25 сӱрем
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
25 сӱрем (25 июль) — григориан кечышот почеш идалыкын 206-шо (кужемдыме ийлаште — 207-ше) кечыже. Идалык пытыме марте 159 кече кодеш.
Йошкар-Олаште ☀️ Кече 3 шагатат 28 минутлан лектеш, 20 шагатат 7 минутлан шинчеш. Кечын кужытшо 🕒 16 шагатат 38 минут.
🌔 Ешаралт толшо тылзе (10.37 тылзе кече).
Пайрем да шарныктарыше кече-влак
Россий — Россий Федерацийысе следствий пашаеҥын кечыже (руш. День сотрудника органов следствия Российской Федерации).- Россий — Эҥер полицийын кечыже (руш. День речной полиции)[1].
- Россий — Владимир Высоцкийым шарныме кече (руш. День памяти Владимира Высоцкого).
Белоруссий — Тул ваштареш кучедалше службын кечыже.- Пӱй техникын кечыже (руш. День зубного техника).
- Кулинарын кечыже (руш. День кулинаров).
- Амалдымылыкын кечыже (руш. День беспричинности).
- Системе администраторын кечыже (руш. День системного администратора) — сӱрем тылзын пытартыш кугарнян палемдалтеш.
- Карусельын кечыже (руш. День карусели).
Лӱмгече
- Католик лӱм-влак: Христофор, Яков.
- Православий лӱм-влак: Антон, Арсений, Вероника, Гавриил, Иван, Мария, Михаил, Фёдор.
Эртынчык-влак
Тугак ончо: Категорий:Сӱрем тылзын 25 кечысе событий-влак
Марий тӱняште
- 1954 ий — Марий Тӱрек кундем Косолоп селаште писатель Димитрий Орайлан чапкӱым почыныт.
Тӱня мучко
- 1947 ий — Прага олаште самырык-влакын да студент-влакын икымше тӱнямбал фестивальышт эртен.
Шочыныт
Тугак ончо: Категорий:Сӱрем тылзын 25 кечынже шочшо-влак
- 1926 ий — Илья Яковлевич Яковлев, Морко кундем Курыкйымал ялыште озанлык вуйлатыше, Марий Эл Республикысе ялозанлыкын сулло пашаеҥже. 13 ияш годымжак «Йошкар Патыр» колхозышто счетоводлан пашам ышташ тӱҥалын. 18 ийым темымеке, Кугу Ачамланде сарыш каен. 1956—1987-ше ийлаште «Сталинград/Рассвет» колхозын вуйлатышыже лийын. «Знак Почёта» да Йошкар Знамя Паша орден дене палемдалтын.
- 1928 ий — Геннадий Степанович Патрушев, марий йылмызе, филологий шанче кандидат (1955), доцент (1965). Марий кугыжаныш педагогике институтышто, Ленинградысе кугыжаныш университетын аспирантурыштыжо шинчымашыжым пойдарен. Марий кугыжаныш университетыште тыршен. Марий йылмыште мут ышталтме йодыш-влакым шымлен, «Рушла-марла» мутерын шанче редакторжо. Кызытсе марий йылмын лексикографийже ‒ икымше монографийын ‒ авторжо.
- 1955 ий — Раиса Лукияновна Яшметова, тӱвыра пашаеҥ, Марий Эл Республикысе сымыктышын сулло пашаеҥже. Морко кундемысе Кожлаер ялыште шочын. Шинчымашым Йошкар-Оласе сем училищыште да Озаҥысе консерваторийыште поген. Марий кугыжаныш филармонийын художественный вуйлатышыже лийын, тыгак тӱҥ вуйлатыше сомылым шуктен, музык училищыштат вуйлатыме пашам вӱден. Лач тудын вуйлатымыж почеш «Чолга шӱдыр», «Новое поколение выбирает», «Звёзды над Кокшагой» лӱман фестиваль-влак эртеныт.
- 1961 ий — Владимир Викторович Ермаков, ялозанлык пашаеҥ. Шкеже тудо У Торъял кундем гыч. Паша корныжо шочмо районысо «1 май» колхоз дене кылдалтын. Мер пашаштат Владимир Викторович кугу пагалымашым сулен.
- 1977 ий — Игорь Валерьевич Петухов, российысе шанчызе. Технике шанче доктор (2013), профессор. 2020 ий сентябрь гыч Юл кундемысе кугыжаныш технологий университетын ректоржо. Марий Эл Республикын сулло изобретательже.
Коленыт
Тугак ончо: Категорий:Сӱрем тылзын 25 кечынже колышо-влак
Калык пале
- Мӱкш чот ызга — шокшылан.
- Проклын кечыже. Калык ой почеш, тиде кече деч вара эрдене шолдыра лупс возаш тӱҥалеш. А Прокл кечын вочшо лупс пайдалылан шотлалтын, тудо чыла чер дечат эмла – маныныт.
- Марий-влакат лупсым онченыт. Эрдене лупс вичкыж, йӱр толшашлан. Эрдене лупс шолдыра шырчан гын – оярлан. Йӱдым лупс возеш гын, йӱр вашке ок лий.
- Эрдене чот лупсан да тӱтыран гын, кодшо кеҥеж кукшо да шокшо лийшаш.
Палемдымаш
- ↑ 25 июля — День речной полиции. Тергыме кече: 25 сӱрем 2020. Архивлыме 25 сӱрем 2020 ий.