4 сӱрем

←
→
Сӱрем
← →Сӱрем
	2026 ий

4 сӱрем (4 июль) — григориан кечышот почеш идалыкын 185-ше (кужемдыме ийлаште 186) кечыже. Идалык пытыме марте 180 кече кодеш.

Йошкар-Олаште ☀️ Кече 3 шагатат 0 минутлан лектеш, 20 шагатат 36 минутлан шинчеш. Кечын кужытшо 🕒 17 шагатат 36 минут.
🌖 Катыкем толшо тылзе (18.90 тылзе кече).

Пайрем да шарныктарыше кече-влак

США — США-ан эрык кечыже (руш. День независимости США).
Кантри семын кечыже (руш. День кантри-музыки).
Шере чиен (вишньын) кечыже (руш. День сладкой вишни).
Емыж-саска салатын кечыже (руш. День фруктового салата).

Лӱмгече

Католик лӱм-влак: Берта, Изабелла, Ода (Одо), Ульрих.
Православий лӱм-влак: Алексей, Анастасий, Анастасия, Антоний, Арчил, Афродисий, Василиса, Георгий, Дато, Иван, Иона, Келсий, Луарсаб, Максим, Марионилла, Никита, Николай, Павел, Руф, Терентий, Феодор, Юлиан, Юлий.

Событий-влак

Тугак ончо: Категорий:Сӱрем тылзын 4 кечысе событий-влак

1670 ий — Степан Разинын войскаже Астрахань олам руалтен налыныт.
1776 ий — УАШын независимость нерген декларацийыш кидым пыштыме.

Шочыныт

Тугак ончо: Категорий:Сӱрем тылзын 4 кечынже шочшо-влак

1936 — Геннадий Пирогов (Макартук Геня), марий серызе, поэт, журналист, Россий Серызе-влак ушемын йыжыҥъеҥже (1998).
1937 — Леонид Иванович Матюхин, совет кугыжаныш пашаеҥ. СССР-ын калык депутатше.
1941 — Валерий Борисович Голубев, журналист, шанче да мер пашаеҥ. Йошкар-Олашке 1973-шо ийыште толын да «Марийская правда» газет редакцийыште тыршаш тӱҥалын. 1985-ше ийыште Марий кугыжаныш университетышке куснен, парткомын секретарьже лийын, а вара политологий да философий кафедрын вуйлатышыже. Философий шанче кандидат.
1949 — Наталья Сергеевна Морова, шанче да туныктыш пашаеҥ, Россий Федерацийысе кӱшыл школын сулло пашаеҥже. Козьмодемьянск олаште шочын. Кӱшыл шинчымашым Марий кугыжаныш педагогик институтышто налын да тыштак паша верым муын. 1983-шо ийыште педагогик да психологий факультетын деканже лийын. 100 наре шанче пашан авторжо. Тӱҥ шотышто Наталья Сергеевна йоча инвалид-влак дене кылдалтше йодышым рашемдымаште тыршен. Калык-влак кокласе информатизаций академийын академикше.
1964 — Андрей Иванович Яшин, амалкалче, Марий Эл Республикысе асулымо сферын сулло пашаеҥже. Козьмодемьянск олаште шочын. 1996-шо ий гыч «Яна» ушемын вуйлатышыже.

Коленыт

Тугак ончо: Категорий:Сӱрем тылзын 4 кечынже колышо-влак

1988 — Иван Васильевич Софронов, совет педагог. Марий АССР-ысе Марий Турек кыдалаш школын директоржо, завучшо (1948―1965). РСФСР школын сулло туныктышыжо (1960). Кугу Ачамланде сарын участникше. 1940 ий гыч ВКП(б)-н йыжъеҥже.

Калык пале

Православий календарь почеш таче Юлианын кечыже. Тиде кечын писте пеледышым погат. Тыгак маныныт: кӧ писте пушеҥгылан эҥгекым ышта, мутлан укшыжым тодылеш – тудо кунам-гынат чодыраште йомеш.
Марий калык пистым Шнуй пушеҥгылан шотла. Писте чыла чер деч утлаш полша, маныныт. Сандене Шнуй писте дек кумалаш миеныт, могай-гынат надырым пыштеныт. Южо кундемлаште писте йочам ыштен кертдыме ӱдырамашланат полша, маныныт: тидлан ӱдырамаш йӱдым шнуй верышке мийышаш да чара могыр дене пистыш кӱзышаш улмаш.
Йӱр деч вара кече ончалеш гын, кастене кӱдырчан йӱр лийын кертеш.