Шёгрен, Андрей Михайлович

РУВИКИ — эрыкан энциклопедий гыч материал
Андрей Шёгрен
Andreas Johan Sjögren
Anders Johan Sjögren.jpg
Шочмо кече 15 (26) вӱдшор 1794
Шочмо вер
Колымо кече 6 (18) шорыкйол 1855 (60 ий)
Колымо вер
Эл  Россий империй
Шанче алан филологий, этнограф
Паша вер
Шанче степень Санкт-Петербургысо шанче академийын академикше
Палыме финно-угор да самодийский йылме-влакым шымлыше
Логотип РУВИКИ.Медиа РУВИКИ.Медиаште медиафайл-влак

Андре́й Миха́йлович Шёгрен (швед. Andreas Johan Sjögren, 15 [26] вӱдшор 1794, Ийтти[d], Кечывалвел Финляндий[d] — 6 [18] шорыкйол 1855, Санкт-Петербург) — российысе йылмызе, историк, этнограф, путешественник, финно-угроведенийлан негызым пыштыше.

Илыш корно

Тукымвожшо дене финн[1]. Финляндийысе кем ургызын ешыштыже шочын. 1803 ийыште Ловийса школыш тунемаш пурен. Порвоошто гимназийым тунемын пытарымеке, Або университетыште тунемын, тушто «турку романтизм» калык-сотемдарыме толкынышто участвоватлен. 1819 ий июльышто университетым тунемын пытарен.

1821 ий апрельыште Санкт-Петербургыш куснен; Н. П. Румянцев 1823 ийыште тудлан шке книгагудыштыжо книгагудызын паша вержым пуэн.

1827 ий 19 декабрь гыч Россий шанче академийын  (руш.) (мар. йыжъеҥ-корреспондентше, 1829 ий 30 сентябрь гыч историй шотышто адъюнктшо, 1831 ий 9 март гыч руш историй да акрет жап годсо экстраординарный академикше, 1844 ий 5 октябрь гыч Историй-филологий пӧлка (Российысе финн да кавказ калык-влакын филологийышт да этнографийышт) шотышто ординарный академикше.

1820-шо ийлаште Карелийыш экспедиций жапыште карел да вепс йылме-влакым шымлен. 1827—1829 ийлаште Новгород, Вологда, Архангельск, Виче, Озаҥ да Пермь губернийла мучко путешествоватлен. Экспедиций-влак жапыште материал-влакым погымо, нунын негызеш «Император Петербург шанче академийын возымашлаштыже» да моло савыктышлаште зырян, емь, чудь, ингерманландец-влак нерген статья серий-влакым савыктен луктын[2].

1835 ийыште Шёгрен Кавказыш миен, тушто осетин да грузин йылме-влакым шымлен. Путешествийыште лийме лектыш почеш 1844 ийыште тудо руш да немыч йылмыла дене «Осетин-россий да россий-осетин кӱчык мутер дене осетин грамматикым» савыктен. Тиде падеж, жап (временной) формо, глаголын спряженийжым да моло грамматике категорий-влакым рашемдыман осетин йылмын икымше шанче шымлымашыже лийын. Лива йылмын грамматикыже да лива йылме мутерын авторжо. Шёгрен икмыняр вашталтыш дене тачысе кечынат кучылтмо осетин кириллице азбукын авторжылан шотлалтеш. Колымыж марте тичмаш руш-коми мутерым ямдылымым вуйлатен.

Митрофаниевский шӱгарлаште тойымо.

Библиографий

Шёгренын 1821 гыч 1854 ий марте савыктыме чыла паша спискыже «Учёные записки Императорской Академии Наук по I и III отделениям» книгаште савыкталтын, 1855, 569—183 л.

Чаплӱм ден премий-влак

  • Озаҥысе сылнымутым йӧратыше-влак ушемын йыжъеҥже (1828);
  • Финляндийысе экономике ушемын, Германийысе эрвел сылнымут ушемын, Стокгольмысо тошто годсо пагыт ушемын (1847) йыжъеҥже да молат[3].

Шарнымаш

  • Шёгренын лӱмжӧ дене Владикавказыште ик уремым лӱмдымӧ.
Санкт-Петербургышто Академик-влакын пӧртыштышт шарныктыш оҥа
  • Васильевский отросо 7-ше линий, 2/1 пӧрт, А литер адрес дене верланыше Санкт-Петербургысо Академик-влак пӧртын тӱжвал (фасад) пырдыжыштыже руш да финн йылмыла дене возыман мемориал оҥам вераҥдыме: «Тиде пӧртыштӧ 1833 гыч 1855 ий марте российысе академик, Финляндийын да финн-угор калык-влакын историйыштым, йылмыштым да тӱвыраштым шымлыше кугу шанчызе Андреас Иоган Шёгрен илен»[4].

Нумизматикыште

  • 2019 ийыште Кечывалвел Осетийын Калыкле банкше Андрей Михайлович Шёгренын шочмыжлан 225 ий темме лӱмеш 25 зарин номиналан шарнымаш ший оксам луктын[5].

Палемдымаш

  1. ↑ Андреас Шёгрен. Осетинские исследования (руш.). ironau.ru. Тергыме кече: 2 сӱрем 2026.
  2. ↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: «ПетроПресс», 2011. — 384 с.: ил., карт. ISBN 978-5-8430-0127-8 (т. 3) — стр. 281—282
  3. ↑ Шёгрен Андрей (Андреас Иоганн) Михайлович. Биографика. Санкт-Петербургский государственный университет. Тергыме кече: 22 пеледыш 2026.
  4. ↑ Дом академиков, 2016.
  5. ↑ Нацбанк Южной Осетии выпустит два вида памятных монет (руш.). web.archive.org. Тергыме кече: 22 пеледыш 2026.

Литератур

  • Бранч М. Андерс Йохан Шёгрен // Сто замечательных финнов : Калейдоскоп биографий : [арх. 5 шорыкйол 2022] / ред. Т. Вихавайнен; пер. с фин. И. М. Соломеща. — Хельсинки : Общество финской литературы, 2004. — 814 с. — ISBN 951-746-522X. (Сто замечательных финнов)
  • Жуков К. С. Разделы I, II, III // Дом академиков. История и судьбы. — СПб.: Сохраненная культура, 2016. — С. 10—129. — 380 с. — ISBN 78-5-9908957-9-9.
  • Лейнонен М. Письма из Усть-Сысольска в личном архиве А. М. Шёгрена в финской национальной библиотеке // Пермистика 13: Вопросы пермского языкознания Сборник статей на материалах XIII Международного симпозиума. 2012. С. 102—107.
  • Матвеев А. К. А. М. Шёгрен как исследователь субстратной топонимики Русского Севера // Взаимодействие языков: Сб. статей / Учёные записки № 80. Серия филологическая, вып. 8 / Редколл.: Э. Д. Барышникова, Л. В. Доровских, А. К. Матвеев (отв. ред.); Уральский государственный университет имени А. М. Горького, МВ и ССО РСФСР. — Свердловск: УрГУ, 1969. — С. 105—110. — 112 с. — 750 экз. (обл.)
  • Основоположник российского академического кавказоведения академик Андрей Михайлович Шёгрен: Исследование. Тексты / Отв. ред. М. И. Исаев. — М.: ИМЛИ РАН, 2010. — 952 с. — ISBN 978-5-9208-0374-0.
  • Шаскольский И. П. О емской теории Шёгрена и ее последователях. (К статье Д. В. Бубриха «Не достаточно ли емских теорий?»). — Изв. Карело-Фин. филиала АП СССР, 1950, № 1, с. 93—102. — См. также № 32.
  • Шаскольский И. П. Основатель российского финно-угроведения: К 200-летию со дня рождения академика И. А. Шёгрена // Вестн. Рос. акад. наук. — 1994. — Т. 64, № 12. — С. 1128—1133
  • Шегрен, Андрей Михайлович // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
"https://mhr.ruwiki.ru/w/index.php?title=Шёгрен,_Андрей_Михайлович&oldid=1236892" гыч налме