Балалайкын кечыже
| Балалайкын кечыже | |
|---|---|
 | |
| Палемдат | Россий |
| Пайремлымаш | 23 пеледыш |
| Йӱла | Тӱрлӧ пайрем мероприятий |
| Кылдалтын | «Память из Стрелецкого приказа в Малороссийский приказ» документыште ушештарыме дене |
Балалайкын кечыже — тиде ий еда эртыше, сем дене илыше мер калыкын палемдыме официалдыме пайрем.
Историй
Тиде пайремым увертарышаш нерген шонымаш Российысе калык семӱзгарым шоктышо-влакын клубыштым вуйлатыше Дмитрий Белинскийын лийын. Пайрем кечым ойырашлан историй негызыш ончалыныт — балалайке нерген икымше гана «Память из Стрелецкого приказа в Малороссийский приказ» документыште ушештарыме[1], тиде кагаз 1688 ий 23 (13) июньышто сералтын.
Балалайкын кечыжым икымше гана 2008 ийыште палемденыт. Тиде пайремлымаш семӱзгарын илышыште лийше пеш кугу палыж дене кылдалтын: икымше гана тудын нерген возен кодымылан 320 ий темын, да музыкант да дирижёр, руш калык семӱзгар-влак дене икымше калыкле оркестрым чумырышо Василий Андреевын балалайке дене палыме лиймыжлан 125 ий лийын. Нине пале-влак тачысе калык семӱзгар дене шоктымо сымыктышлан, могайым ме таче палена, тӱҥалтышым пыштыше семын лийыныт.
Балалайке кече профессионал шоктышо-влакым, тӱрлӧ руш калык семӱзгар дене пашам ыштыже усталык ансамбль, оркестр-влакым, тыгак музыкым тыглай гына йӧратыше-влакым иктеш уша. Тиде пайремым Российыште веле огыл палемдат, тӱнямбал тӱрлӧ кундем ден эллаште, Европысо, Латин Америкысе, Австралийысе, США, Кечывал Африкыште, Украиныште, Белорусьышто, Казахстаныште авалтеныт.
2010 ий гыч ты пайрем лӱмеш Крым пелотрышто «Самородке-влак» лӱман калык сем фестиваль эртаралтеш. Арня жапыште, 23 июнь гутлаште, тыште калык семӱзгарым шоктышо-влакын концертышт, вашлиймаш-влакышт эрта, тыге нуно калык семым шоктышо, йӧратыше-влакым шке йырышт чумырат.[2]
Тыгак ончо
Палемдымаш
- ↑ РГАДА, ф. 229, oп. 1, ед. хр. 189, л. 159
- ↑ Всероссийский конкурс - фестиваль народной музыки и танца «Самородки». Официальный сайт фестиваля «Самородки». Дата обращения: 13 ага 2024.
Кылвер-влак
- Праздник музыкантов-народников
- Гребенников В. В. История возникновения балалайки
- Всё о русской балалайке // balalaika.org.ru
- Игра на балалайке в псковских традициях // culture.ru