23 теле

←
→
Теле
← →Теле
	2026 ий

23 теле (23 декабрь) — григориан кечышот почеш идалыкын 357-ше (кужемдыме ийлаште — 358-ше) кечыже. Идалык пытыме марте 8 кече кодеш.

Йошкар-Олаште ☀️ Кече 8 шагатат 24 минутлан лектеш, 15 шагатат 12 минутлан шинчеш. Кечын кужытшо 🕒 6 шагатат 47 минут.
🌕 Тичмаш тылзе (13.71 тылзе кече).

Пайрем да шарныктарыше кече-влак

Россий — Россий Федерацийысе мӱндыр авиацийын кечыже (руш. День дальней авиации ВВС Российской Федерации).
Айдеме волгыдын кечыже (руш. Праздник человеческого света).
Еш вожын кечыже (руш. День семейных корней).
Лум суксын кечыже (руш. День снежных ангелов).

Лӱмгече

Эртынчык-влак

Тугак ончо: Категорий:Теле тылзын 23 кечысе событий-влак

Шочыныт

Тугак ончо: Категорий:Теле тылзын 23 кечынже шочшо-влак

1887 — Степан Иванович Анников, марий совет шанче пашаеҥ. Марий-влак кокла гыч икымше инженер, технике шанче кандидат (1949). РСФСР шанчын сулло пашаеҥже (1958), Марий АССР шанчын да техникын сулло пашаеҥже (1947). Икымше тӱнямбал сарын салтакше. Марий облисполкомын йыжыҥъеҥже (1929—1934).
1900 — Степан Алексеевич Коробов, совет шанчызе, эртымгорным шымлыше, историй шанче кандидат, доцент.
1906 — Пётр Александрович Бабин, совет сарзе пашаеҥ. Кугу Ачамланде сарын участникше, подполковник. Ленин орденын кавалерже.
1914 — Пётр Михайлович Хлыбов, совет туныктыш пашаеҥ, туныктышо. Марий АССР-ын просвещений министрже (1954―1963), Н. К. Крупская лӱмеш Марий педагогике институтын проректоржо (1963—1974), РСФСР педагогике ушемысе марий пӧлкан председательже (1966—1975). РСФСР школын сулло туныктышыжо (1960). Кугу Ачамланде сарын салтакше.
1920 — Павел Никифоров, курыкмарий серызе, 1941–1945 ийласе Кугу Ачамланде сарын участникше.
1933 — Иван Горный, курыкмарий серызе, поэт, журналист, кусарыше, Совет Ушем серызе-влак ушемын йыжыҥъеҥже (1984), Марий АССР-ысе тӱвыран сулло пашаеҥже (1976), РСФСР-ысе тӱвыран сулло пашаеҥже (1980), Марий Эл Республикын калык поэтше (2003).
1933 — Алексей Васильевич Тимофеев, марий серызе, журналист, Марий АССР-ысе тӱвыран сулло пашаеҥже (1979), РСФСР-ысе тӱвыран сулло пашаеҥже (1983).
1972 — Надежда Ивановна Васканова, мурызо, Марий Эл Республикысе тӱвыран сулло пашаеҥже (2013).
1974 — Ирина Вильевна Степанова, журналист. Шкеже тудо Пошкырт кундем Мишкан район гыч. Кÿшыл шинчымашым Марий кугыжаныш университетыште налын. 1997-ше ий гыч Ирина Вильевна «Кугарня» газет редакцийыште тырша, тӱҥ редактор.

Коленыт

Тугак ончо: Категорий:Теле тылзын 23 кечынже колышо-влак

1941 — Василий Алексеевич Богородицкий, руш да совет лингвист, озаҥысе лингвистике школын ик негызлышыже.

Калык пале

Ош пыл-влак икмыняр кече почела кечат — вашке кылмыкта.