Ефремов, Вениамин Георгиевич

Вениамин Георгиевич Ефремов
Вениамин Георгиевич Ефремов
Шочмо кече	1928 ий 5 шорыкйол (98 ий)
Шочмо вер	Красная Горка, Оршанке район, Марий автоном область, РСФСР, СССР
Гражданлык	СССР → Россий
Паша сомыл	агроном, инженер
Награде да премий	;

Вениамин Георгиевич Ефремов (шоч. 5 шорыкйол 1928, Ирка Катыри, Марий автоном область, РСФСР^[d], СССР) — совет ялозанлык пашаеҥ. «Кайык йӧнозанлык» Марий трестын икымше председательже (1967—1988). РСФСР ялозанлыкын сулло пашаеҥже (1985). КПСС йыжъеҥ.

Илыш корныжо

1928 ий 5 январьыште кызытсе Марий Эл Оршанке район Кунлянур (Красная Горка) ялысе кресаньык ешеш шочын^[1]^[2]^[3].

1943 ий гыч Оршанке МТС-ыште: тракторист, вара тӱҥ инженерын пашажым шуктышо. 1956 ийыште М. Е. Калинин лӱмеш Саратовысо ялозанлык механизаций институтым (руш.) (мар. тунем пытарен. Вара Морко МТС-ын директоржо, 1957—1960 ийлаште — Морко райком КПСС-ын 2-шо секретарьже, 1960—1962 ийлаште — Марий АССР Курыкмарий ялозанлык виктемын начальникше лийын^[1]^[2].

1967 ий гыч 1988 ий марте «Кайыкйӧнозанлык» Марий трестын икымше вуйлатышыже. Трестым почмаште да вияҥдымаште кӱкшӧ мастарлыкым ончыктен: «Волжская» чыве фабрикым чоҥаш верым ойырен, тудым ӱзгараҥдаш манын, Марий машиначоҥышо завод дене ойпидыш кагаз-влакым келыштарен, сатум ыштен лукташ тӱҥалын, у техникым шыҥдарен, изи куатан Акашево фабрикым урыкым уэмдыме пашалан келыштарен, «Курыкмарий» чыве фабрикын куатшым кугемден, «Комсомольский» чывеурлык совхозым, «Советская» чыве фабрикым чоҥен, пашаеҥ-влакым ямдылен. Тидлан кӧра трест СССР-ыште 5 эн ончыл трест радамыш лектын^[1]^[2].

Ялозанлык аланыште сеҥымашыжлан 1985 ийыште тудлан «РСФСР ялозанлыкын сулло пашаеҥже» чаплӱмым пуэныт. Октябрь Революций, Пашан Йошкар Тистыже (кок гана), «Чап Тамга» орден-влак, ВДНХ-ан медальже-влак (кум гана), тыгак Марий АССР Кӱшыл Каҥаш Вуйверын кок Чап таныкше дене суапландаралтын^[1]^[2].

Кызыт Йошкар-Олаште ила.

Чаплӱм да суаптар

РСФСР ялозанлыкын сулло пашаеҥже (1985)^[1]^[2]
Октябрь Революций орден (1975)^[1]^[2]
Паша Йошкар Тисте орден (1971, 1981)^[1]^[2]
«Почёт пале» орден (1965)^[1]^[2]
ВДНХ-н шӧртньӧ медальже (1970)^[1]^[2]
ВДНХ-н ший медальже^[1]^[2]
ВДНХ-н той медальже^[1]^[2]
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль
«Пожарыште лӱддымылыклан» медаль (руш.) (мар. (1973)^[1]^[2]
Марий АССР Кӱшыл Каҥаш Президиумын Чаптаныкше (1978, 1988)^[1]^[2]

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Мочаев, 2017, с. 143.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Энциклопедия Республики Марий Эл, 2009, с. 355.
↑ Красная Горка (Катырев, Ирка Катыри) | Родная Вятка (неопр.). rodnaya-vyatka.ru. Тергыме кече: 13 пургыж 2026.

Литератур

Ефремов Вениамин Георгиевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 124. — 2032 экз. — ISBN 5-87898-357-0.
Ефремов Вениамин Георгиевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 355. — 872 с. — 3505 экз. — ISBN 978-5-94950-049-1.
Опарина Т. Т. Ефремов Вениамин Георгиевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 143. — 606 с. — 1500 экз. — ISBN 978-5-905314-35-3.

[_d8abd5506f0f78d2-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Мочаев, 2017, с. 143.

[_a0f521b7b8ba0be5-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Энциклопедия Республики Марий Эл, 2009, с. 355.

[3] Красная Горка (Катырев, Ирка Катыри) | Родная Вятка (неопр.). rodnaya-vyatka.ru. Тергыме кече: 13 пургыж 2026.

[1]

[2]

[3]