Богородицкий, Василий Алексеевич

Василий Алексеевич Богородицкий
Шочмо кече	7 (19) вӱдшор 1857
Шочмо вер	Чарла, Озаҥ губерний, Россий империй
Колымо кече	23 теле 1941(1941-12-23) (84 ий)
Колымо вер	Озаҥ, СССР
Эл	Россий империй  СССР
Шанче алан	лингвистике, тюркологий
Паша вер	Императорысо Озаҥысе университет[d]
Образований	Императорысо Озаҥысе университет[d]
Шанче степень	филологий шанче доктор[d]
Шанче званий	СССР Шанче академийын йыжыҥъеҥ-корреспондентше
Шанче вуйлатыше	И. А. Бодуэн де Куртенэ
Тунемшыже-влак	М. А. Фазлуллин П. Я. Черных
Награде ден премий-влак	Паша Йошкар Тисте орден

Васи́лий Алексе́евич Богоро́дицкий (7 [19] вӱдшор 1857, Чарла, Озаҥ губерний, Россий империй — 23 теле 1941, Озаҥ, СССР) — руш да совет лингвист, озаҥысе лингвистике школын ик негызлышыже. Филологий шанче доктор (1888), ординарный профессор (1893), Санкт-Петербургысо шанче академийын йыжъеҥ-корреспондентше (1915), Париж лингвистике ушемын йыжъеҥже (1905); СССР Шанче академийын йыжъеҥ-корреспондентше (1925). РСФСР шанчын сулло пашаеҥже (1930).

Илыш корно

1857 ий 7 (19) апрельыште Чарла олаште (кызыт — Йошкар-Ола) священникын ешыштыже шочын.

1868 ий гыч Озаҥысе гимназийыште, 1876—1880 ийлаште — Озаҥ университетын историй-филологий факультетыштыже тунемын. Университетым тунем пытарымеке, профессор званийлан ямдылалташ манын, йылмышанче дене тудым профессор стипендиат семын коденыт. Тидын годымак 1881 гыч 1884 ий марте Озаҥысе татар туныктышо-влакын школыштышт туныктен. 1881 ий 22 июньышто таҥастарыме (сравнительный) йылмышанчын приват-доцентшылан пеҥгыдемдыме; классик йылме-влакын таҥастарыме грамматикыштым да руш фонетикым лудын.

1884 ийыште И. А. Бодуэн де Куртенэн вуйлатымышт почеш ямдылыме «Пӱтынь руш йылмыште ударенийдыме гласный-влак» («Гласные без ударения в общерусском языке») теме дене магистр диссертацийым арален. Магистр степеньыште пеҥгыдемдымеке, 1884 ий 29 майыште индо-европейский йылме-влакын таҥастарыме грамматикыштын доцентшылан сайлалтын. Но 4 октябрьыштак, у университет уставым пуртымо годым, штат деч ӧрдыжтӧ коденыт. 1886 ий 28 март гыч (Н. В. Крушевский профессорым паша гыч кораҥдыме деч вара) Богородицкийлан санскритым да таҥастарыме грамматикым лудаш ӱшанен пуымо.

1888 ийыште «Руш йылме грамматике курс. 1-ше ужаш: Фонетике» теме дене («Курс грамматики русского языка. Ч. 1: Фонетика») доктор диссертацийым арален да 1888 ий 1 июльышто экстраординарный профессорлан пеҥгыдемдыме; 1893 ий 29 июнь гыч — ординарный профессор, варажым — сулло профессор.

Октябрь революций марте В. А. Богородицкий тыгак Озаҥысе Кӱшыл ӱдырамаш курс-влакын ик профессоржо лийын. Тушто таҥастарыме йылмышанчым туныктен.

1884 ийыште Озаҥ университет пелен Российыште эксперимент фонетике дене икымше лабораторийым (тӱняште ик эн ончыч) ыштен, йоҥгалтше ойын физиологий гына огыл, акустике характеристикыжым шымлыме кӱлешлык нергенат шонымашым луктын да негызлен («Эксперимент-фонетике данный-влак дене кылдалтше пӱтынь руш каласымашын физиологийжын опытшо» («Опыт физиологии общерусского произношения в связи с экспериментально-фонетическими данными»), 1909; «Эксперимент фонетике курс» («Курс экспериментальной фонетики»), 1-3 выпуск-влак, 1917—1922).

1905 ийыште ӱмыржӧ мучкылан Париж лингвистике ушемын йыжъеҥжлан сайлалтын.

1911 ий 1 январь гыч чынле статский ойпуышо чиныште лийын. 3-шо степенян (1914) да 4-ше степенян (1907) Шнуй Владимир, 2-шо степенян Шнуй Анна (1901), 2-шо степенян Шнуй Станислав (1896) орден-влак дене суапландаралтын.

1915 ийыште Санкт-Петербургысо шанче академийын йыжъеҥ-корреспондентше лийын.

1917 ийысе революций деч вара В. А. Богородицкий Озаҥысе педагогике институтышто туныктен: 1922 ий гыч профессор. 1925 ий гыч — СССР Шанче академийын йыжъеҥ-корреспондентше. 1927 ийыште 70 ийым темымыже да эксперимент фонетикым ямдылымаште кугу суапшылан кӧра РСФСР Наркомпрос Озаҥысе эксперимент фонетике кабинетлан тудым ыштышын да эреак вуйлатышыжын — профессор Богородицкийын — лӱмжым пуэн. 1940 ийыште Паша Йошкар Тисте орден дене суапландаралтын. РСФСР шанчын сулло пашаеҥже лӱмым сулен (1930).

1941 ий 23 декабрьыште колен. Озаҥыште Арча шӱгарлаште еш шӱгарыште тоеныт. В. А. Богородицкийын шӱгарже регион ыҥан тӱвыра поянлык объектлан шотлалтеш да республикысе Шарнымаш тойымаш-влакын реестрышкышт пуртымо.

Шанче да педагогике паша

Руш, суас да моло йылмын эксперимент фонетикышт аланыште шымлымаш-влак деч посна, кудышт дене Богородицкий тӱняште ик эн ончыч пашам ышташ тӱҥалын, тудын кид йымач XX курым тӱҥалтыште кумдан палыме да шуко гана уэш савыкталтше «Руш грамматикын тӱҥ курсшо» («Общий курс русской грамматики») (1904; 5 савыктыш), «Тӱҥ йылмышанче почеш лекций-влак» («Лекции по общему языковедению») (1907) да моло тунемме книга лектын. Нуно младограмматик концепций-влакым каласкалыме дене пырля, йылме вашталтыш-влакын пӱртӱсыштлан, мут структурым анализироватлымашлан да молыланат пӧлеклалтше посна шкешотан положений-влак улыт.

Йылме процесс-влакын психике могырыштым рашемдымашлан Богородицкийын теве могай пашаже-влак пӧлеклалтыныт: «Морфологий абсорбций нерген» («О морфологической абсорбции») да «Ой психологий почеш этюд» («Этюд по психологии речи») («Русский филологический вестник», VI да VIII т., 1881 да 1882). Богородицкий «Индоевропейский йылме-влакын таҥастарыме грамматикын курсшо» («Курс сравнительной грамматики индоевропейских языков») («Озаҥ университетын шанче возымашыже-влак», 1890 ий гыч) пашам тӱҥалын — Российыште тыгай сынан икымше паша.

В. А. Богородицкий кызытсе жапыштат кучылталтше да диахроний морфологийлан шотлалтше «уэш шеледымаш» («переразложение») да «куштылемдымаш» («опрощение») термин-влакын авторжо улеш. Тудо йыжыҥан предложений нерген туныктымашым икоян семын ыштен. Тушто предикатив ужаш-влак «пырля гына ик тичмашым ыштат», тыгак сложноподчинённый предложений-влакын семантике классификацийыштым ямдылен.

Богородицкий ик эн ончыч суас йылмым эксперимент-фонетике могырым шымлаш тӱҥалын. Тудын шуко ияш тюркологий пашажын лектышыже семын «Тюрк-татар йылмышанчыш пурымаш» («Введение в тюрко-татарское языкознание») (1922, 1-ше ужаш), «Татар да тюрк йылмышанче почеш этюд-влак» («Этюды по татарскому и тюркскому языкознанию») (1933), «Моло тюрк йылме-влак дене кылдалтше татар йылмышанчыш пурымаш» («Введение в татарское языкознание в связи с другими тюркскими языками») (1934) паша-влак лектыныт. «Татар йылмышанчын шанче задачыже-влак нерген (ТатССР-ын XV ийжылан)» («О научных задачах татарского языкознания (к XV-летию ТатССР)») (Озаҥ, 1935) брошюрышто тудо татар лингвист-влаклан задаче комплексым рашемден: тичмаш таҥастарыме грамматикым, шанче мутер-влакым (умылтарыме, диалектологий, этимологий, терминологий) чумырымаш, диалектологий материалым погымаш, татар литератур йылмын историйжым ыштымаш да этнолингвистикым вияҥдымаш. Шанчызе палемден: «шанче паша школын йодмашыже-влак деч ӧрдыжтӧ лийшаш огыл», да суас-влаклан руш йылмым тунеммашым фонетике гыч — суас йылмыште уке улшо йӱк да йӱк ушнымаш-влак гыч — тӱҥалаш темлен, ударенийлан посна тӱткышым ойырен.

В. А. Богородицкийын тунемшыжлан да тудын пашажым шуйышылан шкенжым татар шанчызе-тюрколог Г. Х. Ахатов шотлен.

Библиографий

В. А. Богородицкий — тӱҥ да таҥастарыме йылмышанче, диалектологий, руш йылме грамматике, роман-герман филологий да моло почеш 160 утла шанче пашан авторжо. Нунын коклаште:

• Введение в изучение русского вокализма. Вып. 1-2. — Варшава: В тип. М. Земкевича и В. Ноаковского, 1882—1883.;
• Курс грамматики русского языка. Ч. 1. Фонетика. — Варшава: В тип. Михаила Земкевича, 1887. — 317 с.;
• Церковнославянские элементы в современном литературном и народном русском языке. Ч. 1. С. Булича. С.-Петербург, 1893 г. (Отзыв в Ист.-филол. фак.) // . — Казань: типо-лит. Имп. ун-та, 1894. — 11 с.;
• Из чтений по сравнительной грамматике индоевропейских языков. Вып. 1. — Варшава: тип. Варшавск. учеб. окр., 1895. — 53 с.;
• Из чтений по сравнительной грамматике индоевропейских языков. Вып. 2. — Варшава: Тип. Варшавск. учеб. окр., 1895. — 33 с.;
• Общий курс русской грамматики (Из унив. чтений). — Казань: типо-лит. Имп. ун-та, 1904. — 211, [2] л. ил., табл. с.;
• Общий курс русской грамматики. — 4-е изд., доп.. — Казань: Типо-лит. Имп. ун-та, 1913. — VI, 552, [1] с., [5] л. ил., табл. с.;
• Общий курс русской грамматики. — 5-е изд., перераб.. — Москва; Ленинград: Соцэкгиз, 1935. — 4, 354, 2 с., 4 вкл. л. ил., табл. с. — (Труды по грамматике русского языка).;
• Очерки по языковедению и русскому языку: Пособие при изуч. науки о языке. — 2-е изд., испр. и знач. доп.. — Казань: типо-лит. Имп. Казан. ун-та, 1909. — IV, 460 с., [3] л. табл. с.;
• Лекции по общему языковедению. — Казань: типо-лит. Имп. ун-та, 1911. — IV, 246, [1] с., [2] л. ил., табл. с.;
• Краткий очерк сравнительной грамматики ариоевропейских языков. — Изд. 2-е, испр. и знач. доп.. — Казань: Типо-лит. Ун-та, 1917. — [2], IV, 207 с. с.;
• Курс экспериментальной фонетики применительно к литературному русскому произношению (с рисунками в тексте). Вып. 1: Введение. Сторона анатомо-физиологическая в произношении и способы экспериментальнаго изучения ея. — Казань: Типо-лит. Ун-та, 1917. — 74 с. с.;
• Курс экспериментальной фонетики применительно к литературному русскому произношению. Вып. 2: Методология и техника экспериментально-фонетических исследований физиологического типа. — Казань: Гос. изд-во ТССР, 1922. — 50, [2] с., [1] л. ил. с.;
• Курс экспериментальной фонетики применительно к литературному русскому произношению. Вып. 3: Физико-акустическая сторона произношения. — Казань, 1922. — 71, [1] с. с.
• Русская грамматика: пособие для педагогических классов и при самообразовании. — Казань: Типо-литогр. ун-та, 1918. — 329 с. с.;
• Введение в тюрко-татарское языкознание. Ч. 1. (Общая): о природе языка; физиология и психология речи; типы языков. — Казань: Гос. изд-во ТССР, 1922. — 58 с. с.;
• Законы сингармонизма в тюркских языках. — Казань: 1-я гостип. «Красный печатник», 1927.;
• Введение в татарское языкознание. — Казань, 1934.;
• О научных задачах татарского языкознания. — Казань: Татгосиздат. Сектор учеб.-педагог. лит-ры, 1935. — 15 с. с.;
• Некоторые вопросы синтаксиса, морфологии и семасиологии в применении к русскому языку : (Из чтений на учит. курсах в Казани в авг. 1915 г.) // Журнал министерства народного просвещения : журнал. — 1915. — № 12. — С. 179—199..

Суаптар-влак

• II степенян Шнуй Станислав орден (1896);
• II степенян Шнуй Анна орден (1901);
• IV степенян Шнуй Владимир орден (1907);
• III степенян Шнуй Владимир орден (1914);
• Паша Йошкар Тисте орден (1940).

Адрес-влак

Озаҥыште:

• Пушкин урем, Курбатовын пӧртшӧ.

Палемдымаш

Литератур

• Богородицкий Василий Алексеевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.;
• Богородицкий Василий Алексеевич / Васюкова И. А. // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.;
• Богородицкий, Василий Алексеевич // Биографический словарь профессоров и преподавателей Императорского Казанского университета : За сто лет (1804-1904) : В 2 ч. / Под ред. заслуж. орд. проф. Н. П. Загоскина. — Казань: типо-лит. Имп. ун-та, 1904. — Т. 1. — С. 36—38.;
• Кузнецов П. С. Василий Алексеевич Богородицкий (1857—1941) // Труды института языкознания АН СССР : журнал. — 1953. — Т. II. — С. 254—256.;
• Андрамонова Н. А., Байрамова Л. К. Василий Алексеевич Богородицкий (1857—1941). — Казань: Изд-во Казанск. ун-та, 2002. — ISBN 5-7464-0698-8.;
• Богородицкий Василий Алексеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 250. — 872 с. — 3505 экз. — ISBN 978-5-94950-049-1.;
• Айплатов Г. Н., Акшиков А. Г., Сануков К. Н. Богородицкий Василий Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 59. — 606 с. — 1500 экз. — ISBN 978-5-905314-35-3.;
• Бондарь, Лариса Дмитриевна. Богородицкий Василий Алексеевич // Ученые — фондообразователи Санкт-Петербургского филиала Архива Российской академии наук : Краткий биографический справочник : А—В / науч. ред. и сост. Е. Ю. Басаргина, И. В. Тункина. — СПб. : Реноме, 2018. — С. 81—84. — 196 с. — (Ad fontes. Материалы и исследования по истории науки ; т. 13). — ISBN 978-5-00125-105-7. — doi:10.25990/bcxy-wr05..

Кылвер-влак

• Материалы о В. А. Богородицком на сайте Казанского университета