Мочаев, Валерий Александрович

Валерий Александрович Мочаев
Валерий Александрович Мочаев
	Валерий Мочаев
Шочмо кече	1956 ий 6 теле (68 ий)
Шочмо вер	РСФСР, Марий АССР, Шернур кундем, Корембал ял
Гражданлык	СССР ; Россий
Паша сомыл	шымлызе, журналист
Награде да премий	; Марий Эл Республикысе М.Н. Янтемир лӱмеш Кугыжаныш премий

Валерий Мочаев (Валерий Александрович Мочаев) (1956 теле 6, РСФСР, Марий АССР, Шернур кундем, Корембал ял) – шымлызе, журналист, мер пашаеҥ, Марий Эл Республикысе М.Н. Янтемир лӱмеш Кугыжаныш премийын лауреатше (2007), «Марийский мир — Марий Сандалык» журналын тӱҥ редакторын алмаштарышыже, Российысе АФУН мер толкынын Марий Эл Республикысе пӧлкажым вуйлатыше (2005–2017), Марий Мер Каҥаш вуйлатышын икымше алмаштышыже.

Илыш корныжо

Валерий Мочаев 1956 ийын теле тылзын 6-шо кечынже кечын Марий АССР Шернур кундем Корембал ялеш шочын. Икымше кӱшыл шинчымашым Н.К. Крупская лӱмеш Марий кугыжаныш педагогике институтышто поген, Спорт факультетыште. 1982 ийыште Институтым тунемын пытарен.

«Кто есть кто в Марий Эл» справочникым чоҥышо семын палыме. 2017 ийыште Андрей Колесников дене пырля Марий биографий энциклопедийым чумыреныт.^[1] Тушко 4 тӱжем 905 биографий статьям пуртымо.

Кокымшо гана кӱшыл шинчымашым Российысе кугыжаныш гуманитар университетыште налын. 2003 ийыште тунемын пытарен.

Паша

Мер Каҥаш вуйлатышын икымше алмаштышыже (Икымше оналмаш).
«Марий Эл Радио» директорын алмаштышыже (2007).
Российысе АФУН мер толкынын Марий Эл Республикысе пӧлкажым вуйлатыше (2005).
«Марийский мир – Марий Сандалык» журналын тӱҥ редакторжо.

Чап

Марий Эл Республикысе М.Н. Янтемир лӱмеш Кугыжаныш премий Марий Эл Республикысе М.Н. Янтемир лӱмеш Кугыжаныш премий (2007).
«Марий Элыште суаплыклан» орденын медальже пашаште кугу сеҥымашке шумылан да журналистикым вияҥдымашке надырлан^[2] (2018).

Палемдымаш

Литератур

Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. – Йошкар-Ола, 2007. С. 245.

Кылвер-влак

[1] Марийская биографическая энциклопедия: от Онара до Евстифеева.

[2] Указ Главы Республики Марий Эл от 26 ноября 2018 г. № 214 «О награждении медалью ордена «За заслуги перед Марий Эл» Мочаева В.А.».

[1]

[2]