Вияҥме нерген уверын тӱнямбал кечыже
Вияҥме нерген уверын тӱнямбал кечыже (ООН-ын моло официал йылмылаж дене: англ. World Development Information Day, исп. Día Mundial de la Información sobre el Desarrollo, фр. Journée mondiale d'information sur le développement) — ООН-ысо Тӱҥ Ассамблейын 27-й сессийжын (A/RES/3038 №) пунчалже дене келшышын, 1973 ий гыч ий еда 24-ше октябрьыште палемдалтеш.
Пунчалыште тыге каласыме: тиде Тӱнямбал кече Иктыш Ушнышо Наций-влак Организацийын кечыж дене лачеш толшаш.
Тиде Тӱнямбал кечын тӱҥ шонымашыже мер калыкын тӱткышыжым вияҥме йодышыш виктарышаш. Тыгай шонымашым ойлымо: вияҥме нерген уверым шарымаш вияҥмашын проблемыжым умылен налмаште пеш кӱлешан фактор улеш, тӱнямбал вияҥмаште тӱнямбал вашкылым кучаш йӧным ышта.