Загайнов, Леонид Иванович

Леонид Иванович Загайнов
Леонид Иванович Загайнов
Шочмо кече	1925 ий 3 пеледыш (101 ий)
Шочмо вер	Лоповцы, У Торъял район, Марий автоном область, РСФСР, СССР
Эл	СССР → Россий
Шанче алан	юриспруденций
Паша вер	СССР ША Кугыжаныш да права институт
Шанче степень	юрист шанче доктор
Палыме	социалист кугыжанышын экономике пашажын да экономике тӧртык-влакын концепцийыштын авторжо
Награде ден премий-влак	;

Леонид Иванович Загайнов (шоч. 3 пеледыш 1925, Лоповцы, Марий автоном область, РСФСР^[d], СССР) ― совет шанчызе-юрист. СССР ША-н Кугыжаныш да права институтын кугурак, вӱдышӧ шанче пашаеҥже (1970―1991), юрист шанче доктор (1978). РСФСР-ын сулло юристше (1986). Кугу Ачамланде сарын салтакше. ВКП(б) йыжъеҥ.

Илыш корныжо

1925 ий 3 пеледышыште кызытсе Марий Эл У Торъял район Лоповцы ялысе шуко йочан кресаньык ешеш шочыне^[1]. 1942 ийыште шочмо районысо Пектубай кыдалаш школым жап деч ончыч тунем лектын^[2]^[3].

1942 ийыште РККА-ш ӱжалтын. Кугу Ачамланде сарын салтакше: училищыште тунемме деч вара юж-десант бригадыште: салтак, партизан, 1944 ий гыч ― неле-шкекоштшо артиллерий полкын саргурал командирже, гвардийын сержантше. Нелын сусырген, сар инвалид. III степенян Чап, I степенян Ачамланде сар орден да медаль-влак, тидын коклаштак «Лӱддымылыклан» медаль дене палемдалтын^[2]^[3].

Сар пытымеке ― Марий АССР-ысе У Торъял велне озанлык пашаеҥ, МАССР Провойышто ВЛКСМ РК-н комсоргшо. 1951 ийыште Угарманысе партий школым тунем лектын. ССКП-н Провой райкомысо муткучышо пашаеҥлан пашам ыштен^[2]^[3].

1959 ийыште визытан дене Ушемысе юридический институтым, пашам кодыде, (кызыт ― О. Е. Кутафин лӱмеш Москосо кугыжаныш юридический университет (руш.) (мар.) тунем лектын. 1961 ий гыч ― СССР ША-н Кугыжаныш да права институтышто (руш.) (мар.: аспирант, шанче пашаеҥ, 1970 ий гыч — кугурак, 1988―1991 ийлаште ― вӱдышӧ шанче пашаеҥ^[2]^[3].

1986 ийыште тудлан «РСФСР-ын сулло юристше» чаплӱмым пуымо^[2]^[3]. Медаль-влак дене палемдалтын.

Шанче паша

1966 ийыште «Совет кугыжанышын коммунизм негызшылан экономикыште пого-техникын кӱлешлыкше нерген» / «О роли экономических функций советского государства в создании материально-технической базы коммунизма» теме дене кандидат диссертацийым арален. Юридический шанче кандидат (1967)^[4].

1977 ийыште «Социалист кугыжанышын экономике пашаже да экономикын тӧртыкше-влак: теорий йодыш-влак» / «Экономическая деятельность социалистического государства и законы экономики: теоретические проблемы» теме дене доктор диссертацийым сайын арален. Юридический шанче доктор (1978)^[5]^[6].

СССР ША-се Кугыжаныш да права институтын шанче пашаеҥже лийын, социалист кугыжанышын экономике пашажын да экономике тӧртык-влакын автор концепцийыштым ышташ тыршен^[2]^[3].

40 утла шанче пашан, ты радамыште 15 монографийын, авторжо улеш, нунын коклаште — 5 шкенжын: «Социалист кугыжаныш да экономике тӧртык» (1975), «Вияҥше социалист кугыжанышын политике кышкарже» (1984), «Совет кугыжанышын вияҥме тӧртыккорныжо» (1987) да молат^[2]^[3]^[4]^[7].

Чаплӱм да суаптар

РСФСР-ын сулло юристше (руш.) (мар. (1986)^[2]^[3]
III степенян Чап орден (1944)^[2]^[3]
I степенян Ачамланде сар орден (1985)^[2]^[3]
«Лӱддымылыклан» медаль (1944)^[2]^[3]
«Владимир Ильич Ленинын шочмыжлан 100 ий темме лӱмеш. Чапле пашалан» медаль

Палемдымаш

↑ Лоповцы | Родная Вятка (неопр.). rodnaya-vyatka.ru. Тергыме кече: 20 теле 2025. Архивлыме 20 сорла 2021 ий.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 153.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Энциклопедия Республики Марий Эл, 2009, с. 366.
↑ ¹ ² Авторы изданий (неопр.). lawlibrary.ru. Тергыме кече: 20 теле 2025. Архивлыме 18 теле 2018 ий.
↑ Загайнов, Леонид Иванович - Экономическая деятельность социалистического государства и законы экономики : теоретические проблемы : диссертация ... доктора юридических наук : 12.00.01 - Search RSL (руш.). search.rsl.ru. Тергыме кече: 20 теле 2025.
↑ Загайнов Леонид Иванович 1925 г.р. десантник. (англ.). Photopodium.com. Тергыме кече: 20 теле 2025.
↑ Web ИРБИС (неопр.). web.archive.org. Тергыме кече: 20 теле 2025.

Литератур

Колесников А. Ю. Загайнов Леонид Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 132. — 2032 экз. — ISBN 5-87898-357-0.
Загайнов Леонид Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 366. — 872 с. — 3505 экз. — ISBN 978-5-94950-049-1.
Колесников А. Ю. Загайнов Леонид Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 153. — 606 с. — 1500 экз. — ISBN 978-5-905314-35-3.

[1] Лоповцы | Родная Вятка (неопр.). rodnaya-vyatka.ru. Тергыме кече: 20 теле 2025. Архивлыме 20 сорла 2021 ий.

[_d8abd4506f0f771d-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 153.

[_a0f524b7b8ba10df-3] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Энциклопедия Республики Марий Эл, 2009, с. 366.

[:0-4] ¹ ² Авторы изданий (неопр.). lawlibrary.ru. Тергыме кече: 20 теле 2025. Архивлыме 18 теле 2018 ий.

[5] Загайнов, Леонид Иванович - Экономическая деятельность социалистического государства и законы экономики : теоретические проблемы : диссертация ... доктора юридических наук : 12.00.01 - Search RSL (руш.). search.rsl.ru. Тергыме кече: 20 теле 2025.

[6] Загайнов Леонид Иванович 1925 г.р. десантник. (англ.). Photopodium.com. Тергыме кече: 20 теле 2025.

[7] Web ИРБИС (неопр.). web.archive.org. Тергыме кече: 20 теле 2025.

[1]

[2]

[3]

[4]

[5]

[6]

[7]