Пушкарёв, Анатолий Александрович

РУВИКИ — эрыкан энциклопедий гыч материал
Анатолий Александрович Пушкарёв
Пушкарёв, Анатолий Александрович.jpg
Шочмо кече 29 сӱрем 1937(1937-07-29)
Шочмо вер
Колымо кече 2 сӱрем 2009(2009-07-02) (71 ий)
Колымо вер
Гражданлык  СССР →  Россий
Паша сомыл
агроном, депутат
Награде да премий

Орден «Знак Почёта»  — 1982 RUS Medal of the Order For Merit to the Fatherland 2nd class ribbon.svg
Марий Эл Республикысе ялозанлыкын сулло пашаеҥже (1997)

Анато́лий Алекса́ндрович Пушкарёв (29 сӱрем 1937, Безводна[d], Пыжанъю кундем, Киров область, Россий — 2 сӱрем 2009, Моско, Россий) — совет да российысе ялозанлык пашаеҥ. Марий АССР / Марий Эл Медведево районысо «Марийская» чыве фабрикын («Марийское» ЗАО) директоржо (1985—2009). Марий Эл Республикысе ялозанлыкын сулло пашаеҥже (1997). Марий АССР Кӱшыл Каҥашын 12-шо созыв депутатше (1990—1993), Марий Эл Республикын Кугыжаныш Погынжын 1-ше да 3—5-ше созыв-влакын депутатше (1994—1996, 2000—2009).

Илыш корныжо

1937 ий 29 июльышто Киров область Пыжанью районысо Безводна ялыште шочын[1][2].

1960 ийыште Н. К. Крупская лӱмеш Марий педагогике институтым тунем пытарен[1].

1960 ий гыч — Марий АССР-ысе Килемар районышто пашам ыштен: Красный Мост школын завучшо да директоржо[1].

1974 ий гыч — «Броневик» совхозын директоржо, 1980 ий гыч — «Озёрная» чыве фабрикын директоржо[1].

1985—2009 ийлаште — Марий АССР / Марий Эл Медведево районысо «Марийская» чыве фабрикын («Марийское» ЗАО) директоржо[3][4]. В. Кузнецов деч виян озанлыкым налын, тудым Марий Элыште ик эн лектышан, ик писын вияҥше озанлыкышке савырен[1].

Ӧрыктарыше факт: 1996 ий март тылзыште Марий Эл Президентын кӱштыкшӧ дене Медведево районысо администрацийын вуйлатышыжлан шогалтеныт — келшен огыл[1].

2001 ийыште Марий Эл Имне спорт федерацийын председательже лийын[1][5].

1990—1993 ийлаште Марий АССР Кӱшыл Каҥашын  (руш.) (мар. 12-шо созыв депутатшылан сайлалтын, 1994—1996, 2000—2009 ийлаште — Марий Эл Республикын Кугыжаныш Погынжын 1-ше да 3—5-ше созыв-влакын депутатше[1][6][7]. Аграрный политике, экологий да пӱртӱс дене пайдаланыме шотышто постоянный комиссийын да Агропромышленный комплексым вияҥдыме шотышто комитетын йыжыҥъеҥже лийын. «Ачамланде — чыла Россий» толкынын йыжыҥъеҥже[8][9][10].

Ялозанлыкым вияҥдымашке надыржылан 1997 ийыште тудлан «Марий Эл Республикысе ялозанлыкын сулло пашаеҥже» чаплӱмым пуэныт. «Почёт Пале» орден, медаль-влак да Марий АССР Кӱшыл Каҥаш Президиумын Чапкагазше дене суапландаралтын[1]. 2002 ийыште Российын 1000 эн профессионал менеджер-влакын рейтингышкышт пурталтын.

2009 ий 2 июльышто Москошто колен. Шочмо кундемыштыже тоеныт[1].

Паша чаплӱм ден суаптар-влак

Палемдымаш

  1. ↑ 1 2 3 4 5 6 7 8 9 10 11 12 13 Мочаев, 2017, с. 358.
  2. ↑ Безводное | Родная Вятка. rodnaya-vyatka.ru. Тергыме кече: 24 шорыкйол 2026. Архивлыме 1 сӱрем 2024 ий.
  3. ↑ Организации с руководителем / учредителем, в том числе в прошлом: пушкарев александр анатольевич. www.find-org.com. Тергыме кече: 24 шорыкйол 2026. Архивлыме 1 сӱрем 2024 ий.
  4. ↑ Маркетинговая деятельность ЗАО «Марийское», Краткая характеристика предприятия - Маркетинговая деятельность и способы повышения ее эффективности. Vuzlit. Тергыме кече: 24 шорыкйол 2026.
  5. ↑ Медведевский район, Республика Марий Эл, Сайт газеты Вести, Об ипподроме. web.archive.org. Тергыме кече: 24 шорыкйол 2026.
  6. ↑ Фамилия, имя, отчество - стр. 8. refdb.ru. Тергыме кече: 24 шорыкйол 2026.
  7. ↑ Официальный сайт Госсобрания Республики Марий Эл. old.gsmari.ru. Тергыме кече: 24 шорыкйол 2026. Архивлыме 1 сӱрем 2024 ий.
  8. ↑ Пушкарев Анатолий Александрович - актуальная биография. runetbook.ru. Тергыме кече: 24 шорыкйол 2026. Архивлыме 1 сӱрем 2024 ий.
  9. ↑ Государственное Собрание Республики Марий Эл. old.gsmari.ru. Тергыме кече: 24 шорыкйол 2026.
  10. ↑ Созыв 20042009 годы 1803 дня стр. 7 - стр. 7. uchebana5.ru. Тергыме кече: 24 шорыкйол 2026.
  11. ↑ Пушкарев Анатолий Александрович – Награды России, 2003-05-28. ru.nagrady.by. Тергыме кече: 24 шорыкйол 2026. Архивлыме 1 сӱрем 2024 ий.

Литератур

  • Мочаев В. А. Пушкарёв Анатолий Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 295. — 2032 экз. — ISBN 5-87898-357-0.
  • Мочаев В. А. Пушкарёв Анатолий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 358. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Пушкарёв,_Анатолий_Александрович&oldid=1232953" гыч налме