшо лум йӱштö теле толмо нерген шижтара.