Кочергина, Елена Еремеевна

Елена Еремеевна Кочергина
Елена Еремеевна Кочергина
Шочмо кече	1928 ий 3 пургыж
Шочмо вер	Олор, Марий автоном область, РСФСР, СССР
Колымо кече	2002 ий 18 шорыкйол (73 ий)
Колымо вер	Олор, Параньга район, Марий Эл, Россий
Гражданлык	СССР,; Россий
Паша сомыл	Йытыным кӱршӧ
Награде да премий	; \|\|

Елена Еремеевна Кочергина (1928 ий 3 февраль, Олор села, Марий автоном область, РСФСР, СССР — 2002 ий 18 январь, Олор, Параньга район, Марий Эл, Россий) — йытыным кӱршӧ, Марий АССР Параньга районысо Палантай лӱмеш колхозышто Марий Турек МТС-ын звеньевойжо. Социалистический Паша Герой (07.03.1960).

Биографий

Елена Еремеевна Кочергина 1928 ий 3 февральыште Марий автоном областьысе Олор селаште шочын. 1935 ийыште Олор шымияш школыш тунемаш каен. Сар тӱҥалме годым тудын ачаже Кочергин Еремей шке кумылын фронтыш каен, Польша чек воктене кредалын. Фронтеш колен.

Пашам шочмо селаштыже 13 ияш гыч тӱҥалын. Школышто сайын тунемын да педагогике училищыш пурен. Но тунеммым мучашлен шуктен огыл, аваже чот черланен да тудын воктенже лияш кӱлын. Шочмо селашкыже пӧртылын да пашам ышташ тӱҥалын. Шке йодмыж почеш йытыным кӱршӧ-влак курсыш колтеныт. Пӧртылмекше, Марий Турек МТС-ыште звеньевойлан пашам ышташ тӱҥалын. Пашаште тӱҥалтыш гычак кугу палдырым ончыктен^[1].

1958 ийыште Кочергинан пашам ыштыме колхозышто 100 гектар йытын кушкын. Чыла тиде кумдыкым пашаче ӱдырамаш, кечылан кум-ныл нормым шуктен, кандаш кече жапыште кӱрын лектын. Вес ийлан тудлан «Республикысе эн сай йытын ончышо» лӱмым пуэныт^[2].

Пеш кугу суаплан да поснак суапле мер пашажлан Социалистический Паша Герой лӱмым пуымо да Ленин орден дене суапландарыме. Тудо Марий АССР гыч тиде кӱкшӧ лӱм дене палемдалтше икымше ӱдырамаш лийын.

1962 ийыште колхозник-влак тудым СССР Кӱшыл Каҥашын 6-шо созывшын депутатшылан сайленыт. Тиде ийынак тудо партийыш пурен.

Чебоксар оласе Чуваш совет-партий школыш тунемаш колтеныт. 1966 ийыште тудым пытарымек, партий Параньга райкомын инструкторжылан шогалтеныт. Но партий пашаште кужугн ыштен огыл, шке ялышкыже неле паша верыш колташ йодын. Шӧр-сату ферме вуйлатышылан шогалтеныт.

Художественный самодеятельностьышто чолга лийын: спектакльлаште тӱрлӧ рольым модын, концертлаште выступатлен.

Шкетынак Владислав эргым ончен куштен, тудо Марий кугыжаныш университетым тунем пытарен да агроном лийын^[3].

2002 ий 18 январьыште колен.

Награде-влак

Социалистический Паша Герой (07.03.1960)
Ленин орден (1960)
Октябрь Революций орден (14.02.1975)
ВДНХ-н той медальже (1954 )
ВДНХ-н ший медальже (1955)
Марий АССР Кӱшыл Каҥаш Президиумын чап грамотшо (1978)

Палемдымаш

↑ Кочергина Елена Еремеевна (руш.). www.warheroes.ru. Тергыме кече: 7 пургыж 2019. Архивлыме 9 пургыж 2019 ий.
↑ Героем Соцтруда стала 8 марта (руш.). www.marpravda.ru. Тергыме кече: 7 пургыж 2019. Архивлыме 9 пургыж 2019 ий.
↑ Жизнь, посвящённая земле | МО "Параньгинский муниципальный район" (руш.). www.paranga.ru. Тергыме кече: 7 пургыж 2019. Архивировано из оригинала 9 пургыж 2019 ий.

Литератур

Кочергина Елена Еремеевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 451. — 872 с. — 3505 экз. — ISBN 978-5-94950-049-1.
Опарина Т. Т. Кочергина Елена Еремеевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 221. — 606 с. — 1500 экз. — ISBN 978-5-905314-35-3.

[1] Кочергина Елена Еремеевна (руш.). www.warheroes.ru. Тергыме кече: 7 пургыж 2019. Архивлыме 9 пургыж 2019 ий.

[2] Героем Соцтруда стала 8 марта (руш.). www.marpravda.ru. Тергыме кече: 7 пургыж 2019. Архивлыме 9 пургыж 2019 ий.

[3] Жизнь, посвящённая земле | МО "Параньгинский муниципальный район" (руш.). www.paranga.ru. Тергыме кече: 7 пургыж 2019. Архивировано из оригинала 9 пургыж 2019 ий.

[1]

[2]

[3]