31 шыжа

←
→
Шыжа
← →Шыжа
	2026 ий

31 шыжа (31 октябрь) — григориан кечышот почеш идалыкын 304-ше (кужемдыме ийлаште — 305-ше) кечыже. Идалык пытыме марте 61 кече кодеш.

Йошкар-Олаште ☀️ Кече 7 шагатат 10 минутлан лектеш, 16 шагатат 25 минутлан шинчеш. Кечын кужытшо 🕒 9 шагатат 14 минут.
🌖 Катыкем толшо тылзе (19.78 тылзе кече).

Пайрем да шарныктарыше кече-влак

— Хэллоуин (руш. Хэллоуин).
Россий, Украине, Грузий, Болгарий, Румыний, Турций — Шем теҥызын тӱнямбал кечыже (руш. Международный день Черного моря).
Россий — Сизо да тырма пашаеҥын кечыже (руш. День работников СИЗО и тюрем).
Кид дене ончыктен кусарышын кечыже (руш. День сурдопереводчика).
Ола-влакын тӱнямбал кечышт (руш. Всемирный день городов).
Аныклымын тӱнямбал кечыже (руш. Международный день экономии).
Шым миллиардын кечыже (руш. День семи миллиардов).
Шем тӱнян кечыже (руш. День тёмной материи).
Хоккей вратарьын тӱнямбал кечыже (руш. Международный день хоккейного вратаря).
Юн кечыже (руш. День магии).

Лӱмгече

Лука, Иосиф, Гавриил, Давид, Леонтий, Сергей, Юлиан.

Эртынчык-влак

Тугак ончо: Категорий:Шыжа тылзын 31 кечысе событий-влак

1958 — Борис Пастернак Никита Хрущёвлан серышым возен: тушто Нобель премийым налаш тореш лиймыже нерген палдарен, Совет Ушемыштак кодаш йодын.
1961 — Йӱдым Мавзолей гыч Иосиф Сталинын капшым луктыныт.

Шочыныт

Тугак ончо: Категорий:Шыжа тылзын 31 кечынже шочшо-влак

1955 — Геннадий Валентинович Васильев, шанче пашаеҥ. Морко кундем Чодрасолаште шочын. Кӱшыл шинчымашым Горькийысе мединститутышто поген. Ятыр жап Медведево санэпидемстанцийыште санитар врачлан пашам ыштен. 1985-ше ийыште тӱҥ эмлызылан шогалын. А 1993 ийыште Йошкар-Ола кугыжаныш санэпиднадзор рӱдерын тӱҥ эмлызыже лийын. Йошкар-Оласе депутат-влак погынымат вуйлатен. Икмыняр шанче пашан авторжо.
1977 — Эдуард Аркадьевич Иманаев, журналист, мер пашаеҥ, Россий журналист-влак ушемын йыжыҥъеҥже (2005). 1999—2015 ийлаште «Марий Эл» газетыште пӧлка редактор гыч тӱҥалын, вара тӱҥ редакторын алмаштышыжлан, ответственный секретарьлан пашам ыштен. Тылеч вара (2015—2024 ийлаште) «Кугарня» газет» кугыжаныш предприятийым вуйлатен. Кызыт ‒ «Марий книга издательстве» савыктыш пӧртын директоржо. 2020 ий гыч Марий калык конгрессым вуйлата. Марий Эл Виктерын Чап грамотыж дене палемдалтын.

Коленыт

Тугак ончо: Категорий:Шыжа тылзын 31 кечынже колышо-влак

1961 — Степан Иванович Анников, марий совет шанче пашаеҥ. Марий-влак кокла гыч икымше инженер, технике шанче кандидат (1949). РСФСР шанчын сулло пашаеҥже (1958), Марий АССР шанчын да техникын сулло пашаеҥже (1947). Икымше тӱнямбал сарын салтакше. Марий облисполкомын йыжыҥъеҥже (1929—1934).
1975 — Сергей Степанович Леухин, совет туныктышо. Марий АССР-ын Йошкар-Оласе 11 №-ан кыдалаш школышто физикым туныктышыжо (1936―1942, 1946―1975, кӱрылтыш дене). РСФСР школын сулло туныктышыжо (1958). Ленин орденын кавалерже. Кугу Ачамланде сарын салтакше. ВКП(б)-ын йыжыҥъеҥже.
2007 — Тимофей Петухов, марий серызе, почеламутчо, семлызе, артист.

Калык пале

Вишньыште лышташ эше йоген пытен огыл гын, вочшо лум, очыни, вашке шулен пыта.
Пыл йӱдвел гыч кечывалвелыш кая гын, игече кечан лийшаш, а кечывалвел гыч йӱдвелыш – лавыртышлан.
Шнуй Лукан кечыже. Ты кечын юмоҥа возышо, сӱретлыше-влакым чот саламленыт. Тыгак шоганым кочкыныт, икте-весылан шоганым ужаленыт.