Лӱмын ыштыме часть ден соединений-влакын кечышт
| Лӱмын ыштыме часть ден соединений-влакын кечышт | |
|---|---|
 Россий ВС ГШ ГУ-н кугу эмблемыже | |
| Тӱрлылык | Профессионал пайрем |
| Ышталтын | Указом Президента Российской Федерации |
| Палемдат | Россий Федераций |
| Кече | 2006 ий 31 ага |
| Пайремлымаш | 24 шыжа |
| Кылдалтын | директивыш кидым пыштыме дене |
 Медиафайлы на РУВИКИ.Медиа | |
Лӱмын ыштыме часть ден соединений-влакын кечышт (СпН) — Россий Сарзе Вийын лӱмын посна пашалан чумырымо формирований-влакын профессий пайремышт.
Россий Федерацийыште ий еда 24 октябрьыште палемдалтеш.
Пайрем историй
«Лӱмын ыштыме часть ден соединений-влакын кечышт» — Российын моло пайрем дене таҥастарымаште але пеш самырык, тудо 2006 ий 31 майыште Россий Федераций Президентын 549-ше №-ан «Россий Федерацийын Сарзе Вийыште профессий пайрем-влакым да шарныктыш кечым палемдыме нерген» кӱштыкше дене увертаралтын[1].
«Лӱмын ыштыме часть ден соединений-влакын кечыштлан» 24 октябрьым тыглай ойырен налме огыл. Лач тиде кечын 1950 ийыште СССР Сарзе Вий министр да СССР-ын Сарзе министрже, Совет Ушем маршал А. М. Василевский «секретно» граф дене ОРГ/2/395/832 № посна кӱлешлыклан подразделенийым погымо нерген (СпН) (келге разведке але посна пашалан разведке)директивеш кидпалым пыштен, ты тӱшка тушманын эн келге тылыштыже пашам ышташлан лӱмын погалтын, кудо кӱчык жапыште (1951 ий 1 май марте) Сарзе Вийыште кажне сарзе округышто, флотышто 46 ротым чумырен шуктышаш улмаш, кажныштыже 120 еҥым погаш палемдалтын. Кӱштык тичмашнек шукталтын да 1951 ий Икымше майлан СССР Сарзе Вийын кышкарыштыже СпН-ын вич тӱжемат пеле утла еҥан подразделений-влак лийыныт[2]. Лач Василевскийын директивеш кидпалым пыштыме кече пайремлыме кечыш савырнен. Шарнаш кӱлеш: посна кӱлешлыклан погымо часть-влак 1917 ий марте руш армийыштат лийыныт. Тиде лӱмын ыштыме посна теҥыз бригаде (омбрОН) лийын, 1916 ий 31 майыште Мине да Артиллерий кышкарысе лӱмын чумырымо полклаште да тыгак Эҥер флотилийыште посна пашалан погымо. Тыгай формирований-влакыш ВМФ офицер-влакым чумырымо да нуно 1918 ий тӱҥалтыш марте Касвел фронтышто кредалыныт, тидын деч вара нуным шалатен колтеныт. Тыгеракын, лӱмын ыштыме кӱлешлыкан руш формирований-влакын «тошто» кечыштлан 31 май шотлалтеш.
Варарак СпН часть-влак ышталтыныт (кажне сарзе округышто але флотышто ик бригадым да рӱдер йымалне ик бригадым ыштыме). Тунам НАТО эл-влак СССР ваштареш тарванат ыле гын, эн ончычак СнП часть ден подразделенийже-влак элым аралаш тарванат ыле. Разведчик-влакын тӱшкашт тушманле сарзе вийын вуйлатыме верла воктенак да моло стратегий верла воктене лийшаш улыт улмаш. Нунын задачышкышт пурен: разведкыш кошташ, а кӱлеш лийме годым вуйлатыме верым, ракете установкым, стратегий авиаций самолёт-влакым, атоман вӱдйымал пушым, кыл йӧным пытараш, энергийым лукмым чараш, транспорт коммуникацийым шалаташ, пудыранчыкым тарваташ, сар да кугыжаныш пашаште умылдымашым ешараш.
ВС ГШ ГРУ СпН часть ден подразделенийже-влак (тӱшка, отряд, посна батальон, полк, бригаде) афган сарыште[3], Таджикистаныште да Чечня республикысе кумдыкышто операцийым шуктымаште, тыгак моло вереат кугу пашам шуктеныт[4].
...Ышташ тудым, мом спецназовец-влак Афганистаныште шуктеныт, мучашдымын патыр да лӱддымӧ салтак-влаклан гына пуалтын. Спецназ батальонлаште служышо еҥ-влак эн кӱкшӧ мастарлыкым ончыктышо профессионал лийыныт.
Ты кышкарын пел курым утла шуйнышо историйже мучко СнП подразделений кышкарысе еҥ-влакын чотышт икмыняр гана вашталтын.
Памятник
Саратовышто Княз курык корнышто колышо спецназ салтак-влакым шарныме лӱмеш мемориалым шогалтыме.
Палемдымаш
- ↑ Указ Президента Российской Федерации от 31 мая 2006 г. N 549 Об установлении профессиональных праздников и памятных дней в Вооруженных Силах Российской Федерации — Российская …
- ↑ [www.calend.ru/holidays/0/0/91/ День подразделений специального назначения — 24 октября. История и особенности праздника в проекте Календарь Праздников 2010]
- ↑ Потери соединений и частей СпН в ДРА.
- ↑ РГ «Летучие мыши» становятся полевыми.