Киркин, Станислав Фёдорович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Киркин.
Станислав Фёдорович Киркин
Станислав Фёдорович Киркин.jpg
Шочмо кече 1935 ий 23 пеледыш(1935-06-23) (91 ий)
Шочмо вер Вурнары, Вурнар район, Чуваш АССР, РСФСР, СССР
Эл  СССР →  Россий
Шанче алан машиначоҥымаш
Паша вер Юл кундем чодыратехнике институт
Образований
Шанче степень технике шанче доктор
Шанче званий профессор
Награде ден премий-влак
Honoured Higher education employee of the Russian Federation.png
Премия Ленинского комсомола — 1989

Станислав Фёдорович Киркин (шоч. 1935 ий 23 июньышто, Вурнары пос., Вурнар район Чуваш АССР, РСФСР, СССР) ― совет да россий шанче пашаеҥ, шанчыеҥ-машиначоҥышо, изобретатель, технике шанче доктор, профессор. Юл кундем чодыратехнике институтын машина ужаш да теорий механике кафедрын туныктышыжо, доцентше, профессоржо (1961 ий гыч). Россий Федерацийысе кӱшыл школын сулло пашаеҥже (1998). Марий АССР шанчын да техникын сулло пашаеҥже (1988). Ленин комсомол премийын (1989), М. Сеспель лӱмеш Чуваш комсомол премийын (1989) да Олык Ипай лӱмеш Марий комсомол премийын (1979), тыгак Марий Эл Республикысе кугыжаныш премийын (1993) лауреатше. Соросын доцентше, Российысе пӱртӱс шанче академийын йыжыҥъеҥ-корреспондентше (1994).

Илыш корныжо

1935 ий 23 июньышто кызытсе Чувашийын Вурнар район Вурнары селаште чодыра йӧнозанлык пашаеҥын ешыштыже шочын[1][2][3][4].

1959 ийыште Юл кундем чодыратехнике институтым, 1971 ийыште ― тиде институт пелен аспирантурым тунем пытарен[1][2][5].

Паша корныжо 1959 ийыште кугурак инженер должность гыч тӱҥалын, вара Марий АССР Верысе йӧнозанлык министерствын Конструктор-технике бюрожын конструктор тӱшкажым вуйлатен[4][5].

1961 ий гыч ― изирак шанче пашаеҥ, туныктышо, доцент, 1993 ий гыч ― Юл кундем чодыратехнике институтын (кызыт ― Юл кундем кугыжаныш технологический университет) машина ужаш да теорий механике кафедрын профессоржо[1][2][4][5].

Шанче-педагогике пашаже

Экологий лӱдыкшыдымылыкан, чыла вере коштын кертше (вездеход), юж дене кусараш лийме да пеш изи темдышан (давлениян) шине дене ыштыме транспорт машина-влакым шонен лукшо специалист семын палыме[1][2][4][5].

1971 ийыште «Пушеҥге рӱдылам укшышт дене пырля пакет деч ойырымо процесс историй» теме дене кандидатлык диссертацийым арален[6].

2001 ийыште «Юж нагрузкан, уда корнышто коштын кертше экологически лӱдыкшыдымылык транспортым ыштымаш» теме дене докторлык диссертацийым арален. Технике шанче доктор (2001)[1][2][4][5].

70 шанче пашан авторжо[1][2].

13 изобретенийлан авторский свидетельствыже уло[1][2][7][8].

Российысе пӱртӱс шанче академийын (РАЕН) Касвел-Сибирь пӧлкажын йыжыҥъеҥ-корреспондентше (1994), Россий Федерацийысе Технологий шанче академийын Кӱшыл-Юлсер пӧлкажын Йодыш (проблеме) каҥашын йыжыҥъеҥже. Тудлан Тӱнямбалысе сорос туныктымо программын точный шанче шотышто (ISSEP) черетан конкурсым иктешлымеке, «Сорос доцент» чаплӱмым пуымо[4][5][9].

1988 ийыште тудо Марий АССР шанчын да техникын сулло пашаеҥже лийын. Сай шанче пашажлан 1998 ийыште тудлан «Россий Федерацийысе кӱшыл школын сулло пашаеҥже» чаплӱмым пуымо. Марий Элысе да Чувашийысе кугыжаныш премий-влак дене, тӱрлӧ медаль да чапкагаз дене суапландаралтын[1][2][4][5].

Тӱҥ шанче пашаже-влак

С. Ф. Киркинын тӱҥ шанче пашаже-влак списке[10][11]:

  • Киркин С. Ф. Исследование процесса отделения древесных стволов с кроной от пакета: автореф. дис. на соискание учен. степени канд. техн. наук: специальность № 420 (машины, механизмы и технология лесоразработок, лесозаготовок и лесного хоз-ва) / Марийский политехн. ин-т; науч. руководитель Ю. Н. Венценосцев. ― Йошкар-Ола: МарГТУ, 1971. ― 33 с.: ил. — Б. ц.
  • Киркин С. Ф. Создание комплекса экологически безопасных внедорожных транспортных средств с воздушной разгрузкой: диссертация … доктора технических наук: 03.00.16. ― Йошкар-Ола, 2001. ― 402 с.: ил.

Чаплӱмжӧ

  • Россий Федерацийысе кӱшыл школын сулло пашаеҥже (1998 ий 14 октябрь)[12][2] ― шанче пашаште суаплан[13]
  • Марий АССР-ысе шанчын да техникын сулло пашаеҥже (1988)[1][2]
  • Ленин комсомол премий (1989)[1][2]
  • М. Сеспель лӱмеш Чуваш комсомол премий (1989)[4]
  • Марий Эл Республикысе Кугыжаныш премий (1993)[1][2]
  • Олык Ипай лӱмеш Марий комсомол премий (1979)[1][2]
  • «Пашаште ойыртемалтмылан» медаль (1976)[1]
  • ВДНХ-ан ший медальже (кок гана)[1][2]
  • ВДНХ-ан той медальже[1][2]
  • Марий Эл Республикын Чапкагазше (2002)[1]

Палемдымаш

  1. ↑ 1 2 3 4 5 6 7 8 9 10 11 12 13 14 15 16 Мочаев, 2017, с. 200.
  2. ↑ 1 2 3 4 5 6 7 8 9 10 11 12 13 14 15 Энциклопедия Республики Марий Эл, 2009, с. 427.
  3. ↑ Внесли огромный вклад в развитие лесного хозяйства. vurnari.bezformata.com. Тергыме кече: 18 ага 2025.
  4. ↑ 1 2 3 4 5 6 7 8 Чувашская энциклопедия. chuvenc.ru. Тергыме кече: 18 ага 2025.
  5. ↑ 1 2 3 4 5 6 7 Киркин Станислав Федорович - Биография. www.biografija.ru. Тергыме кече: 18 ага 2025.
  6. ↑ Киркин, С. Ф. Исследование процесса отделения древесных стволов с кроной от пакета: (420): Автореф. дис. на соискание учен. степени канд. техн. наук / Марийск. политехн. ин-т им. М. Горького. - Йошкар-Ола, 1971. - 34 с. с илл.; 1 л. схем (неопр.). e-catalog.nlb.by (1971). Тергыме кече: 18 ага 2025.
  7. ↑ RU2744876C1 - СПОСОБ ОБУЧЕНИЯ - Яндекс.Патенты. yandex.ru. Тергыме кече: 18 ага 2025.
  8. ↑ КИРКИН СТАНИСЛАВ ФЕДОРОВИЧ изобретатель и автор патентов - PatentDB.ru (руш.). patentdb.ru. Тергыме кече: 18 ага 2025.
  9. ↑ СПИСОК СОРОСОВСКИХ ДОЦЕНТОВ -. pereplet.ru. Тергыме кече: 18 ага 2025.
  10. ↑ Киркин, Станислав Федорович - Создание комплекса экологически безопасных внедорожных транспортных средств с воздушной разгрузкой : диссертация ... доктора технических наук : 03.00.16 - Search RSL (неопр.). search.rsl.ru. Тергыме кече: 18 ага 2025.
  11. ↑ Киркин Станислав Федорович, Поздеев Анатолий Геннадьевич. Методика оценки экологической устойчивости функционирования автодорожной сети агропромышленного комплекса региона // Вестник Поволжского государственного технологического университета. Серия: Лес. Экология. Природопользование. — 2008. — Вып. 2. — С. 72–81. — ISSN 2306-2827.
  12. ↑ Мочаев, 2017, с. 230.
  13. ↑ Киркин Станислав Федорович – Награды России, 1998-10-14. ru.nagrady.by. Тергыме кече: 18 ага 2025.

Литератур

  • Мочаев В. А. Киркин Станислав Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 169―170. — 2032 экз. — ISBN 5-87898-357-0.
  • Гусаров Ю. В. Киркин Станислав Фёдорович // Чувашская энциклопедия. — Чебоксары, 2008. — Т.2 : Ж-Л. — С. 255.
  • Киркин Станислав Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 427. — 872 с. — 3505 экз. — ISBN 978-5-94950-049-1.
  • Иванов В. Работники леса // Ҫӗнтерӳ ҫулӗ (Вӑрнар районӗ). — 2011. — 17 авӑн. — С. 7: сӑн ӳкерчӗк.
  • Киркин Станислав Федорович // Энциклопедия Вурнарского района. — Чебоксары, 2015. — [Т.] 2. — С. 155.
  • Мочаев В. А. Киркин Станислав Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 200. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Киркин,_Станислав_Фёдорович&oldid=1231750" гыч налме