Виногоров, Иван Александрович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Виногоров.
Иван Александрович Виногоров
Виногоров, Иван Александрович.jpg
Шочмо кече 1920 ий 23 пеледыш(1920-06-23)
Шочмо вер Эҥервал, Уржум уезд, Виче губерний, РСФСР
Колымо кече 2012 ий 19 пеледыш(2012-06-19) (91 ий)
Колымо вер Йошкар-Ола, Марий Эл, Россий
Гражданлык Flag of the Russian Soviet Federative Socialist Republic (1918–1925).svg РСФСР (1917—1922) →  СССР →  Россий
Паша сомыл тӱвыра пашаеҥ
Награде да премий

Honored Worker of Culture of the Russian Federation.png
Орден Отечественной войны II степени  — 1985 Орден Красной Звезды  — 1944 Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Почётная грамота Президиума Верховного Совета РСФСР — 1965

Иван Александрович Виногоров (1920 ий 23 июнь, Эҥервал, Уржум уезд, Виче губерний, РСФСР ― 2012 ий 19 июнь, Йошкар-Ола, Марий Эл, Россий) ― марий совет тӱвыра пашаеҥ. Я. Эшпай лӱмеш Марий кугыжаныш филармонийын директоржо (1965―1981). Россий Федераций тӱвыран сулло пашаеҥже (2000). Кугу Ачамланде сарын салтакше. 1943 ий гыч ВКП(б) йыжъеҥ.

Илыш корныжо

[тӧрлаташ | вики-текстым тӧрлаташ]

1920 ий 23 июньышто кызытсе Марий Эл Кужэҥер районысо Эҥервал ялыште шочын[1]. 1939 ийыште у Торьял педагогике училищым тунем пытарен[2][3][4].

1939 ий ноябрьыште Йошкар Армийыш каен. Кугу Ачамланде сарын салтакше: 1943 ийыште Иркутскышто Кӱшыл стрелок-тактике курсым тунем пытарен, касвел фронтлаште пулемёт ротын командирже, лейтенант. Нелын сусырген. 1943 ийыште ВКП(б)-ш пурен. 1947 ий июньышто армий гыч каен. II степенян Ачамланде сар орден, Йошкар Шӱдыр орден да медаль-влак дене суапландаралтын[5][6].

Йошкар-Олаш пӧртылмеке, Марий АССР-ысе кугыжаныш лӱдыкшыдымылык министерствын парткабинетшым вуйлатен. С 1952 ий гыч ― Йошкар-Оласе КПСС горкомын пӧлкажым вуйлатыше. 1951 ийыште Угарманысе партий школым да Н. К. Крупская лӱмеш Марий педагогике институтым (экстерн дене) тунем пытарен. Марий республикысе тӱвыра аланын вуйлатышыже: 1953 ий гыч ― Маркнигоиздатын директоржо, 1958 ий гыч ― Йошкар-Оласе Калык усталык пӧртын директоржо, 1965―1981 ийлаште ― Марий кугыжаныш филармонийын директоржо[7][8][9]. Усталык да окса шотышто шолдыргышо Филармонийым вуйлаташ пижмеке, ты тӧнежым элнан ик эн ончыл верышкыже луктын. 1980 ийыште «Марий шыже» фестивальым эртараш тӱҥалше еҥ семын чапым налын[2][3][4].

Тыгак драматург да публицист семын палыме: ик актан пьесе-влакын авторжо, «Живая легенда» (2001[7][10]), «Кугу сарын тулыштыжо» («В огне Великой войны», 2005) шарнымаш книга-влакым савыктен[11][12].

1971 ийыште тудлан «Марий АССР тӱвыран сулло пашаеҥже», 2000 ийыште ― «Россий Федераций тӱвыран сулло пашаеҥже» чаплӱм-влакым пуымо. РСФСР да Марий АССР Кӱшыл каҥаш Президиум-влакын Чапкагазышт дене суапландаралтын (кум гана)[2][3][4].

2012 ий 19 июньышто Йошкар-Олаште колен[2][3][4].

Чаплӱм ден суаптар-влак

[тӧрлаташ | вики-текстым тӧрлаташ]
  • Россий Федераций тӱвыран сулло пашаеҥже (2000)[2][3][4]
  • Марий АССР тӱвыран сулло пашаеҥже (1971)[2][3][4]
  • II степенян Ачамланде сар орден (06.04.1985)
  • Йошкар Шӱдыр орден (17.04.1944)
  • «Суапле пашалан. Владимир Ильич Ленинын шочмыжлан 100 ий теммым палемдыме лӱмеш» юбилей медаль[4]
  • РСФСР Верховный Совет Президиумын Чап грамотыжо (1965)[2][3][4]
  • Марий АССР Кӱшыл Президиумын Чап грамотыжо (1957, 1964, 1981)[2][3][4]

Палемдымаш

[тӧрлаташ | вики-текстым тӧрлаташ]
  1. ↑ Энербал (Малая Лопсола) | Родная Вятка. rodnaya-vyatka.ru. Дата обращения: 7 ӱярня 2023.
  2. ↑ 1 2 3 4 5 6 7 8 Мочаев, 2017, с. 82.
  3. ↑ 1 2 3 4 5 6 7 8 Энциклопедия Республики Марий Эл, 2009, с. 277.
  4. ↑ 1 2 3 4 5 6 7 8 9 Известные деятели искусства Куженерского района 2020г презентация, доклад, проект (неопр.). theslide.ru. Дата обращения: 7 ӱярня 2023.
  5. ↑ Виногоров Иван Александрович :: Память народа. pamyat-naroda.ru. Дата обращения: 7 ӱярня 2023.
  6. ↑ ПОБЕДИТЕЛИ. ПОБЕДИТЕЛИ. Дата обращения: 7 ӱярня 2023.
  7. ↑ 1 2 Незаменимые люди есть! www.marpravda.ru. Дата обращения: 7 ӱярня 2023.
  8. ↑ «Весенние ритмы», или Как зарождались марийские ВИА и будущие «звезды» Йошкар-Олы. news.myseldon.com. Дата обращения: 7 ӱярня 2023.
  9. ↑ Марийская государственная капелла им. А.И. Искандарова. yoshkarola.bezformata.com. Дата обращения: 7 ӱярня 2023.
  10. ↑ Иван Александрович Виногоров. Живая легенда. — Йошкар-Ола: Изд-во Марийс. полиграфкомбината, 2001. — 95 с. — ISBN 978-5-87898-178-1.
  11. ↑ Иван Александрович Виногоров. Кугу сарын тулжо вошт: шарнымаш книга. — Йошкар-Ола: Марий книга савыктыш, 2005. — 95 с. — ISBN 978-5-7590-0921-4.
  12. ↑ 2001 - 2010 годы | Национальная библиотека имени С.Г. Чавайна Республики Марий Эл. nbmariel.ru. Дата обращения: 7 ӱярня 2023.

Литератур

[тӧрлаташ | вики-текстым тӧрлаташ]
  • Виногоров Иван Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 73. — 2032 экз. — ISBN 5-87898-357-0.
  • Виногоров Иван Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 277. — 872 с. — 3505 экз. — ISBN 978-5-94950-049-1.
  • Краснов П. В., Мочаев В. А. Виногоров Иван Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 82. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Виногоров,_Иван_Александрович&oldid=638460" гыч налме