Тихомирова, Ольга Александровна

РУВИКИ — эрыкан энциклопедий гыч материал
Ольга Александровна Тихомирова
Ольга Тихомирова.jpg
Шочмо кече 6 пеледыш 1923(1923-06-06)
Шочмо вер
Колымо кече 6 ӱярня 1943(1943-03-06) (19 ий)
Колымо вер
Эл
Паша сомыл партизан, медшӱжар
Награде да премий
I степенян Ачамланде сар орден

О́льга Алекса́ндровна Тихоми́рова (6 пеледыш 1923, Марий автоном область — 6 ӱярня 1943, Белоруссий) — совет разведчице, медшӱжар. Кугу Ачамланде сар жапыште Белоруссийысе партизан толкынын чолга еҥже: 1-ше Белорус партизан бригадын разведчицыже да медшӱжарже. ВЛКСМ йыжыҥъеҥ.

Илыш корныжо

1923 ий 6 июньышто Марий автоном областьысе Лапшино ялыште (кызыт Йошкар-Олаш пура) пашазе-влакын ешыштышт шочын. Медицине шӱжар-влакын курсыштым тунем пытарен. 1939 ий гыч Н. К. Крупская лӱмеш МГПИ-н рабфакыштыже, 1941 ийыште — пионервожатый-влакын школыштышт тунемын. Кызытсе Марий Элын Медведево районысо Лӱльпан йоча пӧртыштӧ, кызытсе Марий Элын Провой кундемысе Сӱзлэҥер школышто, Марий АССР-ын Республикысе прокуратурыштыжо пашам ыштен[1][2].

1942 ий кеҥежым шке кумылын фронтыш каен[1].

Сарысе патырлык (подвиг)

Кугу Ачамланде сарын участницыже: 1-ше Белорус партизан бригадын разведке ужашын разведчицыже да медшӱжарже, старшина. 1943 ий мартыште Сураж районысо (Белоруссий) Шелбово чодырасе каныме кумдыкышто йыр авырен налме гыч лекме кредалмаште лийын, шке тӱшкажын командирже сусыргымеке, тудым алмаштен. Вара нелын сусырген колен. Белоруссийын Витебск Областьысе Сураж район Козловичи ял воктене иза-шольо шӱгарлаште тойымо[2][3].

Колымыж деч вара, 1958 ий 13 январьыште, СССР Кӱшыл Каҥаш Президиумын  (руш.) (мар. кӱштыкшӧ почеш, сарыште лӱддымылыкым да патырлыкым ончыктымыжлан I степенян Ачамланде сар орден дене суапландарыме[1][3].

Шарнымаш

  • 1958 ий гыч тудын лӱмжым Йошкар-Оласе урем нумалеш[2][4].
  • О. Тихомирован лӱмжым тудын тунемме Йошкар-Оласе 2 №-ан кыдалаш школлан пуымо. Школын оралте пырдыжыштыже тыге серыман шарнымаш оҥа уло: «2-шо школышто 1936 ий гыч 1939 ий марте комсомолка-партизанка Тихомирова Ольга Александровна тунемын, тудо Кугу Ачамланде сар жапыште Шочмо элым аралымаште патырла колен»[5][6].
  • Йошкар-Оласе 2 №-ан кыдалаш школ оралте ончылно бюст. 1970 ий 8 майыште Кугу Ачамланде сарыште Сеҥымашлан 25 ий темме годым почмо, партизанкын тунемме школ ончылно вераҥдыме. Автор — скульптор О. А. Дедов. Верысе ыҥан монументал сымыктышын памятникше улеш, кугыжаныш арала[7][8].
  • О. Тихомирова лӱмеш А. Лупповын «Кӱрылтшӧ пайрем» балетше пӧлеклалтын[9][10].
  • О. Тихомирован илышыжлан да сарысе патырлыкшылан Марий АССР-ын калык поэтше М. Майн «Лапшино гыч ӱдыр» балладым пӧлеклан. Тыгак О. Тихомирова З. Космодемьянская дене пырля М. Майнын кум ужашан «Ануш» драмын (1971) тӱҥ героиньыжын прототипше лийын[11].

Суаптар-влак

Палемдымаш

  1. ↑ 1 2 3 Великий подвиг земляков. Ольга Тихомирова. olalib.ru. Тергыме кече: 26 шорыкйол 2026. Архивлыме 16 сорла 2021 ий.
  2. ↑ 1 2 3 Мочаев, 2017, с. 439.
  3. ↑ 1 2 3 Тихомирова Ольга Александровна (руш.). МариМедиа. Тергыме кече: 26 шорыкйол 2026.
  4. ↑ Улица Улица Ольги Тихомировой в Йошкар-Оле (руш.). 2gis.ru. Тергыме кече: 26 шорыкйол 2026.
  5. ↑ Домашняя - МБОУ "Средняя общеобразовательная школа №2 г. Йошкар-Олы". edu.mari.ru. Тергыме кече: 26 шорыкйол 2026. Архивлыме 16 сорла 2021 ий.
  6. ↑ Памятная доска О.А. Тихомировой, Йошкар-Ола (руш.). 2gis.ru. Тергыме кече: 26 шорыкйол 2026.
  7. ↑ Памятник-бюст Ольге Тихомировой, героине-партизанке. Скульптор О.А.Дедов, Республика Марий Эл, гор. Йошкар-Ола, территория школы № 2. kartarf.ru. Тергыме кече: 26 шорыкйол 2026. Архивлыме 16 сорла 2021 ий.
  8. ↑ Памятник-бюст О.А. Тихомировой, Йошкар-Ола (руш.). 2gis.ru. Тергыме кече: 26 шорыкйол 2026.
  9. ↑ Для подвига забвенья нет, 2015-02-23, <https://web.archive.org/web/20210816080937/https://bibmedved.wordpress.com/2015/02/23/%D0%B4%D0%BB%D1%8F-%D0%BF%D0%BE%D0%B4%D0%B2%D0%B8%D0%B3%D0%B0-%D0%B7%D0%B0%D0%B1%D0%B2%D0%B5%D0%BD%D1%8C%D1%8F-%D0%BD%D0%B5%D1%82/>. Тергыме: 26 шорыкйол 2026. 
  10. ↑ Поиск по новостям - Прокуратура Республики Марий Эл (руш.). web.archive.org. Тергыме кече: 26 шорыкйол 2026.
  11. ↑ Макс Майн «Ануш» | Национальная библиотека имени С.Г. Чавайна Республики Марий Эл. nbmariel.ru. Тергыме кече: 26 шорыкйол 2026. Архивлыме 16 сорла 2021 ий.
  12. ↑ Тихомирова Ольга Александровна :: Память народа. pamyat-naroda.ru. Тергыме кече: 26 шорыкйол 2026. Архивлыме 16 сорла 2021 ий.

Литератур

  • Героиня-партизанка // Женщины Марийской АССР. — Йошкар-Ола, 1968.
  • Тихомирова Ольга Александровна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 360. — 2032 экз. — ISBN 5-87898-357-0.
  • Тихомирова Ольга Александровна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 754. — 872 с. — 3505 экз. — ISBN 978-5-94950-049-1.
  • Тихомирова Ольга Александровна // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 253—256. — 374 с. — 500 экз. — ISBN 978-5-94950-070-5.
  • Краснов П. В. Тихомирова Ольга Александровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 439. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Тихомирова,_Ольга_Александровна&oldid=1231600" гыч налме