Тресцов, Борис Иванович

РУВИКИ — эрыкан энциклопедий гыч материал
Борис Иванович Тресцов
Борис Иванович Тресцов.jpg
Флаг
Марий АССР-ысе чодыра озанлыкын министрже
Флаг
1966 — 1981
Шочын 29 сӱрем 1924(1924-07-29)
Колен 11 идым 2010(2010-09-11) (86 ий)
Партий КПСС
Шинчымаш Юл кундемысе чодыра технике институт
Профессий чодырам ончышо
Награде

Бори́с Ивáнович Тресцóв (29 сӱрем 1924, Вещево[d] — 11 идым 2010, Йошкар-Ола) — совет да российысе чодыра озанлык пашаеҥ, кугыжаныш пашаеҥ, туныктышо. Марий Элысе чодыра озанлыкын историйжым шымлыше. Чодыра озанлык да чодырам аралыше Марий виктемын начальникше (1965—1966), Марий АССР-ысе чодыра озанлыкын икымше министрже (1966—1981). Юл кундемысе чодыра технике институтын доцентше (1962—1963, 1981—1991). Кугу Ачамланде сарын участникше.

Илыш корныжо

1924 ий 29 июльышто Киров областьын кызытсе Яраҥ районысо Вещево ялысе кресаньык ешеш шочын[1][2].

1942 ий майыште РККА-ш налме. Кугу Ачамланде сарын уастникше: «Катюша» гвардий миномёт частьыште служитлен, 1944—1945 ийлаште — тул взводын командиржын полышкалышыже, гвардийын старший сержантше, вара — 1-ше Украин фронтын 3-шо гвардий миномёт бригаде виктемын батарей старшинаже. Чехословакий да Дрезден марте шуын, Берлин операцийын участникше. Умбакыже службо Венгрийыште Совет войскан Рӱдӧ тӱшка кышкарыште эртен. 1947 ий июньышто капитан лӱмпале дене армий гыч демобилизоватлалтын. II степенян Ачамланде сар, Йошкар Шӱдыр орден-влак да медаль-влак дене суапландаралтын[1][3][4][5][6][7].

1952 ийыште Юл кундемысе чодыра технике институтын чодыра инженер факультетшым визытан дене тунем пытарен[1][4].

1952 ий гыч — Козиково леспромхозын тӱҥ инженерже, 1957 ий гыч — Юрино, 1961 ий гыч — Марий АССР-ысе Козиково леспромхоз-влакын директоржо[8].

1963—1965 ийлаште — Юл-Виче совнархозын «Марилес» комбинатын начальникше[1], а 1965—1966 ийлаште — Чодыра озанлык да чодырам аралыше Марий виктемын начальникше[4].

1966—1981 ийлаште — Марий АССР-ысе чодыра озанлыкын министрже[1]. 1981 ийыште сулен налме канышыш лектын[4].

1962—1963 ийлаште — Юл кундемысе чодыра технике институтын экономике, чодыра озанлык да йӧнозанлык кафедрыште доцентын сомылжым шуктышо, 1981—1991 ийлаште — пашам аралыме кафедрын доцентше[1][4].

Краевед да Марий Элысе чодыра озанлыкын историйжым шымлыше семынат палыме. Российысе Чодыра департаментлан 200 ий темме лӱмеш «Марийский лес» (1997)[9][10], 2 ужашан «Труженики леса Марийской АССР в Великой Отечественной войне» (2000—2005) книга-влакын авторжо[1][11].

Паша Йошкар Тисте орден, медаль-влак да кум гана — Марий АССР Кӱшыл Каҥаш Президиумын Чаптаныкше дене суапландаралтын[1].

2010 ий 11 сентябрьыште Йошкар-Олаште колен, туштак тойымо[1].

Суаптар-влак

Пашалан

Сарысе

Шарнымаш

  • 2012 ий 3 майыште Марий Элын Кокшайск лесничествыште республикын икымше чодыра озанлык министрже, Кугу Ачамланде сарын ветеранже Б. И. Тресцовым шарныме лӱмеш пушеҥгым шынденыт.
  • Марий АССР-ысе чодыра озанлыкын икымше министрже Б. И. Тресцов нерген увер Марий Эл Республикын Пӱртӱс ресурс, экологий да пӱртӱсым аралыше министерствын Чодыра тоштерыштыже ончыкталтын.

Палемдымаш

  1. ↑ 1 2 3 4 5 6 7 8 9 10 11 Мочаев, 2017, с. 446.
  2. ↑ Вещево | Родная Вятка. rodnaya-vyatka.ru. Тергыме кече: 8 шорыкйол 2026.
  3. ↑ 1 2 3 4 5 Тресцов Борис Иванович :: Память народа. pamyat-naroda.ru. Тергыме кече: 8 шорыкйол 2026.
  4. ↑ 1 2 3 4 5 6 7 8 9 10 11 12 13 Тресцов Борис Иванович (руш.). historydepositarium.ru. Тергыме кече: 8 шорыкйол 2026.
  5. ↑ Галерея памяти участников ВОВ (руш.). Музейный комплекс "Дорога Памяти". Тергыме кече: 8 шорыкйол 2026.
  6. ↑ Генеалогическое исследование рода и семьи — найти и узнать свои корни и происхождение онлайн бесплатно на Familio. Familio. Тергыме кече: 8 шорыкйол 2026.
  7. ↑ Победители. Победители. Тергыме кече: 8 шорыкйол 2026.
  8. ↑ Козиково (Йорынгтынг, Мелкое) | Родная Вятка. rodnaya-vyatka.ru. Тергыме кече: 8 шорыкйол 2026.
  9. ↑ Борис Иванович Тресцов. Марийский лес: очерки по развитию лесного хоз-ва и лесных отраслей Респ. Марий Эл: [200 лет Лесному департаменту России]. — Йошкар-Ола: Периодика Марий Эл, 1997. — 301 с.
  10. ↑ Марийский лес : очерки по развитию лесного хоз-ва и лесных отраслей Респ. Марий Эл : 200 лет Лесному департаменту России - Тресцов Б.И.. — 1997.
  11. ↑ Труженики леса (руш.). calameo.com. Тергыме кече: 8 шорыкйол 2026.

Литератур

  • Они защищали Родину: назовём поимённо: Юрин. р-н: [кн. памяти] / Респ. Марий Эл, Муницип. образование "Юрин. р-н; [отв. (науч.) ред. В. С. Соловьёв]. — Йошкар-Ола: Изд-во Мар. полиграфкомбината, 2005 (ГУП РМЭ Мар. полиграфкомбинат). — 231 с., [16] л. ил., портр.; 24 см; ISBN 5-87898-283-8.
  • Мочаев В. А. Тресцов Борис Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 365. — 2032 экз. — ISBN 5-87898-357-0.
  • Айплатов Г. Н., Мочаев В. А. Тресцов Борис Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 446. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Тресцов,_Борис_Иванович&oldid=1232176" гыч налме