Зенкин, Анатолий Александрович

Анатолий Александрович Зенкин
Анатолий Александрович Зенкин
Марий Эл деч Россий Федерацийын Федерал Погын пеленысе Федераций Каҥашын йыжыҥъеҥже
	1994 ий 11 январь — 1996 ий 23 январь
Марий АССР-ын тӱвыра министрже
	1974 — 1982
Шочын	18 шорыкйол 1939; Шӱргысола[d], Звенигово район, Марий Автоном Совет Социализм Республик, РСФСР[d], СССР;
Колен	19 шыжа 2000 (61 ий); Йошкар-Ола, Марий Эл Республик, Россий;
Партий	КПСС
Шинчымаш	КПСС ЦК пеленысе Мер шанче академий
Шанче степень	историй шанче кандидат (1973)
Награде	Пашан ветеранже[d] МАССР Кӱшыл Каҥаш Президиумын Чапкагазше[d] (1981, 1989) Марий Эл Республик тӱвыран сулло пашаеҥже (1995)

Анато́лий Алекса́ндрович Зе́нкин (18 шорыкйол 1939, Шӱргысола^[d], Звенигово район, Марий Автоном Совет Социализм Республик, РСФСР^[d], СССР — 19 шыжа 2000, Йошкар-Ола, Марий Эл Республик, Россий) — совет да российысе кугыжаныш пашаеҥ. Марий АССР-ын тӱвыра министрже (1974—1982). Марий Эл Республикысе Кӱшыл Каҥаш Председательын икымше алмаштышыже (1990—1993). Россий Федерацийын Федерал Погын пеленысе Федераций Каҥашын йыжыҥъеҥже (1994—1996).

Илыш корныжо

1939 ий 18 январьыште Марий АССР-ысе Звенигово район Шӱргысола (Лесная Первая) ялеш шочын. Калык шот дене — марий^[1].

Школым тунем пытарымеке, Морко район Октябрьский посёлкысо Марий чодыра технике училищыште тунемын. Кӱшыл шинчымашым заочнын КПСС ЦК пеленысе кӱшыл партий школышто налын.

КПСС ЦК пеленысе Мер шанче академийын (руш.) (мар. аспирантурыжым тунем пытарен^[1]. 1973 ийыште историй шанче кандидат лӱмпалым налаш диссертацийым сайын арален.

Совет Армий радамыште служитлен. Шапашыш лекмеке, Ленин лӱмеш колхозышто, вара Марий АССР-ын Звенигово районысо Эсмекпляк ялсовет исполкомышто тӱрлӧ должностьышто, тыгодымак исполком председательлан пашам ыштен.

Партий да кугыжаныш пашаште тыршен^[2]. 1974 ий октябрь гыч 1982 ий июнь марте Марий АССР-ысе Тӱвыра министерствым вуйлатен. 1984—1986 ийлаште — МарНИИ-н директоржо.

1990 ийыште республикын калык депутатшылан сайлалтын, Марий АССР Кӱшыл Каҥаш (руш.) (мар. Председательын (вара — Марий Эл Республикын) икымше алмаштышыже лийын.

2000 ий 19 октябрьыште илыш дене чеверласен^[2].

Политике пашаже

1993 ий декабрьыште 12-шо №-ан кок мандатан сайлыме округышто Россий Федерацийын Федерал Погыныштыжо Федераций Каҥашын I созывысе депутатшылан сайлалтын.

1994 ий январь гыч 1996 ий январь марте — Федераций Каҥашын йыжыҥъеҥже. 1994 ий февраль гыч Федераций Каҥашын Шанче, тӱвыра да туныктымаш йодыш шотышто комитетын секретарьже лийын^[3].

Чаплӱм ден суаптар-влак

«Пашаште ойыртемалтмылан» медаль (1966);
Марий АССР Кӱшыл Каҥаш Президиумын Чаптаныкше (1981, 1989);
Марий Эл Республикысе тӱвыран сулло пашаеҥже (1995)^[2];
«Пашан ветеранже» медаль.

Палемдымаш

↑ ¹ ² Зенкин Анатолий Александрович (неопр.). www.labyrinth.ru. Тергыме кече: 11 пургыж 2026.
↑ ¹ ² ³ Марийская биографическая энциклопедия-2, 2017, с. 157.
↑ Зенкин Анатолий Александрович (неопр.). Совет Федерации Федерального Собрания Российской Федерации. Тергыме кече: 11 пургыж 2026.

Литератур

Зенкин Анатолий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 157. — 606 с. — 1500 экз. — ISBN 978-5-905314-35-3.

Кылвер-влак

Зенкин Анатолий Александрович.

[:0-1] ¹ ² Зенкин Анатолий Александрович (неопр.). www.labyrinth.ru. Тергыме кече: 11 пургыж 2026.

[_523cc9ecd44d4633-2] ¹ ² ³ Марийская биографическая энциклопедия-2, 2017, с. 157.

[sf-3] Зенкин Анатолий Александрович (неопр.). Совет Федерации Федерального Собрания Российской Федерации. Тергыме кече: 11 пургыж 2026.

[1]

[2]

[3]