Варгина, Зоя Константиновна

Зоя Константиновна Варгина
Зоя Константиновна Варгина
Молдова ССР-ысе Министр-влак Каҥашын Чодыра озанлык кугыжаныш комитетын председательже
	1966 — 1975
Шочын	18 шорыкйол 1918; Половинно-Овражские[d], Яраҥ уезд, Виче губерний, РСФСР[d];
Колен	24 ага 2009 (91 ий); Кишинёв, Молдова;
Шинчымаш	Юл кундемысе кугыжаныш технологий университет (1942);
Профессий	чодыра озанлык инженер

Зоя Константиновна Варгина (18 шорыкйол 1918, Половинно-Овражские^[d], Виче губерний — 24 ага 2009, Кишинёв) — 1961—1966 ийлаште Молдова ССР-ысе Министр-влак Каҥаш пеленысе Чодыра озанлык да пӱртӱсым аралыме тӱҥ виктемын начальникше, 1966—1975 ийлаште — Молдова ССР-ысе Министр-влак Каҥашын Чодыра озанлык кугыжаныш комитетын председательже. Тудо жаплан чодыра озанлык аланыште вуйлатыше, республикысе виктерын йыжыҥъеҥже лийше ик ӱдырамаш гына.

Илыш корныжо

1918 ий 18 январьыште Половинно-Овражское ялеш (кызыт — Киров областьысе Яраҥ районышто) шочын^[1].

1942 ийыште чодыра озанлык инженер специальность дене Юл кундемысе чодыра технике институтым тунем лектын да тудым Марий АССР-ысе Оршанке лесхозын лесничий должностьышкыжо шогалтыме. Лесничестве фронтлан заказ-влакым шуктен: ечылан, винтовко-влаклан ложе-шамычым ямдыленыт.

Сар деч вара Молдавийыш куснен. Молдова ССР-ысе Министр-влак Каҥашын аппаратыштыже старший референт должностьышто пашам ыштен. 1961 ийыште — Молдова ССР-ысе Министр-влак Каҥаш пеленысе Чодыра озанлык да пӱртӱсым аралыме тӱҥ виктемын начальникше. 1966—1975 ийлаште — Молдова ССР-ысе Министр-влак Каҥашын Чодыра озанлык кугыжаныш комитетын председательже^[1].

2009 ий 24 майыште Молдова Республикысе Кишинёв олаште колен^[1].

Суап

Отрасльым вуйлатыме жапыште 109,8 тӱжем гектар чодырам шынденыт. Ончыч чодырадыме изи продуктан мландыште, ялозанлык кучылтмашлан йӧрдымӧ (86,5 тӱжем гектар), шындыме чодыра-влак вӱд эрозий дене мландым шалатымым чареныт, республикысе кумыдыкын чодыра улмыжым кумшо ужаш деч утлалан кугемдаш йӧным пуэныт.
Карпиненский, Комратский, Ниспоренский, Теленештский да Унгенский чодыра мелиораций станций-влакын, «Кодры» кугыжаныш заповедникын комплексыштым чоҥымо.
Кишинёв да Бельцы ола-влакын мландылаштышт чодыра парк насаждений-влакым ышташлан Кишинёвский да Бельцкий лесхоз-влакым ыштыме.
Кугыжаныш чодыра фондышто пӱртӱс-заповедник фондын кумдыкшо 2 пачаш утлалан кугемын да 32 тӱжем гектарыш шуын, а ола-влакын да моло илем-шамычын ужар зонысо чодыра-влакын кумдыкышт — 3 пачаш гайрак да 102 тӱжем гектарыш шуын, нунын кокла гыч кумшо ужашыже (34 тӱжем гектар) чодыра парклан шотлалтеш.
Республикын кугыжаныш чодыра фондыштыжо 6,6 тӱжем гектар кумдыкышто сад семын грецкий манме пӱкшын насажденийжым ыштыме, а колхоз ден совхоз-влакын пасулаштышт 12 тӱжем гектар утла пасум аралыше аллей сынан чодыра полоса-влакым шындыме, нуно кӱкшӧ качестван товарный саскам ямдылашлан негыз улыт.

Суаптар-влак

«Граждан суаплан» медаль (руш.) (мар. (2008 ий 11 февраль) — чодыра озанлыкым вияҥдымаште суаплан, чодыра ресурс-влакым уэш ыштымашке надырлан да чолга мер пашалан^[2];
Паша Йошкар Тисте орден;
«Почёт Тамга» орден.

Палемдымаш

↑ ¹ ² ³ Зоя Константиновна Варгина (руш.). redday.ru. Тергыме кече: 2 теле 2025.
↑ Указ Президента Республики Молдова от 11 февраля 2008 года № 1507/2008 «О награждении госпожи Зои Варгиной медалью «Meritul Civic» (неопр.). Тергыме кече: 2 теле 2025. Архивлыме 22 шыжа 2021 ий.

Кылвер-влак

Когда деревья стали большими.

[:0-1] ¹ ² ³ Зоя Константиновна Варгина (руш.). redday.ru. Тергыме кече: 2 теле 2025.

[2] Указ Президента Республики Молдова от 11 февраля 2008 года № 1507/2008 «О награждении госпожи Зои Варгиной медалью «Meritul Civic» (неопр.). Тергыме кече: 2 теле 2025. Архивлыме 22 шыжа 2021 ий.

[1]

[2]