29 сӱрем

←
→
Сӱрем
← →Сӱрем
	2026 ий

29 сӱрем (29 июль) — григориан кечышот почеш идалыкын 210-шо (кужемдыме ийлаште — 211) кечыже. Идалык пытыме марте 155 кече кодеш.

Йошкар-Олаште ☀️ Кече 3 шагатат 36 минутлан лектеш, 20 шагатат 0 минутлан шинчеш. Кечын кужытшо 🕒 16 шагатат 24 минут.
🌕 Тичмаш тылзе (14.37 тылзе кече).

Пайрем да шарныктарыше кече-влак

— Тигрын тӱнямбал кечыже (руш. Международный день тигра).
Молдавий — Конституций кече (руш. День Конституции).
Шолаш савырныме кече (руш. День поворачивания налево).
Спиртым лукшо пушеҥгын кечыже (руш. День спиртоносного дерева).
Лазаньин кечыже (руш. День лазаньи).

Лӱмгече

Католик лӱм-влак: Марта, Олаф.
Православий лӱм-влак: Антиох, Афиноген (Анфиноген), Виатор, Иаков, Иоанн, Кассиодор, Кириак, Павел, Пётр, Сенатор,Фавст (Фауст), Алевтина (Алефтина), Валентина, Домината, Иулия (Юлия), Матрона, Хиония (Хиона, Хина).

Эртынчык-влак

Тугак ончо: Категорий:Сӱрем тылзын 29 кечысе событий-влак

1836 ий — Парижыште Шарль де Голль лӱмеш площадьыште Триумфальный аркым почыныт.
1963 ий — Ту-134 самолёт икымше гана южыш нöлталтын.

Шочыныт

Тугак ончо: Категорий:Сӱрем тылзын 29 кечынже шочшо-влак

1924 ий — Вера Ильинична Бояринова, марий серызе, почеламутчо, драматург, СССР серызе-влак ушемын йыжыҥъеҥже (1957), Марий АССР-ысе тӱвыран сулло пашаеҥже (1984).
1924 ий — Борис Иванович Тресцов, чодыра озанлык пашаеҥ. Кугу Ачамланде сар корным эртымек, Юрино посёлкысо чодыра озанлыкын вуйлатышыжлан пашам ышташ тӱҥалын. 15 ий Борис Иванович чодыра озанлык министр лийын. «Марийский лес» да «Труженики леса в Великой Отечественной войне» книга-влакын авторжо. Суапле пашажлан Йошкар Знамя Паша орден да ятыр чап танык дене палемдалтын.
1937 ий — Анатолий Александрович Пушкарёв, совет да российысе ялозанлык пашаеҥ. Марий АССР / Марий Эл Медведево районысо «Марийская» чыве фабрикын («Марийское» ЗАО) директоржо (1985—2009). Марий Эл Республикысе ялозанлыкын сулло пашаеҥже (1997). Марий АССР Кӱшыл Каҥашын 12-шо созыв депутатше (1990—1993), Марий Эл Республикын Кугыжаныш Погынжын 1-ше да 3—5-ше созыв-влакын депутатше (1994—1996, 2000—2009).
1954 ий — Алевтина Сагирова, руш серызе, почеламутчо, журналист, Россий серызе-влак ушемын йыжыҥъеҥже (1998), Марий Эл Республикын сулло журналистше (2005).

Коленыт

Тугак ончо: Категорий:Сӱрем тылзын 29 кечынже колышо-влак

1995 ий — Гани Гадиатов, марий серызе, почеламутчо, кусарыше, журналист.

Калык пале

Йӱр йӱреш гын, погымо шурным арален кодаш неле лиеш.
Афиногенын кечыже. Тиде кечын пасушто тӱред налме олым кылтам идымыш наҥгаеныт. Тудым идалык мучко моло тӱрлö йӱлам шуктымо годым кучылтыныт. Калыкын ойжо почеш: тиде кечын тӱред налме олымым черле вольыклан пукшаш гын, тудо вашке тöрлана.