28 сӱрем

28 сӱрем (28 июль) — григориан кечышот почеш идалыкын 209-ше (кужемдыме ийлаште — 210-шо) кечыже. Идалык пытыме марте 156 кече кодеш.

Пайрем да шарныктарыше кече-влак

•  — Гепатит ден кучедалме тӱнямбал кече (руш. Всемирный день борьбы с гепатитом).
•  Россий — PR-пашаеҥын кечыже (руш. День PR-специалиста).
•  Россий — Русьым тынештарыме кече (руш. День Крещения Руси).
• Кирик ден Иулита (руш. Кирик и Улита).

Лӱмгече

• Православий лӱм-влак: Авудим, Василий, Владимир, Иустиниан (Юстиниан), Кирик (Кириак, Кирьяк), Лоллиан, Пётр, Агриппина, Иулитта (Юлитта, Улита), Матрона.

Эртынчык-влак

Тугак ончо: Категорий:Сӱрем тылзын 28 кечысе событий-влак

• 1585 – Америка гыч Английыш икымше гана пареҥгым конденыт. Тидын деч вара тудо Западыште шарлен да жап эртыме семын мемнан декат толын шуын.
• 1914 – Икымше тӱнямбал сар тӱҥалын.
• 1917 – Пӱтынь Российысе Марий калыкын икымше Погынжо тӱҥалын.
• 1958 – Моско олаште поэт Владимир Маяковскийын чапкӱжым почмо.

Шочыныт

Тугак ончо: Категорий:Сӱрем тылзын 28 кечынже шочшо-влак

• 1947 – Леонид Ксенофонтович Бабин, Маскасола кундем Шеклянур ялыште Марий Эл Республикысе ял озанлыкын сулло пашаеҥже. Ончыч паша корныжо Медведево, Советский, Куженер кундемласе тӱрлӧ ушемлаште эртен. 1990-ше ийыште кресаньык озанлыкын вуйлатышыжлан шогалын, а 4 ий гыч Советский кундемыште «Шокта» ушемын вуйлатышыже лийын. Тыгак 1996-2000-шӧ ийлаште кугыжаныш погынын депутатше сомылым шуктен.
• 1947 – Владимир Николаевич Савельев, скульптор. Шкеже Йошкар-Ола гыч. Заводышто икмыняр ий тыршыме деч вара Озаҥысе епархийын Раиф монастырьышке каен да умбакыжат сымыктыш пашаште шуаралтын. Аркадий Крупняковысе, Олык Ипайысе портрет-влакын, ятыр композицийын да медальын авторжо. Ончерже-влак Российысе олалаштат, йот эллаштат эртеныт.
• 1947 – Светлана Романовна Трохимец, Курыкмарий кундем Климансолаште тазалык аралтыш пашаеҥ, Марий Эл Республикын сулло эмлызыже. Смоленскысе мединститутым тунем лекмеке, Йошкар-Оласе йоча эмлымверыште интернатурым эртен да 4 ий «Кече» лӱман санаторийын тӱҥ эмлызыже лийын. Вара Медведевысе тӱҥ эмлыме верышке куснен: 1994-ше ий гыч вуйлатышыже.
• 1954 – Раиса Михайловна Данилова, марий мурызо, журналист, радиовӱдышӧ.

Коленыт

Тугак ончо: Категорий:Сӱрем тылзын 28 кечынже колышо-влак

• 1956 — Илья Ломберский, марий серызе, туныктышо, СССР Серызе-влак ушемын йыжъеҥже (1935), Удмурт АССР-ын сулло туныктышыжо (1955).

Калык пале

• Эрдене йӱр йӱреш – кечывалым кече ончалеш.
• Кирик ден Улитан кечышт. Ты кечым поснак ӱдырамаш-влак вученыт. Нунын шонымышт почеш, Улита ӱдырамаш-влаклан вийым ешара, йочаштлан тазалыкым пӧлекла.