8 сӱрем

← → Сӱрем
Шч Кш Вр Из Кг Шм Рш     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

8 сӱрем (8 июль) — григориан кечышот почеш идалыкын 189-ше (кужемдыме ийлаште — 190-ше) кечыже. Идалык пытыме марте 176 кече кодеш.

Йошкар-Олаште ☀️ Кече 3 шагатат 4 минутлан лектеш, 20 шагатат 32 минутлан шинчеш. Кечын кужытшо 🕒 17 шагатат 28 минут.
🌗 Пытартыш чырык (22.90 тылзе кече).

Пайрем да шарныктарыше кече-влак

• — Аллергий дене кучедалме тӱнямбал кече (руш. Всемирный день борьбы с аллергией).
•  Россий — Еш, йӧратымаш да ӱшанле улмо кече (руш. День семьи, любви и верности).
• Петр ден Февронийын кечышт (руш. День Петра и Февронии).
• Шылтымым мумо кече (руш. День обнаруженных заначек).
• Сандалык дене кутырымо кече (руш. День общения со Вселенной).
• Шоям чараш лукмын тӱнямбал кечыже (руш. Всемирный день разоблачений).

Лӱмгече

• Католик лӱм-влак: Альжбета, Евгений, Прокоп.
• Православий лӱм-влак: Константин, Леонид, Пётр, Фёдор, Давид.

Эртынчык-влак

Тугак ончо: Категорий:Сӱрем тылзын 8 кечысе событий-влак

Тӱня мучко

• 1944 — «Мать героиня», «Материнская слава» да «Медаль материнства» орден-влакым кучыкташ палемдыме.

Марий тӱняште

• 1992 — Марий АССР-ын конституцийышке ешартышым ыштыме дене регионын лӱмжым Марий Эл Республик семын пеҥгыдемдыме.

Шочыныт

Тугак ончо: Категорий:Сӱрем тылзын 8 кечынже шочшо-влак

• 1920 — Николай Кожаев, марий серызе, поэт, журналист, Марий АССР-ысе тӱвыран сулло пашаеҥже (1976), 1941–1945 ийласе Кугу Ачамланде сарын участникше.
• 1934 — Анатолий Фёдорович Щеклеин, ялозанлык вуйлатыше, Марий Эл Республикын сулло механизаторжо, Россий Федерацийысе ялозанлыкын сулло пашаеҥже. Ончыч шочмо Марий Тӱрек кундемысе ушемлаште пашам ыштен, а 1965-ше ий гыч У Роҥго кундемысе «Алексеевское» ушемыште тыршаш тӱҥалын – 30 ий ты озанлык ушемын вуйлатышыже лийын. «Время конкретных дел» книган авторжо. Марий Эл Республикысе кӱшыл погын кум созывын депутатше лийын. Суапле пашажлан ятыр чап танык да орден дене палемдалтын.
• 1939 — Виктор Павлович Черноусов, механизатор, Россий Федерацийын сулло мелиораторжо. Килемар кундем Кукшары ялыште шочын-кушкын. Паша корныжо районысо «Знамя» да «Марийскмелиорация» ушем-влак дене кылдалтын. Тыште уста пашазе ӱмыржӧ мучко кыртмен тыршен, шке пашаж дене озанлыкым нӧлтен.
• 1939 — Пётр Семёнович Мерзляков, Марий Эл Республикын сулло журналистше, Россий Федерацийысе тӱвыран сулло пашаеҥже. Шкеже Киров вел гыч. Марий Элыш 1976-шо ийыште толын да «Марийская правда» газет редакцийыште пашам ышташ тӱҥалын. 1991-ше ийыште «Сельские вести» газетын тӱҥ редакторжо лийын.
• 1956 — Иван Викторович Логинов, Марий Эл Республикысе ялозанлык да продовольствий министрын алмаштышыже, Марий Эл Республикысе ялозанлыкын сулло пашаеҥже, Россий Федерацийын ялозанлыкынын таумутшо дене палемдалтын.

Коленыт

Тугак ончо: Категорий:Сӱрем тылзын 8 кечынже колышо-влак

• 1979 ий — Чалай Васлий, марий серызе, поэт, кусарыше, СССР Серызе-влак ушемын йыжыҥъеҥже (1951), Совет-япон сарын участникше.

Калык пале

• Йӱдйымал (северный) мардеж пуал колта гын, ояр кечылан. Эрвел (восточый) мардеж – йӱрлан.
• Пётр да Феврониян кечышт — йӧратыше-влакын пайремышт. Но ожно тиде пайремым мужыраҥше вате-марий гына палемденыт. Калык ой почеш, вӱдыштӧ вӱдӱдыр-влак сер дек лишемыт, сандене йӱштылмӧ годым поснак тӱткӧ лийман.
• Вес калыкын мифологийже дене таҥастарымашыште марий калыкын вӱдӱдыржӧ кол почан огыл, а кок йолан. Шукыж годым тудо тура кечывалым лектеш, вӱдӱдырым ужшо-влак моткоч мотор, кужу ӱпан, чара могыран ӱдырым сӱретлат. Но марий вӱдӱдыр пӧръеҥ-влак деч моткоч вожылеш да лӱдеш.

Палемдымаш