Йолорван тӱнямбал кечыже
| Йолорван тӱнямбал кечыже | |
|---|---|
.jpg) | |
| Ыҥ | Таза илыш-йӱлам, йолорван кӱлешлыкше да айдемылан чыла шотыштат пайдале улмыжым чапландарымаш |
| Ышталтын | 2018 ий 12 апрельыште |
| Ыштыше | ООН-ын Генеральный Ассамблейже |
| Палемдат | тӱнямбал пайрем |
| Кече | 3 пеледыш |
 Медиафайлы на РУВИКИ.Медиа | |
Йолорван тӱнямбал кечыже (англ. World Bicycle Day) — 2018 ий гыч ий еда 3 июньышто палемдыме тӱнямбал пайрем.
Йолорван тӱнямбал кечыжын негызше
США-н профессоржо, социологийын шанче кандидатше Лешек Сибилски, мер калык дене пырля тӱшка кампанийым тарватен, Йолорван кечыжым пайремлаш кӱлмӧ нерген ООН-ыш резолюций дене лектын, тиде ой дене 56 эл келшен[1]. Шкешотан ош-канде логотипым #June3WorldBicycleDay Исаак Фельд шонен луктын, а анимаций сӱретым профессор Джон Э. Суонсон ыштен. Логотипыште тӱрлӧ йолорвазым сӱретлыме, нунышт пӱтынь тӱня мучко кудалыт, а ӱлнӧ #June3WorldBicycleDay хештегым келыштарыме. Логотип йолорван кӱлешлыкше да айдемылан чыла шотыштат пайдале полыш улмыж нерген ойла.
Йолорван тӱнямбал кечыжын кӱлешлыкше
Йолорван тӱнямбал кечыже — пӱтынь тӱнян пайремже, илыш умылымаш, ончалтыш ойыртемым шотыш налде, кажне айдеме тиде кечым куанлын вашлиеш. Йолорва айдеме тукымын ончык кайымаште тамгаж семын улеш, тудо ваш пагален, умылен, тӱвыра поянлыкым аралаш полша. Тидын деч посна йолорва «мланде ӱмбалсе ӱшанле транспортын» тамгаже: тудо ынде кужу жап ышталтеш да кучылталтеш, йыр улшо пӱртӱслан, климатлан нимогай эҥгекым ок кондо[2]. Пытартыш ийлаште Йолорван кечыжым пайремлымаш таза илыш-йӱлам чапландарыме дене кылдалтын.
Тыгак ончо
Палемдымаш
- ↑ A/RES/72/272 - R - A/RES/72/272. undocs.org. Дата обращения: 3 пеледыш 2020. Архивировано 9 шорыкйол 2021 ий.
- ↑ United Nations. Всемирный день велосипеда | Организация Объединенных Наций. United Nations. Дата обращения: 3 пеледыш 2020. Архивировано 3 пеледыш 2020 ий.