18 сӱрем

← → Сӱрем
Шч Кш Вр Из Кг Шм Рш     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

18 сӱрем (18 июль) — григориан кечышот почеш идалыкын 199-ше (кужемдыме ийлаште — 200-шӧ) кечыже. Идалык пытыме марте 166 кече кодеш.

Йошкар-Олаште ☀️ Кече 3 шагатат 17 минутлан лектеш, 20 шагатат 19 минутлан шинчеш. Кечын кужытшо 🕒 17 шагатат 2 минут.
🌒 Кушшо тылзе (3.37 тылзе кече).

Пайрем да шарныктарыше кече-влак

•  ООН — Нельсон Манделын тӱнямбал кечыже (руш. Международный день Нельсона Манделы).
•  Россий — Россий Федераций элгӧргӧ паша органын озанлык службыжын кечыже (руш. День хозяйственной службы органов внутренних дел Российской Федерации).
• Йӱр йымалне коштмо кече (руш. День прогулок под дождём).
• Колыштмын тӱнямбал кечыже (руш. Всемирный день слушания).

Лӱмгече

• Католик лӱм-влак: Камилл, Симон.
• Православий лӱм-влак: Анна, Арсений, Афанасий, Варвара, Василий, Елизавета, Кирилл, Сергей, Степан, Тихон.

Событий-влак

Тугак ончо: Категорий:Сӱрем тылзын 18 кечысе событий-влак

• 64 ий (Мемнан курым) —Римыште моткоч кугу пожар лийын.
• 1985 ий — ТЕТРИС модышым ыштен луктыныт.

Шочыныт

Тугак ончо: Категорий:Сӱрем тылзын 18 кечынже шочшо-влак

• 1916 ий — Серафим Евсеевич Бахтин, совет сарзе пашаеҥ. Кугу Ачамланде сар жапыште — 1-ше Белорус фронтышто 33-шо армийын Кӱшыл Тӱҥкомандованийын резервшын (РГК-н) 517-ше корпусный пушечный артиллерий полкшын батарей командирже (1943—1945), капитан. Подполковник (1957).

• 1940 ий — Аркадий Богданов (Аркадий Арсентьевич Богданов), марий серызе, поэт, туныктышо, Россий Серызе-влак ушемын йыжыҥъеҥже (2003), Марий Эл Республикысе тӱвыран сулло пашаеҥже (2006).
• 1960 ий — Надежда Васильевна Орлова, администраций да мер пашаеҥ. Паша корныжо Нурма ял администраций дене кылдалтын: тыште тудо вуйлатыше сомылымат шукта. Мер пашаштат кугу пагалымашым сулен: VII-ше Марий Погынын делегатше лийын.
• 1978 ий — Евгений Аркадьевич Веткин туныктышо, баянист. Шернур кундем Веткан ялыште шочын. Тудын паша корныжо Кукнур кыдалаш школ дене кылдалтын: тыште тудо аккомпониатор семынат тырша.

Коленыт

Тугак ончо: Категорий:Сӱрем тылзын 18 кечынже колышо-влак

Калык пале

• Афанасийын кечыже. Ожно тиде кечын йӱд вашеш тылзым эскереныт. Ойленыт: тудо тӱс да кугытшо дене вашталалт модеш.
• Марий калыкат тылзым эскера. Тылзе ава деч кугезына-влак шочшо лийже манын йодын кумалыныт. Ӱдырамаш-влак гын тичмаш тылзе годым мӱшкыран лияш тыршеныт, а у тылзе шочмо годым чыла ешлан да икшывывлан тазалыкым йодыныт. Шочшо у тылзым пурла вачӱмбач ужат гын, толшо тылзын чыла сай лиеш. У тылзым шола вачумбач ужат гын, кумыл волен кереш.
• Йӱд каваште шӱдыр шуко — кечан игечылан.