7 сӱрем

←
→
Сӱрем
← →Сӱрем
	2026 ий

7 сӱрем (7 июль) — григориан кечышот почеш идалыкын 188-ше (кужемдыме ийлаште — 189-ше) кечыже. Идалык пытыме марте 177 кече кодеш.

Йошкар-Олаште ☀️ Кече 3 шагатат 2 минутлан лектеш, 20 шагатат 33 минутлан шинчеш. Кечын кужытшо 🕒 17 шагатат 30 минут.
🌗 Пытартыш чырык (21.90 тылзе кече).

Пайрем да шарныктарыше кече-влак

Россий, Белоруссий, Украине — Иван Купала (руш. Иван Купала).
Россий — Сарзе чап кече (1770-ше ийыште Чесмен кучедалмашыште руш флот турок-влакым сеҥен кертын).
Иоанн Предтечин роштожо (руш. Рождество Иоанна Предтечи).
Нелеш налме огыл кече (руш. Глобальный день прощения).
Шоколад кече (руш. День шоколада).

Лӱмгече

Католик лӱм-влак: Венедикт, Кирилл, Мефодий.
Православий лӱм-влак: Антон (Антоний), Иван, Яков (Иаков).

Событий-влак

Тугак ончо: Категорий:Сӱрем тылзын 7 кечысе событий-влак

1807 ий — Россий ден Франций коклаште Тильзит вашкелшыкым пеҥгыдемдыме.
1881 ий — Римысе йоча-влаклан газетыште Пиноккио нерген йомакым икымше гана савыктеныт.
1957 ий — Пагуош олаште ядер оружийым кучылтмо шотышто икымше шанче конференций эртен.

Шочыныт

Тугак ончо: Категорий:Сӱрем тылзын 7 кечынже шочшо-влак

1938 — Июлия Дмитриевна Новосёлова, совет кугыжаныш да йӧнозанлык пашаеҥ. СССР Кӱшыл Каҥашын XI созывысе депутатше (1984—1989). КПСС Марий обком бюрон йыжъеҥже (1981—1989). Ленин орденын кавалерже (1986).
1950 — Александр Иванович Шуралёв, тӱвыра пашаеҥ. Шкеже тудо Морко кундем гыч. Ленинградысе тӱвыра институтым тунем лекмеке, икмыняр ий М. Шкетан лӱмеш Марий кугыжаныш драме театрыште актёрлан тыршен. Вара паша верым телевиденийыште муын: ончыч режиссёрлан, вара художественный вуйлатышын алмаштышыжлан тыршен.
1954 — Александр Анатольевич Карташов, чоҥымаш специалист. 1981-ше ийыште уста пашазе «Марийскавтодор» ушемыште пашам ышташ тӱҥалын. Вара Медведево кундемысе корным чоҥышо ушемын вуйлатышыже лийын. 2000-шӧ ий гыч Александр Анатольевич Марий Эл кугыжаныш Погынын депутатше.
1959 — Светлана Никодимовна Веткина, ужалыме пашаште тыршыше пашазе, Россий Федерацийын сатулымо сферын сулло пашаеҥже. Морко кундемыште шочын. 1981-ше ийыште Нуж-Ключ ялыште кевыт вуйлатышылан тыршаш тӱҥалын. Торгайымаш пашаште кугу пагалымашым сулен.

Коленыт

Тугак ончо: Категорий:Сӱрем тылзын 7 кечынже колышо-влак

1941 — Георгий Ефруш, марий серызе, поэт, кусарыше, литературовед, драматург, СССР Серызе-влак ушемын йыжыҥъеҥже (1939), 1941—1945 ийласе Кугу Ачамланде сарын участникше.

Калык пале

Йыван Купала кече. Ты кече дене шуко оҥай йӱла кылдалтын. Ожно Иван Купала кечын тул гоч тӧрштылыныт, эрдене эҥерыште йӱштылыныт, а кӧ ок йӱштыл гын — осал еҥлан шотленыт.
Марий калык гын тиде кечын эр лупс дене мушкылтын. Мончашкат олтеныт да Йыван Купача кечылан лӱмын ямдылыме выньык дене пуреныт. Ӱдыр-влак гын ончыкылык пӱрымашышт нерген мужедыныт. Марий-влак коклаштат «пелйӱдым кӱртньышудын пеледышыжым муат гын — эн пиалан лият» манме ӱшан шукерте шыҥдаралтын.
Йӱр йӱреш гын, эше вич кече йӱраш тӱҥалеш.