Кнутова, Лидия Ивановна
| Лидия Ивановна Кнутова | |
|---|---|
 | |
| Шочмо кече | 1931 ий 18 шорыкйол (95 ий) |
| Шочмо вер | Парат, Татар АССР, РСФСР, СССР |
| Эл | |
| Паша сомыл | торгайыме пашам вуйлатыше |
| Награде да премий | |
Лидия Ивановна Кнутова (ӱдыр фамилийже — Кураева) (шоч. 18 шорыкйол 1931, Парат, Татар Автоном Совет Социалистик Республик) — совет торгайыме пашан еҥже. Марий АССР-ысе Волжск оласе торгын директоржо (1977—1992). РСФСР торгаймашын сулло пашаеҥже (1989). Марий Элысе Волжск олан Чапланыше гражданинже (2010). Октябрь Революций орденын кавалерже (1985).
Ӱмыргорно
1931 ий 18 январьыште тачысе Татарстан Республикысе Зеленодольск олаште, чодыра озанлыкыште тыршыше, шуко йочшан инженер-фронтовикын ешыштыже шочын[1][2].
1949 ийыште Чебоксарысе торгайыме-кооператив техникумым (отличий дене), 1969 ийыште — Москосо совет торгайыме институтым (заочно) тунем лектын[1][2].
1953 ий гыч — Марий АССР-ысе Волжск оласе торгышто: кугурак инспектор, 1960 ий гыч — директорын алмаштышыже, 1977—1992 ийлаште — директор. 1989 ийыште СССР-ысе изи олалаште шкешотан тӱвыра асулыкым пеҥгыдемден вияҥдымаш торгайыме пашан ончыл опытшым шымлаш, пӱтынь ушемысе семинарым эртараш амалым ыштен[1][2]. Тиде жапыште Волжскыште чапланыше кевыт да икымше кафетерий-влак почылтыныт[3].
1992 ий гыч — «ЛИК» ЗАО-н тӱҥ директоржо[1][2][4]. Тиде торгайыше ушнык Волжск олаште 2023 ий сентябрь марте пашам ыштен[5].
1990—1993 ийлаште Марий АССР-ысе Кӱшыл Каҥашын XII созывысе депутатшылан сайлалтын[6].
1989 ийыште тудлан «РСФСР торгайымашын сулло пашаеҥже» чаплӱмым пуэныт. Октябрь Революций, «Почёт Пале» орден-влак, медаль-влак, да Марий АССР-ысе Кӱшыл Каҥаш Президиумын Чаптаныкше (кок гана) дене палемдалтын[1][2].
Кызыт Марий Элысе Волжск олаште ила[3].
Чаплӱм да суаптар-влак
- РСФСР торгайымашын сулло пашаеҥже (1989)[1][2];
- Марий АССР торгайымашын сулло пашаеҥже (1982)[1][2];
- Марий Элысе Волжск олан Чапланыше гражданинже (2010)[1][2];
- Октябрь Революций орден (1985)[1][2];
- «Почёт Пале» орден (1981)[1][2];
- Марий АССР-ысе Кӱшыл Каҥаш Президиумын Чаптаныкше (1981)[1][2];
- Марий ССР-ысе Кӱшыл Каҥаш Президиумын Чаптаныкше (1991)[1][2].
Палемдымаш
- ↑ 1 2 3 4 5 6 7 8 9 10 11 12 Мочаев, 2017, с. 203.
- ↑ 1 2 3 4 5 6 7 8 9 10 11 12 Энциклопедия Республики Марий Эл, 2009, с. 431.
- ↑ 1 2 Почетный гражданин Волжска отмечает 90-летний юбилей. www.marpravda.ru. Тергыме кече: 28 пургыж 2024.
- ↑ Кнутова Лидия Ивановна - Волжск. www.uceo.ru. Тергыме кече: 28 пургыж 2024.
- ↑ ЗАО "ЛИК", ИНН 1216001270 (руш.). www.list-org.com. Тергыме кече: 28 пургыж 2024.
- ↑ Официальный сайт Госсобрания Республики Марий Эл. old.gsmari.ru. Тергыме кече: 28 пургыж 2024.
Литератур
- Жирнова Л. Г. Кнутова Лидия Ивановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 172. — 2032 экз. — ISBN 5-87898-357-0.
- Кнутова Лидия Ивановна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 431. — 872 с. — 3505 экз. — ISBN 978-5-94950-049-1.
- Жирнова Л. Г., Климов А. В. Кнутова (Кураева) Лидия Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 203. — 606 с. — 1500 экз. — ISBN 978-5-905314-35-3.
- Степанова А. Почётный гражданин Волжска отмечает 90-летний юбилей // Марийская правда. — 2021. — 18 января.